اتنصب عليك فين..و ازاى ؟؟ ( عشان ناخد بالنا)

[Abdelrahman Hassan]

Maha Ali

 

[Ahmed Elmahdy]

انا بقا ف السعوديه محاولتين نشل فاشلين الاولى ف اشاره واقف الموتسيكل عدى من قدامى نتش جيب القميص كان فاكره فيه فلوس وهو كان فيه ورقه عاديه
والتانيه برضو واقف ف الشارع موتسيكل تانى جه ينتش الموبايل من ايدى بس الحمد لله معرفش يسرقه
التالته بقا جت ف مراتى واحده سرقت من شنطتها ٤٠٠ ريال جوه محل ف مول ف الرياض

 

[Salma Muhammad Mustafa]

إيطاليا فيها أسواق ومحلات
الأسواق تبيع بسعر أقل والمحلات بسعر أعلي بكتير بغباء وهيا هيا نفس الحاجه ونفس الجوده

 

[Suzy Magdy Naguib]

Merna Magdy

 

[El Sewedy Gadson]

تركيا

 

[Basma El Barbary]

تركيا.. التاكسي

 

[وليد احمد عبد المجيد]

مصر من محامى كان حيرخص لى عربية سمكرى بوظهالى

 

[Mohamed Gamal]

يا جماعة الكومنتات بتاعتي اللي بيني و بين محمد مالهاش اي علاقة باسامة البالي خالص أشهد الله اني ما شفتش واحد مصرى جدع في جدعنة أسامة و وصفي لشخص بالبلطجي فا ما اقصدش بكلامي أسامة انا اقصد واحد تاني خالص هناك بلطجي و مصرى دا كان مجرد توضيح بس علشان الأمور ما تختلطش ببعضها و اسامة راجل محترم

 

[Kimo Kamal]

انا أتنصب عليا في الصين كنت في مول كبير وبتاع ودخلت محل ملابس أتفرج وفعلا عجبني تيشيرتين وبنطلون
قبل ما اقولكم السعر في الوقت ده انا كنت عامل سكسوكة زي بتوع الخليچ في دقني كده
وأول ما دخلت كان في تلات بتات استقبلوني وهاتك يا ترحيب بالجامد اوي
كانوا بيقولولي
you are handsome , you are so cute , we liked you so much
وانا فرحان بقى ومش مصدق ان كل ده بيقالي من تلات بنات حلوين اوي
وأول ماجيت اقيس التيشيرت لقيت الدلع بقى
لقيتهم بيقلعوني التيشيرت اللي انا لابسه وبيلبسوني التيشيرت انا عايز اقيسه وأشتريه
وانا فرحان بقى وكده
وهوب جه وقت اني اقيس البنطلون لقيت ايد بتتمد على البنطلون عشان اقلعه
قومت منفعل وقولتلهم
No the jeans no
مهو مش للدرجادي برضه يا جدعان
جه بقى معاد الحساب
كام يا بناويت يا حلوين
قالولي ١٦٥٠ يوان
انا اتصدمت بس قولت اعمل فهلوي قولتلهم لا هاخدهم ب ١٤٥٠
شايفك يا اللي بتقول غبي شايفك
المهم وافقوا وخلاص بقى همشي لقيتهم بيقولولي
where is our ice cream ??
وانا أقولهم آيس كريم ايه !!
وكنت فاكرهم عايزين اجيبلهم آيس كريم
لكن اتضحلي انه زي الشاي كده عندنا في مصر لما تدي فلوس لحد وتقوله اشرب شاي
المهم اديتهم ٢٠ يوان قالولي لا احنا بناخد ٥٠
وهنا بقى ظهر العرق المصري اللي جوايا وقولتلهم لأااااعااععااااا
احنا عندنا في مصر اسمه شاي مش آيس كريم وبندفع عليه ١٠ كمان مش ٢٠
قالتلي بس هنا في الصين الشاي غالي والكيلوا منه يعدي الألف يوان
انا اتصدمت
قولتلهم وماله الآيس كريم ؟؟
طعمه حلو وبيفيد في الحر
آدي الخمسين يوان أهي
يبقى كده دفعت ١٥٠٠ يوان على تيشيرتين وبنطلون جينز
الصدمة بقى انه وانا بلف قابلت زمايلي اللي كانوا مسافرين معايا الصين وشوفت هينس محمد حسن وقولتلههينس محمد حسنقذيني من المول ده لان لو فضلت فيه كتير هصرف فلوسي كلها
قالتلي ليه
حكيتلها على حوار الألف وخمسميت جنيه
اتصدمت وقالتلي تدفع الف ونص في تشيرتين وبنطلون !!
وهوب كنّا في محل وقالتلي تعالى اوريك
كان في فستان ب ١٠٠٠ يوان
راحت قالتلها هاخده ب ٢٠٠
وانا بصيتلها باسبهلال كده قولت بس دي هتطردنا برة المحل
راحت البياعه قالتلها ب ٤٥٠
ردت زميلتي لا ب ٢٠٠
في الآخر وافقت على ٢٠٠
واتضحلي ان المول ده بيضرب رقم خيالي عشان لما ييجي يفاصل يفاصل وهو مطمن انه هيكسب برضه
وقالتلي يلا نرجع حاجتك او تاخد فرق الفلوس
قولتلها نرجع ايه بقى
انتي متعرفيش كنت بتعامل هناك ازاي
دول شالوني من على الارض شيييييل
دول قالولي ان انا كيوت ووسيم وكانوا بغيرولي لبسي بنفسهم
يلا حسبي الله ونعم الوكيل
فاكرة يا هينس اليوم ده ؟؟

