تجربتي مع ٣ شركات طيران في رحلة واحدة (اغرب من...

  • بادئ الموضوع بادئ الموضوع Mohamed Mustafa Hamed
  • تاريخ البدء تاريخ البدء
M

Mohamed Mustafa Hamed

:: مسافر ::
تجربتي مع ٣ شركات طيران في رحلة واحدة (اغرب من الخيال) الموضوع طويل بس ممكن يكون مفيد للناس اللي بتسافر كتير.

مبدأيا كنت مسافر الصين يوم ٢٨/٦ قررت احجز بدري علشان الاسعار و كده حجزت أول أبريل اللي فات. و هنا اول تجربة.

الخطوط القطرية.
لاقيت تذكرة الاقصر بكين ترانزيت الدوحة (٤ ساعات ترانزيت) بسعر ٤٠٠٠ جنيه (ذهاب فقط) و ده سعر وهمي اصلا. ده غير أنه كان معايا voucher خصم ١٠٠٠ جنيه علي travelstart فبالتالي التذكرة كانت ب٣٠٠٠ اللي هو يا بلاش.
توكلت على الله و حجزت التذكرة.
بعد ايام حصل حظر الطيران القطري في مصر
بيني و بينكم قلقت. كانت فترة امتحاناتي و مش فاضي. بعد أسبوع رحت مكتبهم في المهندسين كان زحمة جدا جدا بس للأمانة كان التعامل راقي. قالوا لي هنغير لك التذكرة علي اي خطوط تانية علي حسابنا و متقلقش بس للاسف مش هنقدر نحجز لك علي طيران دول المقاطعة (مصر للطيران-الاتحاد-الاماراتية-الخليج-السعودية) بس ممكن نحجز لك من مطار القاهرة بدل الاقصر. و بكده مكنش فيه أي حلول غير الخطوط التركية (ترانزيت اسطنبول لمدة ساعة و نصف). تذكرة الخطوط التركية دي كانت عاملة الف دولار مدفعتش جنيه زيادة و هنا تنتهي قصة احترام مع الخطوط القطرية.
--
يوم السفر جه و رحت مطار القاهرة علشان طيارة التركية.
مبدأيا كان معايا ٢٥ كيلو وزن زيادة معرفش بقي كان الموظف شارب ايه و مدفعنيش
و كانت الصاعقة. طيارة اسطنبول اتاخرت طيب كده مش هلحق طيارة بكين. موظفين التركية في القاهرة قالوا لي متقلقش هيطلعوك علي أول طيارة و يحجزوا لك فندق و شركة محترمة و بتاع.
وصلت اسطنبول و رحت الtransfer desk لتبدأ قصة المعاناة مع أسوأ طيران في حياتي.
الموظفة قالت لي طيارة بكين الجاية بعد ٢٤ ساعة و هنحجز لك فندق. و سألتني انت معاك شنجن سارية؟ قلتلها لا. قالت لي يبقي تستني في صالة الترانزيت. نعم؟؟!! استني يوم كامل في صالة الترانزيت عشان طيارتكم انتم اتاخرت؟ قالولي الفندق خارج المطار و انت مينفعش تخرج. طيب بالنسبة للفندق اللي جوه المطار؟ قالت لي الفندق اللي جوه لو عاوز تقعد فيه تدفع. و بكل قلة أدب خدت اللي بعدي و كأني هوا واقف. طيب يا مدام يا انسه يا اي حد. بعد نص ساعة تفضلت عليا و قالت لي هنحولك لمدير الخدمات الأرضية للخطوط التركية. رحت لسبع البرمبة لاقيته واقف معووج و مش بيتكلم عدل. تناكة بنت لذينة و مش طايق نفسه و بيكلمني من طرف لسانه و بعد ساعة إلا ربع فيما معناه ده اللي عندي و فيه هناك تليفون كلم خدمة العملاء فيه. طيب اكلم ليه خدمة العملاء و انت قدامي؟ سابني و مشي. اه والله سابني و مشي.
