بص يابن الناس
انا دخلت سفارة امريكا مره
و اخدتها
رتب ورقك
كلم نفسك قبل المقابله بيومين في المرايه
حتي لو هتكذب في تفاصيل اقنع نفسك بيها الاول في المرايه ، اصلا اللي هيسألك في السفاره دا من اغبي شعوب الارض " الامريكان" بس عنده خبره شويه في اللغه الجسديه
يعني لو سألك كوبري اكتوبر بيودي علي فين و قولتله قبرص وواثق في كلامك ولا هيطلب منك اثبات
اهم حاجه رتب ورقك بحيث ان لو طلب منك ورقه تعرف تطلعها في اقل من ثانيه و بدون تردد
هيسأل السؤال تجاوب لغايه ما يسأل التاني
لا تتوتر ولا تلعب بصوابعك ولا الكلام دا كله لانه شايفك في الكاميرات حواليك
خليك هادي و زي الفل
الورقه الوحيده اللي طلبها مني كان جواب من الشغل اني في اجازه مدفوعه الاجر في الفتره اللي مسافر فيها
بقولك تاني اللي قدامك مايعرفش اجابه السؤال بس يعرف طريقه اجابتك للسؤال و هيا دي اللي تفرق معاه
الامريكان شعب غبي و انا لسه راجع من هناك بعد اقامه ٥ سنين احنا بالنسبالهم آلهة في كل حاجه ، اتكل علي الله و ابقي طمنا
