H
Hazem Badr
:: مسافر ::
على طريقة البوستات الرائعة لصديقنا العزيز الدكتور احمد محمد @Ahmed mohamed اسمحوا لى اشرح لكم شوية Tricks فى حجز الطيران مفيدة جدا وموفرة بشكل ممتاز :
النقطة الاولى هى ان عندنا محطتين هامتين جدا للانطلاق لدول كتير جدا فى اسيا واوروبا باسعار خيالية تقترب من اسعار الطيران داخل مصر او اقل
المحطة الاسيوية العظيمة هى كوالالمبور فى ماليزيا واللى ممكن تنطلق منها لاغلب دول اسيا باسعار خيالية عن طريق شركات الطيران المنخفض التكاليف زى اير اشيا وغيرها فمثلا ممكن تنتقل من ماليزيا لكوريا فى رحلة مدتها ست ساعات باقل من ١٥٠ دولار وممكن تروح من تايلاند للفلبين وترجع من الفلبين لماليزيا او سنغافورة برضه باقل من ١٥٠ دولار وتروح من ماليزيا لتايلاند بعشييين دولار وهكذا
المحطة الاوروبية العظيمة هى اسطنبول واللى ممكن تنتقل منها لكل اوروبا الغربية ولروسيا واوكرانيا و اسيا الوسطى وايران ببلاش من ١٠٠-١٥٠ دولار رايح راجع.
النقطة التانية هى ازاى ازور اكنر من دولة باقل تكلفة طيران ؟ وهاضرب لكم ثلاث امثلة مشهورة للمصريين جدا :
١- لو حبينا نزور مثلا اسطنبول و باريس وامستردام فى رحلة واحدة وبتكت واحد
* هتلاقوا فى الصور تكت القاهرة اسطنبول ثم اسطنبول باريس والانتقال من باريس لامستردام بالقطار او بالباص والعودة من امستردام للقاهرة بسعر مناسب جدا وقريب من سعر تكت باريس لوحدها
٢- لو حبينا نزور ماليزيا وتايلاند فى رحلة واحدة
*هتلاقوا فى الصور برضه تكت القاهرة كوالالمبور والعودة من بانكوك للقاهرة ويبقى ناقصك بس تكت اقتصادى من كوالالمبور لبانكوك بكلام فارغ
٣- احد الاصدقاء كان عايز يسافر تايلاند والفلبين وسنغافورة مع بعض وفى اتجاه واحد بدون ما يضطر يزور مدينة اكتر من مرة وباقل تكلفة
* هتلاقوا برضه فى الصور التكت الرئيسية القاهرة بانكوك والعودة من سنغافورة للقاهرة ومعاها تكت تانى من بانكوك لمانيلا والعودة من مانيلا لسنغافورة
تحت امركم فى اى سؤال
#السندباد
#مسافر_الكومبو
#حازم_بدر
تحديث :
١- ناس كتير سالتنى فى التعليقات عن مواعيد الرحلات اللى فى الصور ... المواعيد دى كلها فى شهر نوفمبر لان من المعروف ان شهور التخفيضات الكبيرة فى الطيران هى ابريل ومايو واكتوبر ونوفمبر ... كمان ايام الثلاثاء والاربعاء ارخص ايام للسفر فى الاسبوع ... يعنى على سبيل المثال رحلة القاهرة كوالا والعودة من بانكوك للقاهرة من الاربعاء ٨ نوفمبر لحد الاربعاء ٢٢ نوفمبر وهكذا
٢- من المعروف طبعا ان الطيران الاقتصادى بتكون اسعاره غير شاملة شنط او وجبة وبيكون مسموح لك فقط بهاندباج ٧ كجم ولو عايز تشحن شنط تانية او لو عايز وجبة بتدفع مقابل لهم ويفضل تحجزهم مع التكت هيكون اوفر بكتير مما لو ادبست فى المطار وحبيت تحجزهم
النقطة الاولى هى ان عندنا محطتين هامتين جدا للانطلاق لدول كتير جدا فى اسيا واوروبا باسعار خيالية تقترب من اسعار الطيران داخل مصر او اقل
المحطة الاسيوية العظيمة هى كوالالمبور فى ماليزيا واللى ممكن تنطلق منها لاغلب دول اسيا باسعار خيالية عن طريق شركات الطيران المنخفض التكاليف زى اير اشيا وغيرها فمثلا ممكن تنتقل من ماليزيا لكوريا فى رحلة مدتها ست ساعات باقل من ١٥٠ دولار وممكن تروح من تايلاند للفلبين وترجع من الفلبين لماليزيا او سنغافورة برضه باقل من ١٥٠ دولار وتروح من ماليزيا لتايلاند بعشييين دولار
وهكذاالمحطة الاوروبية العظيمة هى اسطنبول واللى ممكن تنتقل منها لكل اوروبا الغربية ولروسيا واوكرانيا و اسيا الوسطى وايران ببلاش
من ١٠٠-١٥٠ دولار رايح راجع.النقطة التانية هى ازاى ازور اكنر من دولة باقل تكلفة طيران ؟ وهاضرب لكم ثلاث امثلة مشهورة للمصريين جدا :
١- لو حبينا نزور مثلا اسطنبول و باريس وامستردام فى رحلة واحدة وبتكت واحد
* هتلاقوا فى الصور تكت القاهرة اسطنبول ثم اسطنبول باريس والانتقال من باريس لامستردام بالقطار او بالباص والعودة من امستردام للقاهرة بسعر مناسب جدا وقريب من سعر تكت باريس لوحدها
٢- لو حبينا نزور ماليزيا وتايلاند فى رحلة واحدة
*هتلاقوا فى الصور برضه تكت القاهرة كوالالمبور والعودة من بانكوك للقاهرة ويبقى ناقصك بس تكت اقتصادى من كوالالمبور لبانكوك بكلام فارغ
٣- احد الاصدقاء كان عايز يسافر تايلاند والفلبين وسنغافورة مع بعض وفى اتجاه واحد بدون ما يضطر يزور مدينة اكتر من مرة وباقل تكلفة
* هتلاقوا برضه فى الصور التكت الرئيسية القاهرة بانكوك والعودة من سنغافورة للقاهرة ومعاها تكت تانى من بانكوك لمانيلا والعودة من مانيلا لسنغافورة
تحت امركم فى اى سؤال
#السندباد
#مسافر_الكومبو
#حازم_بدر
تحديث :
١- ناس كتير سالتنى فى التعليقات عن مواعيد الرحلات اللى فى الصور ... المواعيد دى كلها فى شهر نوفمبر لان من المعروف ان شهور التخفيضات الكبيرة فى الطيران هى ابريل ومايو واكتوبر ونوفمبر ... كمان ايام الثلاثاء والاربعاء ارخص ايام للسفر فى الاسبوع ... يعنى على سبيل المثال رحلة القاهرة كوالا والعودة من بانكوك للقاهرة من الاربعاء ٨ نوفمبر لحد الاربعاء ٢٢ نوفمبر وهكذا
٢- من المعروف طبعا ان الطيران الاقتصادى بتكون اسعاره غير شاملة شنط او وجبة وبيكون مسموح لك فقط بهاندباج ٧ كجم ولو عايز تشحن شنط تانية او لو عايز وجبة بتدفع مقابل لهم ويفضل تحجزهم مع التكت هيكون اوفر بكتير مما لو ادبست فى المطار وحبيت تحجزهم