رحت و انا بائس اكلم خدمة العملاء في التليفون تقولي هنعمل لك شكوي؟ نعم؟ اعمل ايه انا بالشكوي؟ بعد ربع ساعة في التليفون قالت لي خلاص هبعت لك موظف مكان ما انت موجود يحل القصة دي (كانت عايزة تقفل و خلاص و انا فهمت) قاتلها تفضلي معايا عالتليفون لحد ما يجيلي. نص ساعة واقف علي رجلي معاها عالتليفون و محدش جه. بعد ساعة عالتليفون اخر ما زهقت قالت لي روح مكتب التحويلات و هم هيتصرفوا و قفلت في وشي (اقسم بالله حصل) رحت مكتب الزفت ده و انا علي اخري خلاص قالولي هنغيرلك تذكرتك علي خطوط تانية. مش مشكلة بس انا عاوز اغور من مطار الزفت و شركة النيلة دي. طيب فيه ايه؟ قالولي لوفتهانزا ترانزيت فرانكفورت أو الاتحاد ترانزيت ابو ظبي. طيارة لوفتهانزا هتوصل قبل الاتحاد بساعة. خفت من المعاملة السيئة في المانيا خاصة اني مسافرتش علي لوفتهانزا قبل كده بس سافرت علي الاتحاد و اعرفهم فاخترت الاتحاد. طيب ده لسة فاضل ٥ ساعات علي الطيارة. قالولي ممكن نفتح لك business lounge تستريح فيه. رضيت بالامر الواقع قاتلها هاتي طيب الpass بتاع الlounge قالت لي اطلع لهم فوق و هيدخلوك انا هكبمهم في التليفون. طلعت زي العبيط و داخل الlounge الموظفين قالوا لي مش هتدخل محدش كلمنا و بطريقة مهينة جدا. في اللحظة دي انا انفجرت و فضلت ازعق و اشتمهم و اشتم تركيا كلها و قلت بس انا هييجي الأمن يقبض عليا. و المفاجأة محصلش حاجة. ولا كاني زعقت ولا كانه حصل حاجة. نزلت لمكتب الزفت تاني اللي قال لي اطلع الاقي الشيفت اتغير. و مدير الشيفت قال لي فيما معناه انت عبيط اكيد مش هدخلك business lounge و هنا بكل هدوء قلت له انتم أسوأ طيران و أسوأ خطوط و أسوأ شعب و تابعتها بالكثير من الf you بكل هدوء و استسلمت للأمر الواقع و طلعت ااكل و نمت علي كنبة معفنة في المطار ده و انا كل احلامي في الدنيا هي اني اغور من السجن ده.
يعني أنا كنت حاجز فندق في بكين دفعت فلوسه و نمت علي كنبة في مطار اسطنبول. الحمد لله علي كل شئ.
---
ساعة الفرج جت و هطلع طيارة الاتحاد (يا مانت كريم يا رب)
اقسم بالله بمجرد ما دخلت الطيارة كاني دخلت الجنة.
خدتها من اسطنبول لابو ظبي نوم. ترانزيت ساعة واحدة بس. طلعت طيارة بكين خدتها نوم لحد بكين بعد التعب الشديد في اسطنبول.
وصلت بكين و شفت طيارة لوفتهانزا اللي مرضتش اجي عليها لاقيتها Airbus A380 اكبر طيارة ركاب في العالم (بدورين) و ندمت ندم شديد اني ماخترتش لوفتهانزا (ده طبعا دلع انا كنت في غاية السعادة اني سيبت اسطنبول)
---
اسف جدا علي الإطالة بس الدروس المستفادة هنا
-اختار شركة الطيران كانك بتختار عروستك بالظبط. حتي لو هتدفع زيادة شوية بس اختار الشركة اللي تقف معاك و متذلكش.
-القطرية محترمين. (جدا)
-التركية شركة زبالة و موظفينها عندهم قلة ذوق غير طبيعية.
-الاتحاد كالعادة مريحة و محترمة.
-عزائي الوحيد اني مكنتش مختار الخطوط التركية من الاول.
5utMH5c_segs_G4xrH8_HDqwSwA6m2cY.jpeg
 
