H
Hanan Houssein
:: مسافر ::
لو هتعيشى فى بلد قريبه من مصر زى الدول العربيه ممكن تعيشى سنين مرتاحه وتنزلى مصر كل صيف بيكون كفايه اما هجره لكندا او استراليا فهى غربه فظيعه والناس بتنام من 10 وبرد تحت الصفر بكتيييير وعادات وافكار شاذه عننا لازم تشربيها لولادك.احلى حاجه فى الدنيا تعيشى فى مصر وتحاولى تسافرى كل سنه بره مصر ان شالله 3 ايام
M
Mahmoud El Nagar
:: مسافر ::
أحلى حاجه في مصر زالزحمه والمعاناه اللي الواحد بيعيشها عشان فيه روح لما تكون واقف في الزحمة وعرقان وطالع عين أهلك وبعد كده تروح البيت ويجي الليل وتتفسح مع اصحابك وحبايبك دي بالدنيا لكن اللي عاش بره مصر أكيد الحياه سهله وكل حاجه في متناول يدك وممكن تشترى عربيه مثلأ تكون رخيصه جداً ومش عارف تركبها في بلدك ..كل الحياه السهلة دي ماتسويش يوم واحد من بلدي مصر الحبيبه
M
Marwa Ahmed
:: مسافر ::
بصى من الاخر طول ما معاكى فلوس هتبقى مصر زى الفل ولو مش معاكى هتبقى زفت .. بالنسبالى بتعب نفسيا لما برجع مصر بتعب من قلة النضافة وقلة الذوق فى التعامل والنصب واحساس ان كل اللى حواليكى عاوز يقلبك وبس
الحاجة الحلوة هى الروح والتغيير لان برة مصر الحياة روتينيه وكلها شغل وبس منتهى الرتابة بس طبعا حياة ادمية وكل حقوقك بتاخديها وبتلاقى العدل والامان
الحاجة الحلوة هى الروح والتغيير لان برة مصر الحياة روتينيه وكلها شغل وبس منتهى الرتابة بس طبعا حياة ادمية وكل حقوقك بتاخديها وبتلاقى العدل والامان