اتنصب عليك فين..و ازاى ؟؟ ( عشان ناخد بالنا)

  • بادئ الموضوع بادئ الموضوع Yousef ELmasry
  • تاريخ البدء تاريخ البدء
عرض العطلة
#141
تركيا، ركبت تاكسي من السلطان احمد علشان يوصلنى السلطان احمد برضه لانى كنت لسه واصله بالترام ومعايا الشنط ومش لاقيه الأوتيل! لف بيه ساعة ووصل لنفس المكان ومشي قدام شوية وقالى الأجرة ٤٥ ليرة، أديته ورقه ب ٥٠ واخادها، وانا نازله قعد يسوط بالتركي ويشاويرلي انى أديته ورقه ب ٥ مش ٥٠ وانا اصلا كنت لسه واصله وممعييش اى عمله غير ٥٠ وعمل نفسه مبيفهمش اي لغة تانية لحد ما اخد ٤٥ تاني مش مسمحاه
 
#142
كنا راجعين البيت ف المهندسين من مشفى قريب، بس نسيت اسمو، المهم مشوار كم و 20 .. التاكس اديتو 100 و قال لي امشي افكها و نزلت ع الأساس ده و فجأه اخد القروش و جرا
 
#144
في ماليزيا جاني واحد عربي اعتقد من لهجتو انه عراقي مدلي ورقة ب 200 رنجت وطلب مني اصرفهالو ، الحمد لله ان مكانش معايا صرف لاني عرفت بعدين انهم بيدوك فلوس مزورة.. عموما احذرو من العرب فماليزيا اغلبهم نصابين للاسف
 
عرض العطلة
#146
***** التاكسيات*****
فى اي مكان فى العالم معظم النصب واللف والدوران من سواقين التاكس احترسو منهم ومتتعاملوش معاهم بلطف.
 
#147
ف مانيلا ف نظام بياخد اسمك و رقم السواق و يديك ورقه فيها كل التفاصيل من اول اسم السواق و بياناته حتى لو حصل مشكل تشتكى ازاى
 
#149
في موسكو كان بيبقي فيه زحمه شديده علي شباك تذاكر المترو

ففي ناس كده بيبقي معاها اشتراك مترو زي الاشتراك بتاعنا الي ف مصر ده الي هو بتحط التذكره للمكنه تقراها تفتحلك علطول وخلاص

فلقيتو بيقولي بدل الزحمه تعالي افتحلك المكنه بالاشتراك بتاعي بس هتديني 70 روبل علشان التذكره الاصليه ب50 فهوفر عليك الزحمه

فقولتلو قشطه فلما عداني لقيت الشرطه بتقولي تذكرتك فين

قولتلهم مقطعتش تذكره الشخص الي واقف هناك ده عداني من عنده
قالولي لا تعالي ادفع غرامه 2000 روبل
قولتلهم طيب ماهو واقف قدامكو وبيعمل كده قدامكو لو ده غلط مشوه من هنا

قالولي مش مشكلتنا انك اتعاملت معاه
فواخدني المكتب علشان ادفع الغرامه روحت جنب سلة زباله ورميت شنطتي علي الارض كانها وقعت ووطيت جبتها وخدت تذكره من السله من غير ما ياخدو بالهم

فلما وصلنا المكتب قولت للظابط انا عديت بالتذكره والتذكره اهي كانت واقعه مني :-D
قالولي مش انت الي قولت ان الراجل عداك؟

قولتلهم منا مبتكلمش روسي كويس قوي :-D

سابوني وبعدها كنت مبسوط بنفسي قوي
 
عرض العطلة
#151
هنا في السعوديه ركبت كريم كنت مروحة لوحدي ومكنش معايا فكه ومشواري كان ب ٢٥ ريال اديته ٥٠ وقالي هضيفلك الباقي في المحفظة قولتله اوك ونزلت طلعت البيت واستني الفلوس تظهر في المحفظة مظهرتش وقفل موبايله قولت الله يعوض بقي وجينا خارجين بعدها انا جوزي علي طول وبيطلب من عنده كريم ظهر نفس السواق قولتله هو ده اللي نصب عليا اوعي تسيبه ونستني فيه مجاش وبدأ المشوار واحنا لسه في البيت ومش راكبين اصلا وقعد يلف جدة كلها ومش عارفين نوقف الطلب
ساعتها بقي اتصلنا بخدمه العملا وعملنا فيه بلاغ والحمد لله رجعتلي فلوسي والفلوس اللي اتحسبت علي جوزي اتلغت
 
#152
ليه محصلش حاجه بس في كندا لو بتشتري حاجه خد بالك ان السعر المكتوب + ضريبه ... الكلام ده في اي حاجه بتدفع فيها فلوس
 
عرض العطلة
#156
رحت الكامب نو واشتريت منهم طقم برشلونة الاصلي ب 150 يورو
ولما نزلت الرمبلة في السنتر لقيت الباعة أفارقة بيبعوه واصلي ب 30 يورو
ازااااي ؟؟ معرفش :)
 
عرض العطلة
عرض العطلة
عرض العطلة
أعلى أسفل
عودة
قائمة