متفق معاك التركية فيهم ملحوظة غريبة كل الموظفات فعلا سئين وعندهم قلة ذوق بشعة
 
بس مافهمتش تقصد ايه بعذائي الوحيد دي انك محجزتش التركيه من الاول ؟
 
انا كنت بحب الطيران التركي لكن فى اخر رحله شفت تعامل سيّء جدا من الموظفين فى المطار وقله احترام للركاب فى كذا موقف
 
طيران التركية رخيص بس هم عالم رخيصة و قذرة
ده حتي مصر للطيران النيلة احسن
 
اخواتي امبارح بردة حصل معاهم موقف مشابة من قبل الخطوط الجوية التركية
كانوا حاجزين من امريكا لمصر علي الخطوط القطرية فلما جم يحولوهم كان قدامهم اختيارين يا المغربية يا التركية اختارو المغربية فاتصلنا بيهم علشان نحجز اطفال حديثي الولاده رفضوا و قالو انهم متحولين من القطرية مش حاجزين معاهم علي طول
فبالتالي اتصلنا علي القطرية قالولنا للاسف ليكم تحويل واحد بعد مشادات علي التلفون و كلمنا السوبر فايزور قالنا تمام دة حاله استثائيه و حولنا علي الاختيار التاني التركية (اللي متتخيرش سوء عن المغربية بالظبط ) بعد معناه حجزنا للاطفال حديثي الولاده و دة بردة كان بمشدات كتيرة ملهاش اي سبب مقنع لرفض حجزهم
وصلومطار اسطنبول بحمد الله و الطيارة نزلت في اسطنبول قبل معادها بنصف ساعه تقريباً الترانزيت كان ساعتين و نصف مع النصف ساعه اللي نزلتهم الطياره بدري كدة تلات ساعات ترانزيت راحوا يصلو و ياكلو حاجه اخدو حوالي خمسين دقيقه تقريباً راحوا ال gate التانيه علشان طيارة القاهرة و هنا كانت المفاجأه كان اخر نداء للطيارة اللي طالعه القاهرة و هما بينادو في المطار قالولهم الطيارة قفلت خلاص محدش هيدخل تاني !!! طب ازاي و انتو بتنادو لسه عليها !! قالولهم هو كدة و شنطكم نزلت من الطيارة بالفعل
اتصلنا بخدمة العملا و كان ردهم سخيف جدا قالولنا هما متحولين احنا ملناش دعوه بيهم رغم التحويل اصبح مسئوليه الشركة التانيه اللي هي التركية ،طب ايه الحل قالولهم لازم تحجزوا تذاكر تاني من اول و جديد و اتصرفوا بالفعل لما راحو يحجزو تذاكر لقوا اول رحله مصر للطيران بعد ست ساعات و هما معاهم اطفال صغيرين المدة كدة كبيرة بعد ما استسلموا بالوضع و بالفعل راحو يحجزو الشركة رفضت قالتلهم لازم يبقي معاكو فيزا لتركية علشان كدة يعتبر انتو هاربين مش موجودين في البلد بطريقة شرعيه
اخيراً قررنا نحجزلهم اون لاين و بالفعل رجعوا علي مصر للطيران
و حالياً احنا في مشادات في الشركة القطرية و التركية و كلمنا محامي و بنطالب بتعويض عن اللي حصل و الاهمال اللي حصل دة من الشركتين القطرية و التركية خصوصاً ان الاطفال واحد منهم تعب في الرحله
 
هو للأمانة يعني الأتراك كلهم كدا... مش بس الطيران بتاعهم
 
فعلا اسوأ مطار واسوأ خدمه المطار التركي .
انا كنت مسافره مره تركيا وانا بختم في الجوازات رمي الباسبور في وشي ولحقته قبل ما يقع علي الارض ولا حتي قالي welcome ولا اي حاجه
 
كنت مسافر موسكو ترانزيت ٦ سعات في اتاتورك افهم ازاي مطار دولي زي ده رابط الشرق الأوسط وغرب اسيا ومفيش حد بيتكلم إنجليزي ال نجدني كرديه بتتكلم تركي اه والله عيني عليكي يا بلدي
 
فى ناس بتشكر فى الطيران التركى كتير عشان عنده خطوط فى كل مكان.. بس فى حاجتين معظم اللى جايين من امريكا شنطهم بتتاخر او بيقعدوا فترات ترانزيت أطول.. التعامل مع الموظفين الأتراك سخيف لانهم عنصرين الى حد ما فى اسطنبول تحديدا كما انهم الشعب اللى اخترع الروتين
 
القطريه طبعا لا جدال علي احترامهم .. لاكن التركيه انا مشوفتش منهم غير كل احترام بردو .. ممكن يكون حظك وقع مع موظفين زباله بس دول مش مقياس
 
طيب نذكر بقي سيئة من سيئات القطرية اللي انا عن نفسي مش بسافر غير عليها من ١٢سنة لكل الوجهات
قطعة الجاتو اللي في الوجبة حلوه اوي وصغيره اوي ياريت يكبروها شوية بجد ومش ديما لما بطلب تاني بيكون في عندهم ياريت يهتمو شوية بالموضوع ده دي ارواح ناس
 
فعلا انا الي تجربه سيئه بمطار تركيا و الموظفين قليلين أدب و غير محترمين
 
معلومه مفيده مع احترامي ل صاحب البوست بس الطيران التركي ما سوا شي غلط و مشو علا قوانين الطيران و حجزو لك طياره و لان الانتضا اكثر من 8 ساعات تاخذ فندق و meal allowance بس همه ما يتحكمون بل فيزا و لا الهم علاقه انت ك مصري ما يعطوك فيزا بل مطار و الطيزان ما له علاقه لان اصلا بدون فيزا ما تكدر تتطلع لل بلد اي بلد كان مو موضوع تركيا لو مثلا كندي او امريكي يختمون لك الفيزا بل مطار و تاخذك التاكسي لل فندق علا حسابهم و تكعد بل فندق علا حسابهم و عشا و افطار علا حسابهم و ياخذوك من الفندق لل مطار اليوم الثاني مثل الملك و كان ترتاح اخر راحه بس موضوع الفيزا مثل اي، بلد ثاني جنسيتك المصريه ما مسموح الك تاهذ فيزا بل مطار
 
أعلى