 

[Rami Al-zeiny]

البوست ده عالمي .. ومفيد جدا للمسافرين وهون على ناس كثير وأنا أولهم

 

[Mic Heal]

معظم النصب بيجى من الاستعجال و عدم الخبره

 

[Dino Dxbuae]

في مصر البنوك كانت بتنصب عليا بالاجبار في سعر الدولار في النص التاني من 2016 لحد فبراير 2017 كنت ابيع برامج اونلاين و اجي اصرف الدفعات بتاعتي يحاسبني بأقل من قيمة الدولار 40% و شركات الشحن كانت بتاخد مني حوالي 30% و مصاريف تانية نثرية اجبارية حوالي 20% قلت بلاها سوسو خد نادية و بدل ما ابيع اشترى من الصين ملابس و الشغل ده تجار الصين كانوا ينصبوا عليا و تيجي البضاعه ناقصة قطع و لما توصل مصر الجمارك تحاسبني بشكل جبري مش على قيمة الفاتورة و شركات الشحن اللي اتعامل معاها كانت بتاخد شاي حوالي 25% و لما توصل شحنة يكونوا فاتحينها و مقلبينها برضه - بس كنت اخد حقي من نصب الصينيين في قواضي اونلاين لكن نصب مصر كنت اخبط دماغي في الحيط

 

[Mic Heal]

كلكم يعنى معاكو فلوس و بيتنصب عليكم ، طب كل واحد بنفس الشفافيه يعترف نصب على مين :/

 

[Shereen Salah]

و احنا فى المجر السواق ادانا الباقى فلوس اندونيسي و نصب علينا فى باقى ٥٠ دولار تقريبا. احنا افتكرنا العمله بتاعتهم (مش فاكره اسمها ) بس هى شبه عملة لبنان كده. الورقه بألف و متسواش حاجه. بس اتعلمنا بقيه الرحله مندفعش حاجه بالدولار و خاصة ان الصرافه فى كل حته

 

[Mohammad Zohir]

عمي هنا في السعوديه كان واخد راتبه ومبسوط بقى وكدا وكان واخده فكه (حمسات وعشرات) المهم كان حاططهم عند الدواسه وكان بينزل عند محلات عشان يعطوه مجمد فا جاله واحد وهو بيدور قاله ممكن تنزل تزق العربيه معانا؟
المهم عمي كانت نيته صافيه ونزل وساب العربيه مفتوحه ولما جه يزق لفى الواد ركب والعربيه مشت استغرب ولما رجع العربيه ملقاش الفلوس اتسرق منه 3500 ريال يعني 17 الف جنيه والحمد لله جاله السكر والضغط

 

[Amr N. Fahmy]

اتسرقت في تشيلي

 

[Ahmed Abdou]

