أصدقائي الأعزاء أعضاء الجروب الكرام :) بما...

[Bahaa Aldeen Farouk]

أصدقائي الأعزاء أعضاء الجروب الكرام
بما أننا بنحب دائما نطور خدماتنا و نشوف ايه أفضل طريقة لوصول المعلومه ليكم, عاوز أعرف رأيكم في التالي هل تفضل:
1) أنك تعرف معلومه عن مدينة معينه بمشاهدة فيديو عنها (VLOG) يعني فيديو مصور لواحد بيشرحلكم عن البلد و الأنشطه اللي فيها في فيديو مدته 15 دقيقه مثلا
2) و لا الأفضل ليك أنك تقرا موضوع مكتوب يلخصلك أهم مميزات المدينة و معلومات عنها و عن أهم الأنشطه اللي ممكن تعملها فيها مع بعض الصور لأشهر الأماكن اللي ممكن تزوروها ؟
رأيكم يهمني

 

[محمد أمين]

طيب و اللي بيستمتع بالاختياريين يعمل ايه

 

[Mohamed Abdo]

الفيديو هيبقى افيد كتير لان اللي يشوف غير اللي يقرأ
الأذواق ممكن تختلف يعني ذوق اللي بيحكي أن البلد رائعه ممكن يختلف من شخص للآخر وهكذا

 

[Salma Saad]

انا بالنسبالى الفيديو طبعا لان مش كل الناس بتحب تقرأ

 

[Jiji Hashem]

فيديو طبعا..

 

[Sohair El Rahman]

اللى مهتم هايقرا

 

[Ahmed Mohamed]

انت عارف رأيي من زمان ياهندسه فلوجات هي المستقبل سواء فيس او يوتيوب البلوجرز هي كويسه اوي حاليا بس للمستقبل معدش الناس فاضيه تقري

 

[Bahaa Aldeen Farouk]

أحب أوضح جزء بسيط كفرق ما بين الطريقتين :
1) الفيديو : بيكون تجربه حيه حقيقية لأحد المسافرين و لكن للأسف 15 دقيقه لا تكفي لعرض اهم المعالم و المزارات و النصائح لمدينة كامله و بالتأكيد معالم و انشطه كتير مش حيتم تغطيتها في فيدو واحد, و لكنها بتعطي مشهد حقيقي للحياه في المدينة ,
2) المقال المكتوب : بيفقد جزء من جماله لأنه مش بيخليك تشوف المشهد الحقيقي للمكان و لكن بيصورلك المكان من وجهة نظر الكاتب نفسه بايجابياته و سلبياته و لكن بيتمبز أنه بيقدر ينقلك كل المعلومات الهامه عن المدينه و أهم المعالم و النشاطات في موضوع واحد سهل حفظه و مشاركته و الرجوع ليه أي وقت في اي مكان

 

[Doaa Saied]

مينفعش الاثنين يعني فديو بيبقا اوضح ومفصل اكتر وتحت الفديو الموضوع عشان الي يحب ياخد اسكرين شوت لحاجه معينه

 

[Ahmed Hafez]

الاتنين بيكملوا بعض

 

[Islam Fares]

نظريا الاختيار الاول افضل
لكن عمليا صعب الواحد يتفرج على فيديو ١٥ دقيقة مرتين تلاتة ف اليوم
عشان كدة اخترت التاني

 

[Hend El Haririe]

الاتنين ، واحد نشوفه و التاني نطبعه معانا و احنا مسافرين

 

[Amr Badawy]

محدش بيتفرج على vlog علشان الباقة
ومحدش بيقرأ مقالات علشان طويلة

 

[Hasan Emara]

الاتنين بصراحه وياريت التفاصيل الضيقه كمان

 

[Boka Mamdouh]

الاتنين بصراحه الاول امتع عينى التانيه استخدم كمرجع ليا

 

[Salah Hamad]

فيديوهات Amr Badawy من أقوي الفيديو بلوجرز في مصر والشرق الأوسط ، من وجهة نظري المتواضعة.

 

[Shaimaa Hakim]

ياريت فيديو بس يكون المصور نفسة مش طالع ف الفيديوويكتفى بتعليقات تكون مفيدة

 

[Omar Ghazi]

اقرأ

احب اشوفها بنفسي لما اروح

 

[Norhan Sameer]

و ياريت يكون الفديو او الموضوع يتضمن اسعار الزيارات / الانشطة و المواصلات

 

[Mohamed Khairat]

اقرأ موضوع افضل لانه بيبقى فى تفاصيل أدق من الفيديو