انا عايز اتطرق لمشكلة شايل همها جدا اثناء...

  • بادئ الموضوع بادئ الموضوع Memo Nasser
  • تاريخ البدء تاريخ البدء
عرض العطلة
M

Memo Nasser

:: مسافر ::
#1
انا عايز اتطرق لمشكلة شايل همها جدا اثناء السفر. وهي اكل اللحوم في البلاد الاوروبية. مش كل الاماكن بيبقى فيها لحوم مدبوحة حلال وممكن بتبقى موجوده في مطاعم قليله وبعيده عن المكان اللي انت قاعد فيه او غالية في السعر وحاولت ادور على النت على فتوى واضحة مش لاقي في الموضوع ده.
ايه تجاربكم ورأيكم في الموضوع ده؟
 
#2
(الْيَوْمَ أُحِلَّ لَكُمُ الطَّيِّبَاتُ وَطَعَامُ الَّذِينَ أُوتُواْ الْكِتَابَ حِلٌّ لَّكُمْ وَطَعَامُكُمْ حِلُّ لَّهُمْ) (5 المائدة)
 
#4
اللحوم اللي بتتباع عند محلات اهل الكتاب يجوز اكلها بعد تسمية الله عليها
طبعا اليهود هما الاقرب للمسلمين في الذبح
وعادي لو اضربت بالرصاص وبعد كده ادبحت
المهم تتأكد انهم بيذبحو مش بيقتلوها ويتركوها لغاية ماتموت خالص وبعدين يقطعوها


والغالب انهم بيذبحو بعد ضريها بالرصاص او كهربتها
 
#5
التأكد شي صعب جدا خصوصا ان اللحوم بتوصل المحلات متقطعه فحتعرف ازاي؟و من ناس شغاله هناك في عربيّات اللي بتوزع اللحوم علي المحلات العاديه نفسها بتدي لمحلات مكتوب عليها حلال بس اللي اعرفه ان حاليا بتدبح كل الحيوانات بسبب جمعيات الرفق بالحيوان
 
عرض العطلة
#6
هو فيه اراء كثير بس الاحوط انك ماتكولش اللحمه في اوروبا مش حلال وده لان دول كتير مجرمه الذبح زي المانيا والنمسا وغيرو بس فيه محلات حلال كتير و اعتقد هنا تبقى مفيش حاجه ملحه زائد الاكل الفيجيتريان خضار او سمك في كل حته لازم كمان تنبه مايكونش مخلوط بكحول انا عايش هنا من زمان عمري مااكلت اكل مش حلال مذبوح حلال. وحكايه سمي وكل فيه ناس بتعمل كده بس لما تعرف النص بيقول حلال والنص بيقول حرام الاحوط لا. كمان لما تاكل حلال انت بتشجع سوبرماركت الحلال والمطاعم الحلال ماتقلقش دول كتييير.
 
#7
كل اللحوم في اوربا مقتولة بالكهرباء والحالة الوحيدة اللي فيها ذبح هي محلات الأتراك والعرب بتبقى حلال ان شاء الله غير كده كله متكهرب وبتبقى اللحمة مليانة دم وريحتها وحشة ..
بالنسبة للطيور فكلها عند كل المحلات مذبوحة ولكن لم يذكر اسم الله عليها وفِي الحالة دي نسمي على الاكل بس هتلاحظ ان فراخ الأتراك بتكون متنضفة كويس .. انا عن نفسي باكل لو محلات عادية مش مسلمين اسماك او تونة او بيتزا خضروات وجميع الاجبان والشوكولاته لبن بقري مافيهاش مشكلة لكن بعض الشوكولاته بتبقى عليها خمور خلي بالك وبتبقى مكتوب عليها بالخمور
 
#9
انا عرفت كمان مؤخرا ان مش بس اللحمه ده مثلا خل الخمر كمان حرام و لما رحت محلات الاتراك او العرب لقيتهم بيبوعو خل مكتوب عليه مش من الخمر حلال بعكس المحلات الاخرى و عشان كده بشجع الناس اكثر تشتري من محلات حلال كله مكتوب عليه حلال
 
عرض العطلة
#11
la sa3b o la aslan me7taj ftwa l2no aslan ana muslima o 3aysh fe Canada akthr mn 19 yrs o ktheer muslimeen 3ayshen fe Canada o Europe o America m fe la ftwa o la at 3othr yasm7 elk takol la7m mo halal o 3adi ,,,fe ktheer ma6a3am la7m helal o fe halal certificates mawjooda fe kol el ma6a3am o el ma7laat el halal yathbt eno la7m halal ,,just look at the halal certificates posted near cashier in the restaurants
 
#13
موضوع اللحم الحلال دي سبوبه اخترعوها في اوروبا مع بداية السبعينات وانت طالع وثمنه اغلى من اللحم العادي. وعموما المانيا بس الدولة الوحيدة في اوروبا اللي منعت الذبح على اراضيها. لحوم اليهود حلال لأنهم بيدبحوا زينا ومسلمين كثير بيشتغلوا في مجازرهم.

