الجروب دا اكيد فيه ناس من كل المحافظات ياريت...

[Hussam Yahya]

الجروب دا اكيد فيه ناس من كل المحافظات
ياريت لو كل واحد يكتب ايه المميز في محافظته سواء اماكن للزياره او احسن الاكلات او المطاعم ولو في نزل للشباب او فنادق بااسعار رخيصه عشان لو حد فكر يزور اي محافظه يبقي عنده فكره بس
ولو حد عنده استعداد يقابل اي شخص مسافر ويبقي مرشد ليه في محافظته يبقي كويس وهو نكون صداقات في محافظات تانيه

 

[Ahmed Marhoumy]

الغربيه ..كورنيش كفر الزيات..لوكل بس جميل
وكورنيش سمنود

 

[Mony El Gazar]

الغربيه مفيهاش حاجه تتراح ولا تتاكل ولا تتشرا والسلام عليكم ورحمة الله

 

[Mohamed Khattab]

الجيزه الأهرامات و ابو الهول. اهرامات سقاره. اهرامات دهشور. ممفيس اقدم عاصمه لمصر.
مطاعم في مطعم حلو اوي اسمه كازينو جنب كوبري عباس. و البرنس في أمبابه بردو حلو

 

[ابو كيمو]

الدقهلية

 

[Ahmed Marhoumy]

البوست جميل كنت فكرت فيه متبوظهوش بالهزار
الازمه الاقتصاديه محتاجه

 

[Salwa Alex]

اسكندرية، فندق فيليب هاوس محطة الرمل، مطعم صابرين فى بحرى على البحر بيعمل سمك، والقبيصى بحرى على البحر عصائر حلوة جدا، ابراهيم الغفير هريسة فى محطة مصر، ايس كريم سلطانة محطة الرمل، كبدة الفلاح شارع خلف صفية زغلول، القلعة، المنتزة، مقابر كوم الشقافة وعامود السوارى

 

[Shehab Ahmed]

بني سويف أم الدنيا الصغيرة.
جمال ايه .. وطبيعة ايه .. وفسح ايه .. وأماكن طبيعية .. والدنيا مش حر ولا حاجة .. والبلد فاضية ع طول .. وكل يوم ممكن تروح مكان شكل .. ميتزهقش منها الصراحة

 

[Ahmed Khalifa]

بني سويف.. يمكن محافظة مش علي الخريطة السياحية لكن موجود بيها بعض الأماكن اللي فعلا نادرًا إنك تشوفها في محافظات تانية..
مثلا موجود بالمحافظة كهف من أقدم الكهوف في التاريخ الإنساني وتقدر تعمل سيرش عليه وهو كهف وادي سنور اللي غائر في الأرض لأكتر من 700 متر..
موجود دير السيدة العدراء تحفة معمارية من القرن ال18 ..
بالإضافة لأول هرم في التاريخ الفرعوني وهو هرم زوسر وأقدم بناء حجري عرفه التاريخ..

بالإضافة لكورنيش النيل المعد لكل وسائل الترفيه سواء ممشى أو كافيهات أو حتي رحلات نيلية لجزيرة رملية وسط النيل،
وأسعار المعيشة بالمحافظة أقل من ثلثي المعيشة بالقاهرة بحكم أني مقيم بين المحافظتين وكذلك الفنادق أسعارها من 60 جنيه لليلة إلى 210 لليلة ومن خدمة جيدة إلى 4 نجوم ''غرفة مكيفة بحمام مستقل سخن وبارد وثلاجة وشاشة Lcd وشاملة الإفطار''..
وأغلب الفنادق في محيط محطة السكة الحديد بمعني إن مفيش إرهاق وحركة التكسيات بالمحافظة متوفرة 24 ساعة وبأسعار معقولة جدا من 6ج إلى 20ج تلف المحافظة كلها..

وفيه بار بنفس أسعار قهوة الحرية ''بفندق سميراميس'' وببعض المراسي علي النيل لكن هتكون الاسعار فارقه في حدود 5ج..
ولو نزلت قدام محطة القطر هتلاقي قهوة من أيام الإحتلال الإنجليزي ''إسمها قهوة عبدالرحمن'' هتلاقيني قاعد عليها :-D هخخخ

 

[Ahmed Hassan]

الاقصر مش هتكلم عنها بقي .. انتوا ادري

 

[Salwa Alex]

القاهرة كوفى بريك فطار بوفيه ب 85 للفرد فى التجمع الخامس، كشرى ابو طارق وسط البلد، فرحات كلاب الأزهر ، اربياتا فول وفلافل واكلات تانية كتير وفروعه كتير ، ماجيستى عباس العقاد فطاير وسندوتشات، باب الحارة سندوتشات فلافل وبطاطس سورى الرحاب، المتحف المصرى، منطقة الكنائس فى مصر القديمة، الهرم، قلعة صلاح الدين وجامع محمد على، خان الخليلى، جامع السلطان حسن جنب القلعة، قصر الامير طاز حى الخليفة، وكالة الغورى وعرض التنورة، حديقة الأزهر، شارع المعز

 

[Ayman Alwazir]

التاريخ الصمود الكفاح اجمل واشهر مكان في مصر بورسعيد

 

[Ayman Alwazir]

 

[Ayman Alwazir]

 

[Ayman Alwazir]

 

[Madeed Lutfi]

تعالوا المنوفية افسحكم ;-) :-D

 

[Basma A. Shams]

بنها وحسبي الله ونعم الوكيل

 

[Mahmoud Mousa]

#واحة سيوة
من اجمل المناطق اللي ليها رونقها الخاص بها مناسبة لجميع الاعمار اللي غاوي سفاراي وكامب موجود اللي له في المناظر الطبيعية والعيون الرومانية حيستمتع وكمان المناطق الاثرية جبل الموتي ومعبد امون وقاعة تتويج الاسكندر وعين كيلوباترا وروعة الغروب من جزيرة فطناس وافضل المواعيد من شهر اكتوبر لغاية ابريل
اما لو انت رايح سياحة علاجية فيبقي شهر يونيو ويوليو واغسطس لعلاج الروماتيزم والروماتويد عن طريق حمامات الرمل.
الفنادق متوفرة من جميع المستويات .

 

[Mohamed Ahmed]

المحمودية البحيرة فيها النصب التذكاري اللوحة الرخامية من عصر محمد على،مكتوب عليها ابيات شعر باللغة التركية بس للاسف معرضه للانهيار دا بفضل الحكومة مش مهتمة بحاجه مهمة زي دي والحاجه التانيه جزيرة الفوال ربنا يستر ونفس الحكومه تاخد بالها منها وانت عارف ايه اللي بيحصل الأيام دي ف اي حاجه اسمها جزيرة

 

[Ahmed Maher Bedair]

دمياط وانتم عارفين دمياط
يعني من اول ماتدخل البلد وانت غرقان في الحلويات
يعني تنزل جزيرة راس البر
يعني تروح مدينه دمياط الجديدة ودة فيها بلاج. كمان وجميع الخدمات
لو زهقت ممكن تنزل بورسعيد جنبك ب نص ساعه
ولو زهقت اكتر جنبك جمصه ب ١٠ دقايق وبلطيم ب ساعه
ممكن وانت ماشي تاخد الانتيكات الي عاوزها علي اعلي مستوي
ومش بعيد تاخد اوضه نوم وانت ماشي
اهلا ب اي حد ينزل