اتغفلت في مصر الجديده ، كنت واقف بطلب اوبر لقيت عربيه النترا وواحده بتقولي تحب اوصلك ، فتحت بقي وقلتلها ماشي ، وصلتني واخدت ٥٠ والمشوار اخره ٢٠

 

[Sohil Reda]

كنت في روسيا و كنت سهران بعيد عن الهوستيل و المترو قفل و الشارع مله تاكسيات كل ما اكلم واحد يقولي 600 روبل لحد ما قابلت واحد واقف بعربيه ملاكي مشغلها تاكسي من تحت لتحت قالي انت كل شويه بعد ما تتفق مع سواء تاكسي تسيبه ليه قلتله مستغلين عاوزين يوصلوني ب٢٥٠ روبل قالي فعلا تعالا هوصلك ب ٢٠٠ روبل قلتله لا هما ١٥٠ من هنا هنا لهنا ركبته ب ١٧٥ روبل

 

[Gabi Mounir]

في فرانكفورت كنت ماشي بالخريطة المطبوعة، وقفني واحد وسألني عايز تروح فين وشاور لي على شارع ورايا عكس ما الخريطة بتقول، أنا إتحرجت وقلت أبص على الشارع لقيته شارع عريض بس فاضي، وأنا رايح للشارع ضربت بعيني لقيته وقف مكان ما كلمني وبيتكلم في التليفون، قلت بس يبقى الموضوع فيه إنا رجعت من نفس طريقي فبص لي باستغراب قلت له إخترت طريق الخريطة شكراً

الموضوع ما خلصش على كده، لما قربت أوصل للمكان اللي عايزه وفي حته زحمة لقيت حد من ورايا بيقول لي إنت كلمت حد قلت له آه ، سألني إتكلموا في إيه؟ كنتوا بتتعاملوا في المخدرات ؟ قلت له لأ في الخريطة، قال لي لازم تيجي معايا قلت له ليه، قال لي أنا بوليس قلت له مفيش أي علامة تدل إنك بوليس، قال لي أنا بوليس سري قلت له وريني كارنيه أو أي حاجة تثبت، طلع لي حاجة فيها صورة في المحفظة بس ما فيهاش كلمة Polizia قلت يبقى بيستهبل تبع الأولاني، ولقيت الأولاني واقف مستني وراه بشوية، فضلت واقف أشوف هيعمل إيه، أخد بعضه ومشي وهو بيقول لي لازم تيجي معايا، فضلت واقف مذهول وهو ماشي بعيد، سألت ناس وافقة عن مركز البوليس قالوا لي الناحية التانية من الشارع !!!
أخدت بعضي ودخلت محل C&A وقعدت جواه ساعة على ما عرفت أتلم على نفسي

 

[Gabi Mounir]

برضه في مطار فرانكفورت كنت سبقت مجموعة الشغل بيومين عشان أتفسح، وأنا منتظرهم في المطار يوم وصولهم قلت آخد لفة، لقيت واحد أوروبي بيسألني تعرف تتكلم إنجليزي قلت له آه، شكر ربنا وقعد يحكي لي حكاية إنه هو وأمه راجعين من لندن لمدريد عشان فرح أخته وإتفاجئوا إن معاهم وزن زيادة بحوالي 120 يورو ولموا كل اللي معاهم وباقي 9 يورو بس وطلبهم مني، إعتذرت له وأن بأقول في سري تعالى وشوف الفيلم ده في الشوارع عندنا، قال يعني مش معاه فلوس وعاوز يروح ، كمان كنت في طابق المحلات غير طابق الوزن، يعني هو سايب الدور اللي هو فيه وجاي يدور عليا

المهم، رحت أنتظر اللي جايين وقابلت حد تاني، إحنا منتظرينهم واللي معايا بيتكلم في التليفون لقيت واحد أسمراني جاي وبيقول "أخوك من السودان الشقيق" وبيحكي لي حكاية إنه كان منتظر أخوه اللي هيجيب فلوس معاه وإكتشف إنه جاي الأسبوع التالي وهو مش معاه فلوس يروح لكولون (مدينة تانية)، طبعاً إعتذرت له بس كانت قربت تقلب معايا بضحك