M
Maged Shalaby
:: مسافر ::
لوكسمبورج .. دوله صغيره تقع مابين المانيا وفرنسا وبلجيكا .. الحقيقه انا كنت بخطط ان ان اروح من فرنسا مباشره لالمانيا ولكن لما بصيت على الخريطه لاقيتها وشدنى ان انا ازور مكان مش مشهور و مش عليه رجل زى مابيقولو فقررت ان انا ازورها لمده يومين .. الحقيقه انا زهلت من المزيج ال بتجمعه لوكسمبورج مابين الماضى والحاضر .. البلد عباره عن نصفين . نص تمشى فيه تحس انك رجعت 500 600 سنه ورا من بيوت لسه محتفظين بعراقتها وشكلها لحد دلوقتى و شوارع اقرب ل ازقه منها لشوراع وكل حاجه لسه زى ماهيا ولسه الناس عايشه فيها .. والنص التانى ال هو عباره عن الحاضر من مبانى شاهقه ومولات وخلافه .. الملخص ان المواطن ال لوكسمبورجى يصحى الصبح فى عام 1517 يروح الشغل يبقى ف 2017 يخلص الشغل يرجع تانى ل 1517 .. انصح اى حد ناوى يعمل Euro Trip ان البلد دى لازم تكون فى خططه .. اى حاجه تخص لوكسمبورج من اقامه ومواصلات وخلافه انا فى الخدمه ..
