لو سمحتوا ي جماعه عايزه اعرف انا دلوقتي...

[Eman Shafik]

لو سمحتوا ي جماعه عايزه اعرف انا دلوقتي مبعوتلي زياره من نمسا وبسبوري ابيض هل مطلوب مني شهاده تحركات ولا لا !؟وانا طالبه هل مطلوب مني بيان بنكي ولا لا !!

 

[Hamada Moustfa]

تقدري تتواصلي مع السفارة وتعرفي ايه متطلباتهم لكن في الغالب لازم كشف حساب بنكي وشهادة التحركات. مطلوبه لو مسفرتيش أوروبا قبل كده

 

[Ahmed Mohamed]

مطلوب الاتنين .. شهادة تحركات عشان دي اول مرة ليكي ف الشنجن ( باستثناء فرنسا وهولندا مبيطلبوش لاول مرة ) .. وكشف الحساب البنكي مش عشان اثبات انك تقدري تصرفي علي نفسك هناك لكن عشان يضمنوا استقرارك في بلدك وانك هترجعي بعد ما التأشيرة تخلص عشان كدة بيطلبوا حساب بنكي وشهادة قيد من الكليه عشان يبقي فيه روابط تربطك ببلدك وهترجعي عشانها

 

[Tarek Sherif]

حضرى كل حاجه

 

[Mostafa Hegazy]

مسافرتيش قبل كده يبقي لازم شهادة تحركات، ولو معندكيش حساب بنكي بتمضي هناك في السفارة علي تعهد انك معندكيش حساب بنكي وخدي بالك الصور لازم بمقاييس معينة، روحي كوداك واتصوري هناك وقوليلهم عايزه صور بمقاييس السفارة النمساوية

 

[مهدي حسحوس]

ماهي شهادة التحركات ؟

 

[Hatem Fayed]

/Außenministerium Österreich -> سفارة -> القاهرة -> التأشيـرة

 

[A.w. Wafaei]

كل الحاجات دي حتتطلب منك ومعاهم التامين وحجز الفندق ولو عامله برنامج وحجز الطيران

 

[Hamada Moustfa]

اهم حاجه الدعوة من شخص نمساوي من اصل مصري ولا نمساوي الأصل

 

[Kamel M. Saif Al-Nasr]

شهادة التحركات غير مطلوبة بالنسبة لسفارة النمسا و لا الجوازات القديمة

 

[Osama Esmail]

طب ما اجي معاكي يعني انتي وكلارا تسافروا وقرمط يعني يقضيها ف البلكونه

 

[Khaled Kandel]

المشكله ان النمسا بتطلب حجز فندق مؤكد ومش من الانترنت زي باقي اوروبا / بوكينج /
وطبعا تعاملك مع شركه vfsوليس القنصليه وهما مش فاهمين حاجة

 

[Ahmed Elsheikh]

لازم شهادة تحركات و لازم كشف حساب و صورة من اصل الدعوة وشهادة من الكلية و تحجزى موعد ف vfs وتقريبا التكلفة ١٧٠٠
انا كان مبعوتلى دعوة من عمى ف النمسا من حوالى ٣شهور لو احتاجتى اى استفسار

 

[Nihal Ahmed Mahmoud]

اه بصى مطلوب منك الاتنين انا بتكلم بالنسبه انى قدمت زياره لالمانيا
بس لو انتى مش معاكى حساب
خلى باباكى او مامتك اللى معاهم حساب فى البنك يعملوا
توكيل مصرفى ليكى
يعملوا كريدت كارد باسمهم بمبلغ كبير مثلا اربعين الف
و بعدين يطلعولك كارت اضافى باسمك من الكريدت كارد ده
لو عندهم كريدت كارد اصلا خليهم يزودوا الحد الائتمانى بتاعه و برده يعملولك كارت اضافى منه