M
Mohamed Soliman
:: مسافر ::
اتنشلت فى اليونان فى المترو اللى رايح اتجاه مطار أثينا. دخل علي 5 فى محطة Victoria اخر ثانية قبل ما باب العربية يقفل و التدافع اشتغل و فى ثانية نشلوا المحفظة و زرروا الجيب تانى و نزلوا المحطة إللى بعدها. و أنا كنت عارف انى هتنشل فى اللحظة دى لانى قارى عن طرق النشل فى اليونان قبل ما اسافر بس كان معايا شنط كتير عشان كنت بعمل eurotrip طويلة و متزاول و مش عارف أمسك ايه ولا ايه.
M
Mohamed Soliman
:: مسافر ::
فى باريس و بالتحديد فى منطقة Clichy ناحية Moulin rouge بيجيلك واحد مع الأسف جزائرى او مغربى بمينيو مكان للسهر و يقولك أنهم عاملين عروض و أسعار مخفضة و يا إما بيثبتك و انتوا ماشيين يا إما بياخدك هناك يثبتك على رواقة او بيضرب السعر و يطلعلك فاتورة عالية جدا بعد ما تطلب.
M
Mohamed Soliman
:: مسافر ::
فى Taksim لو انت شاب ماشى لواحدك بيقابلك واحد سورى أو عراقى أو كردى يسألك على ولاعة او يكلمك بالتركى و لما ما تردش عليه يقولك انه كان فاكرك تركى و يبدا معاك حوار و يسالك جاى فى ايه بعدين بيعرض عليك خدمات مشبوهة (مساج، دعارة، حشيش) بس بطريقة غير مباشرة. و فى الاخر بيثيتك و انتم ماشيين او بياخدك على بار و ييجولك اتنين ريكلامات يقعدوا معاك نطاعة و يطلبوا مشروب و يطلعلك فاتورة ب 1000 ليرة مثلا و لو رفضت تدفع بيقفلوا المكان عليك و يثبتوك.
M
Mohamed Hikal
:: مسافر ::
القصص بتاعتكوا كلها بتحصل في كل الدنيا وده شي عادي الموقف ده حصل معايا وعمري ما هنساه ومكسوف لحد الان وضميري مزعلني من يوم ما الموقف ده حصل كنت في شهر العسل في تركيا وكنت واقف انا ومراتي عند منطقة أيه صوفيا وعدت واحده مع جوزها واحنا بنتصور وعرضت انها تصورنا فقولنا ماشي وأخذت التلفون تصورنا هيه اتكلمت إنجليزي وهيه بتصور قولت لمراتي شكلها حراميه مع ان هيه شيك جدا انا قولت كده ودي قعدت تعيط وجوزها اتنرفز عليها وتعيط بصوت عالي انا مش حراميه للاسف طلعت بنت عربيه قعدت اعتذر ساعه عشان تهدي وجوزها مش طايقني كان موقف وحش اووووي
M
Mohamed Soliman
:: مسافر ::
و فى برضو طريقة سرقة بالإكراه فى باريس و ايطاليا و اسبانيا انه يجيلك واحد افريقى يلبسك Friendship bracelet بالعافية و يقولك إللى تجيبه و بعدين يبدأ يبتزك و يعلى صوته عليك لما تديله يورو او اتنين و لو فى حارة مزنوقة هيرفع عليك سكينة او يلم أهله و عشيرته و يعملوا عليك حفلة صغيرة.
انا فى باريس خليت واحد منهم يلبسهالى و صورته و مشيت و قعد يشتم فى و جرى
انا فى باريس خليت واحد منهم يلبسهالى و صورته و مشيت و قعد يشتم فى و جرى