بعد اذنكم انا دلوقتي برتب رحلة لتركيا وانا كنت...

[Nuha Muhammed]

بعد اذنكم انا دلوقتي برتب رحلة لتركيا وانا كنت واخدة قبل كده فيزا تركيا بس 2012 والباسبور فيه حاصلة على ليسانس تمام دلوقتي ابدا منين بالظبط هغير المهنه في بطاقتي وبعدها اغير الباسبور ياريت حد يفيدني اولا هستلم البطاقة بعد قد ايه واستلم الباسبور بعد قد ايه وياريت اعرف هل فيزا تركيا سهلة ولا صعبة وايه الاوراق المطلوبة علشان ابقى في الامان علما بان الرحلة دي هتكون ان شاء الله على يوم 30 اغسطس شكرا مقدما ❤

 

[Nuha Muhammed]

Haguer Mohammed

 

[عاطف فايد]

تأشيرة تركيا للسن ما بين ١٨ سنه و ٤٥ سنه ،،،،المطلوب حجز طيران مبدئ وحجز فندق مبدئ وتأمين صحى دولى وكشف حساب وجواب من جهة العمل او سجل تجارى لو موجود ومش محتاجه تغيير مهنة،،،،ويتم تقديم الاوراق وتحديد موعد من موقع السفارة ورفع الاوراق على موقع السفارة

 

[Mohamed Elgohary]

للاسف مفيش مواعيد فى السفاره قبل العيد
رتبى رحلتك لبلد تانيه علشان متمشيش فى إجراءات على الفاضى

 

[Eman Elmatbouly]

انا جددت البطاقه مستعجل و طلعت في ٣ ايام .

 

[Deena Adel]

البطاقة إسبوعين
الباسبور ٥ ايام
بلاش تركيا عشان مرخمين اوي

 

[Sherif Al Sayed]

سافرو وانبسطو ومتيأسيش من الاجراءات بتاعة بلدنا. بالتوفيق

 

[عاطف فايد]

هما بيدوا تقريبا فترة عمل من اسبوع ل ١٤ يوم

 

[Nour Elkawas]

اعملي بطاقة مستعجلة بتاخد ٣ ايام بالظبط لسه عاملها والجواز بياخد بالظبط كمان ٣ ايام

 

[Mahmoud Ismail]

اول حاجه لازم تغيري البطاقة عشان التصريح الأمني أو أنك تروحي شركه سياحه و تطلعيها فيزا زياره مش سياحه و كده ممكن تطلعي التصريح الأمني من مجمع التحرير شغالين كل يوم معادا الجمعة من ٨:٣٠ ل ١:٠٠ الظهر

 

[Mamdouh Elsayed]

هوه بقي فيه ف مصر يا جماعه ،ايه اللي بيحصل ، فيزه تركيا ايه اللي الناس قلقانه منها كده ، انا خرجت من مصر من تلات سنين حاسس اني بعدت 20 سنه.

 

[Mai Elgerby]

لازم الاول تحجزي معاد للسفاره لانو بياخد وقت بعدين تغيري المهنه في البطاقه وبعدين الباسبور ممكن تعمليهم مستعجل مش بياخدو تلات اربع ايام المعاد بتاع السفاره هو اللي بياخد وقت كتير لازم تغيري المهنه عشان الصريح الامني الفيزا سهله بس رزله ان شالله هتتبسطي اوي هناك

 

[Maysa Badran]

احسن حاجه علشان تريحى نفسك روحى شركة سياحة وهما يجيبولك الفيزا وياخدو فلوس هما بيبقو حاجزين مواعيد فى السفارة

 

[Engie Abd El Rehiem]

طيب معلش سؤال انا مبشتغلش و عمري ما اشتغلت و باسبوري حاصله علي بكالوريوس ايه وضعي من الاعراب بالنسبه للتصريح الامني ؟

 

[هدى أحمد]

بصي انا لسه عاملة موعد لاختي وخلصت وخدت التأشيرة وسامحيني اتقالي الهري بتاع مش هتلاقي معاد مرخمين التأمين ٣ شهور بس من واقع تجربة هري والله اختي استلمت تأشيرتعا اليوم بتأمين شهر فقط الموعد كان بعد الابلكيشن ب١٤ يوم فقط

 

[Hesham Hesham]

ما تغيريش حاجه نفس الاوراق اللي قدمتيها في الفيزا الاولي قدميها ذائد صوره الفيزا اللي من قبل واللي متواجد في باسبوره فيزا من قبل من السهل انو السفاره توافق اخد الفيزا

 

[Salma Samir]

البطاقة و الباسبور من 18-20يوم

 

[Shady Mohamed]

انا كنت عايز استفسر عن سفرية لتركيا بس سمعت ان طالما انا مش شغال وفِي الباسبور ف خانة المهنة مكتوب مؤاب الدراسي فا كدة مش هينفع يطلعلي فيزا فكنت عايز استفسر عن نقطة دي صح ولا لا وحد تاني قلي اعمل باسبور واكتب ف خانة مهنة محاسب حر وقدم ف نقابة ع عضوية عشان عن طريقها اجيب خطاب العمل انا معايا باكالريوس تجارة تنظيم وإدارة فلو حد عندة افادة ف موضوع دة يبقي خدمني

للعلم انا بوست دة منزلة من تلت ايام ومعمول بيندنج من سعتها مش عارف لية