مساء الخير على أحلى جروب. أنا إن شاء الله...

  • بادئ الموضوع بادئ الموضوع Alaa Eldin Emam
  • تاريخ البدء تاريخ البدء
عرض العطلة
A

Alaa Eldin Emam

:: مسافر ::
#1
مساء الخير على أحلى جروب. أنا إن شاء الله مسافر باريس فى شهر أغسطس انا و الأسرة و دى اول مرة ليا هناك فبعد إذنكنم و بعد إذن الأدمن ليا بعض الإستفسارات لخبراء باريس
انا حجزت طيران بس لسه مكان الإقامة فممكن ترشحوا لى بعض الأماكن إللى ممكن أأجر فيها شقة؟
الأجازة مدتها خمس أيام إن شاء الله فيا ترى ممكن ترشحوا لى الأماكن إللى تستأهل الزيارة؟
بالنسبة للمواصلات ايه أفضل وسيلة هناك؟
الاكل بقى ياترى فيه محلات حلال متوفرة هناك و فى أنى منطقك؟
اهم سؤال بقى عن ديزنى. يا ترى يوم واحد يكفى البارك و الاستوديوهات و لا ايه النظام؟
هل فيه حاجة تعمل بليل بالنسبة لأسرة؟
انا آسف جدا على الإزعاج و شكرا حدا لاهتمامكم و وعد أحكيلكم على الرحلة بالتفصيل لما أرجع إن شاء الله.
 
#2
تسافرو بالسلامه
باريس من اروع المدن
المواصلات بلاش التاكسي لانه غالي جدا
احنا نزلنا مطار شارل دجول واخدنا الباص للمنطقه اللي كنا ساكنين فيها
كنا ساكنين في النوفتيل في موبرناس
الفسح اخسن حاجه الباص السياحي
افضلهم بالنسبالي كان الاصفر لانه بيلف محطات كتير
متحجزش تذكرة يوم واحد كل ماتزودي الايام بيقل التمن كتير جدا
كنا بناكل ننزل محطه نوتردام كلها محلات تركي ومصري وعربي وباكستاني يعني كله حلا ومكتوب عليه بالعربي حلال
وبعد كده ناخد الباص نكمل
خلي في حجات كتير من الاكل المعلب داخل فيه الخمر ودهن الخنزي
تشوفه كويس
او تشتري من محل مسلم وتسال على المكونات
 
#4
ان شاءالله توصل بالسلامة وتنبسط باريس من اروع المدن فى العالم اهم المعالم السياحية فى باريس (برج ايفل، قوس النصر ، متحف اللوفر، قصر فرساى، شارع الشامب دى الشنزليزيه، اوبرا غارنييه ) وحاجت تانية كتييير قوي بالنسية للموصلات احسن حاجة هناك المترو باريس فيه اكبر شبكة مترو فى العالم بتغطى كل انحاء باريس نزل الابليكشن بتاع المترو وعيش حياتك وعشان توفر اعمل اشتراك اسبوعى ده بتعمله من كشك محطة المترو بس بتحتاج صورة شخصية هيوفرك كتيير افضل المناطق للسكن الحى ١،٦،٧ لتمركزهم فى قلب المدينة ولو بتدور على الاوفر يبقى مونتمارت فى الحى ١٨ الاكل هتلقى مطاعم حلال كتير فى مونتمارت بس هتلقيها فى الشوارع الجانبية
 
#5
مونتمارت فيها مطاعم حلال احسن وسيله مواصلات المترو نزل الابلكيشن هايساعدك جداااااا. ديزني للاسف روحتها يوم واحد و مش هاتقضي في الافضل يومين. احجز تذاكرك اون لاين خصوصا اللوفر و برج ايڤيل بدل ماتقف بالساعات. لازم تاخد الباص السياحي بلف علي اهم المعالم و خد تذكره ليومين افضل.
 
عرض العطلة
#6
انا مجربتش ديزني باريس بس ديزني عموما مش كفاية عليها يوم واحد :) بالنسبة للاتوبيس السياحي حلو جدا ومفيد وبيلف كل المناطق السياحية ويفضل يكون يومين مش يوم واحد. في محطة مترو بلانشيه الي عند مولان روج، انت لو اديت ضهرك للمولان روج ودخلت الشارع الي قدامه كلها محلات اكل حلال معظمهم توانسة ومغاربة الاكل رخيص و نضيف وحلو اوي بيبقي بيرجر و مشويات و فرينش فرايز بتاعة بلدها :) يعني انا كنت هناك السنة الي فاتت كانت الوجبة مشبعة جدا وبتكلف حوالي 5-6 يورو.
متحف الشمع grevin حلو اوي ويستاهل الزيارة. فيرساي تحفة ومش حتشبع من منظر الخضرة هناك. وممكن سهرة بالليل في مركب في السين بررده حلوة اوي. شارع الشانزليزيه وقوس النصر حلو. في كمان قرية الأوتليت هي بعيدة شوية وبتركب لها قطر بس مكان يستحق الزيارة
 
#7
حاول تسكن فى فندق قريب من محطة المترو لان المترو احسن مواصلة ممكن تاخدها وخد يوم المركب السياحى جميل وانزل كل محطة اتفسح فيها وخد المركب اللى بعده وعند متحف اللوفر فيه العاب هناك ممكن الاولاد يلعبوا فيها جميلة وفيه بحيرة رائعة حواليها كراسي تقعد عليها مريحة جدا ومعظم اللى بيشتغل فى باريس عرب فحتلاقى ناس ممكن تتفاهم معاهم وبالنسبة لديزنى بتروحها بالقطر بس ياريت تخليها على يومين وانت راكب القطرقبل ديزنى بمحطة فيه الاوت ليت جميع الماركات والاذواق وتقريبا فيه تخفيضات دلوقتى ممكن تروحها فى يوم رحلة سعيدة وباريس من احلى المدن الاوروبية
 
#8
يوم واحد مش كفاية لديزني...يوم لديزني بارك و يوم ليونفيرسال ستوديوز..ولازم تستني لحد الساعة 9 عشان تشوف فاير وركس..مبهرة جدا...الاكل اي محل فاست فود و كل fish burger و بطاطس
 
عرض العطلة
#12
برضه الشوبنج في باريس حلو وخاصة ال cosmetics وهتلاقي عروض حلوة جدا تقريبا في كل الصيدليات الكبيرة وطبعا ماتفوتش مطعم l’Entrecôte أشهر استيك ف العالم وفي سوبر ماركت موجود في كل مكان تقريبا اسمه monoprix في كل حاجة وخاصة المخبوزات عندهم تحفة
 
عرض العطلة
#20
لو مش همك وجود التكيف وحجم الغرفة ، احجز Jerry Hotel، ممكن يوم فى ديزني كفايه لو انتم هناك قبل الساعة 9 الصبح ، انسي الويك اند.
فكر فى بروكسل ببلجيكا ساعتين بالقطار. مدينة تجنن.
ححتتسرق فى باريس ، خذ حزرك واحتياطك
 
عرض العطلة
عرض العطلة
عرض العطلة
أعلى أسفل
عودة
قائمة