السلام عليكم لو سمحتو انا مقيم في دبي وكان...

[Zac Anderson]

السلام عليكم لو سمحتو انا مقيم في دبي وكان عندي اجازه في شهر اكتوبر وكنت عايز اقدم علي تأشيره شينجن بس المكشله ان كشف الحساب بتاعي هيكمل 3 شهور الشهر الي جاي فا دي هتكون مشكله تاني حاجه الحساب مفيهوش مبلغ كبير حوالي 5 او 6 الاف درهم بس عليه سحب وايداع كويس انا هقدم عن طريق شركه اسمها VFS في دبي ياريت لو حد عنده معلومات عمةما يفيدني بيها ايه الدول الي بتقبل 3 شهور كششف حساب وشكرا للجميع

 

[Menna Mahmoud]

عندك travel history في الباسبور بتاعك ؟

 

[Elaskari Fouda]

قدم ايطاليا بتطلب 3شهور حساب بنكى وقدم مثلا 5ايام مدة الرحلة بس لازم تزود الفلوس شويه لان كده قليل لازم يكون فى فلوس تغطى مصاريف الرحلة موفق باذن الله

 

[Luna Omar]

قدم الشهر إللى جاى و عادة الفيزا مش بتاخذ اكتر من ٣ اسابيع .. VFS دا اجبارى التقديم من خلاله ل اللى عايز يقدم لعدة دول شينجن. خلى مدة سفرك المطلوبه قليلة عشان حساب البنك.

 

[Mohamed El Shenawy]

الرصيد مش مشكلة ...المهم الحركة بس معنى كلامك انك لسه جديد في عملك ولا بقالك فترة فيه ؟..

ومن غير فتي كثير ....الغرض من كشف الحساب انه اثبات على وجود دخل ثابت فلازم يشوف فيه قيمة تحويل المرتب وحيتأكد منه على قدرتك المالية للسفى وحيقارن بينه وبين خطاب العمل .

وعلى هذا الأساس حيقدر ان عندك قدرة للسفر وتكاليف الرحلة ولا لأ وذاهب ومش راجع .

خد بالك فرصتك ضعيفة لو لسه جديد في عملك وبقالك اقل من 3 شهور ومرتبك لا يتناسب مع تكاليف رحلة سياحية لكن مفيش حد عنده ضمان للقبول او الرفض.

بالتوفيق

 

[Badr Helmy]

في رأيي مش ها تتقبل في اي دولة .. سبحان الله انت نسخة من موقفي لما جيت البلد دي و كان راتبي كاش مش بيتحول و جبت كشف حساب 3 شهور بس و فيه مبلغ حوالي 15 الف و حجز فندق و حجز طيران و دعوة رسمية مختومة و معتمدة من حكومة رأس الخيمة للمشاركة في معرض السياحة الدولي و خطاب من شركتي بتكفلها بكامل المصاريف و اللتزامات و مع ذلك برضه اترفضت شينجن و انجلترا

 

[Hossam Abd Ellatif]

لو عندك تأشيرات قبل كدا يبقى قدم عادي انما لو باسبورك ابيض فلازم تستنى شويه علشان رصيدك فى البنك يزيد

 

[Revan Serag El Din]

لو عندك اقامه اكتر من سنه في دبي ووظيفتك بالباسبور كويسه هتاخدها بسهوله ان شاء الله.