مسألة الطبخ بالنبيذ او خل متخمر طلعت لنا كمان الايام دي مع اننا اخدنا في الكيمياء واحنا عيال ان الكحول متطاير ويتبخر بالسخونه !!!! والله اعلم استفتي قلبك وخلاص
 
#14
محلات الاكراد جربتهازفي اثينا لحوم حلال فعلا وفيه مجزر دبح اسلامي تبع باكستانيين '' 'يعني اسال في سوق المدينه هتلاقي محلات مسلمين دائما
 
#15
بارك الله فيك علي سؤالك، وده يدل علي حرصك علي تعليم دينك وربنا يباركلك، الأخ اللي علق أول تعليق، جاب من الآخر، واللحمة الموجودة في المحلات في أوربا او الفراخ، سواء عند الأوربيين زي الالمان او الاتراك في المانيا والجزائريين في فرنسا وغيرهم، حلال أكلها سواء ذبحت علي الطريقة الإسلامية أم لا، دي نقطة...
النقطة التانية زي الاخ التاني ما علق ان فكرة حلال دي سبوبة ولا ليها اي علاقة بالواقع، هنا في المانيا علي سبيل المثال الاتراك بيجيبوا من نفس اللحمة اللي ببحيب منها الدي وريفيه وادكا وكومبي في شمال المانيا او حتي ليدل، وبيبعوها علي اساس انها مذبوحة بشكل اسلامي بس هي في الواقع مَش مذبوحة بالشكل اللي بنشوفه في مصر، وعشان أريحك كل اي لحوم في أوربا طالما بعيد عن الخنزير واشرب اي مشروب طالما بعيد عن الكحوليات، الآية عامة ولا تتحدث عن الذبح ولا عن طريقته فلا تضيقوا علي انفسكم رجاء
 
عرض العطلة
#16
فى محلات كتير حتلاقيها حلال و بيبقو كاتبين عليها حلال ولو ملقتش يبقى عندك البيتزا التونة او السالمون او مكرونة سى فود او البيتزا الخضار مش لازم يعنى لحمة و فراخ و على فكرة اللحوم الغير مدبوحة حلال علميا اصلا مش صح لانها بيكون فيها دم و الدم مش بيتصفى منها انا حتى لو مضطرة حقرف منها بصراحة
 
#17
طيب انا عندي سؤال في نفس السياق
انا عايش في ميلانو
و الجزارات الإسلامية كتير جداً
بس جودة اللحوم هابطة جدآ و سعرها غالى بالمقارنة باللحوم اللى فى السوبر ماركت اللى هى اصلآ بالشكل كدة جودتها لا تقارن بلحوم الجزارة
و كمان فى إشاعة بتقول ان مفيش اصلا ذبح حلال فى إيطاليا و المهم أن الجزارات بتقول اللحمة حلال فلو فى وزر يبقى عليهم
و لو تعرف جزار معرفة شخصية و تسأله يقولك الله اعلم احنا بنستلمها عليها الختم انها حلال
هل انا دلوقتي لو اشتريت لحمة السوبر ماركت يبقى حرام
 
#18
بديهى طالما عندك بديل حلال يبقى حرام تشترى اللحوم ديه وانت عارف و متأكد انها مش حلال و انا اعرف ناس ساكنين فى ميلان بيجيبو اللحوم من جزارين مغاربة و بيشكرو فى لحومهم جدا ممكن تدور لحد ما تلاقى لحوم حلال بجودة عالية لكن لو على الفلوس مقدرش افتى
 
#19
لا بالنسبة للفلوس أقصد أن اللحمة رغم أن جودتها سيئة أغلى من لحمة السوبر ماركت
لكن انا لحد دلوقتى ما اشتريتش خالص من السوبر ماركت
و كلام حضرتيك صح
فعلآ جزارات المغاربة انضف من جزارات المصريين Neveen Ahmed Morsy
 
#20
أتمنى من اصحاب بعض التعليقات ان يبقى هدفهم هو فعلا اننا نلاقي حل واجابة للسؤال ده لانه مشكلة بتقابل مسلمين كتير من وسط امور تاني ... محتاجين حد يكون دارس الموضوع ده كويس او عامل عليه بحث مكثف يقول رأيه بموضوعية وحيادية
 
عرض العطلة
عرض العطلة
عرض العطلة
أعلى أسفل
عودة
قائمة