M
MohaMed Farouk
:: مسافر ::
قضيت يوم كامل في كوالالامبور فقط ب 8 دولار امريكي تقريبا ... ازاي؟ بسيطة .. مالكش دعوى بشركات السياحة ووفر .. المصري بيدخل بالباسبور فقط بدون فيزا .. حجزت اتوبيس من سنغافورة لكوالالامبور في ماليزيا فقط ب 15 دولار سنغافوري من علي النت .. المسافة 5 ساعات والعودة كذلك مساءا ب 15 دولار سنغافوري .. دخلت طبعا بدون فيزا فقط بالباسبور .. واتحركت بالمترو والاتوبيس بكل حرية ورحت اماكن كتير وقعدت في كل مكان براحتي خالص الوقت اللي خبيته .. الاكل رخيص جدا هناك بس انا باحب اوفر قوي في بند الاكل الصراحة فمصرفتش حاجة تقريبا .. روح سنغافورة بس خد فيزا double entery لو هتروح بلد تاني غيرها او multi entery لو هتروح كذا بلد تاني.. ومن هناك تقدر تروح ماليزيا بالاتوبيس وتقدر تروح بالي في اندونيسيا .. فقط بالباسبور المصري .. سنغافورة وماليزيا من البلاد المريحة نفسيا جدا ليا..رحت سنغافورة اكتر من مرة لكن دي كانت اول مرة اروح فيها ماليزيا.. في شهر رمضان 2017 .. سنغافورة وماليزيا #عشق .. قبل ما اروح ماليزيا سألت صديقي المحترم الرحالة Mohamed Elsayed محمد السيد وفادني كتير في كيفية التنقل هناك واهم محطات المترو واهم مايستحق الزيارة وطبعا مهم جدا يكون معاك علي الموبايل خريطة المترو وتدخل عاي تريب ادفايسور عشان تعرف اهم مايستحق الزيارة وكيفية الوصول اليه ... اابوست القادم ان شاء الله عن سنغافورة .. واللي بعده عن الصين .. ان شاء الله
