M
Mohamed Elboliny
:: مسافر ::
فكمبوديا.. بتتعامل بالدولار عادي او بالعملة المحلية و سعر التحويل معروف الدولار ب 4000 ريال كمبودي.. المشكلة اني كان بقالي شهرين بلف فشرق اسيا لما وصلت كمبوديا.. فكل العملات بقيت بحسها شبه بعضها.. المهم رحت اول يوم وصلت اشتري اكل راح الراجل اداني الباقي اللي كان حوالي 23000 ريال بعملة لاوس اللي اقل كتير من عمله كمبوديا حيث الدولار فلاوس كان بحوالي 12000 باين يعني اتنصب عليا ف 2 دولار و نص يلا حسبي الله ونعم الوكيل
A
Alaa Yassine
:: مسافر ::
هو ما اتنصبش علية اد ماحسيت اني اتغفلت .. كنت في جورجيا قبل ما امشي بيوم وكان صاحبي الجورجي المستضيفني سافر باتومي في العيد فطبعا كنت لوحدي وزهقان وكان حد تاني من الكاوتشسيرفنج قالي لو عاوز تخرج قولي فكلمتة واتقابلنا الساعة 12 بليل وكانت الدنيا بتمطر فاخدني لبار صغير لغاية ما المطر يقف .. دخلنا طلبت بيبسي طبعا والاستاذ طلب اغلي حاجة في المنيو وانا طبعا في نص هدومي لاني خلاص كنت علي وشك اعلان افلاسي في نهاية الرحلة بس قلت عادي كفاية انة نازلي مخصوص مش هاتفرق . شوية وبنت تقريبا مش لابسة حاجة جت اعدت علي الترابيزة معانا وانا مش فاهم دي مين ولية وعشان اية يعني !! سألت صاحبي دة قالي دي صاحبة البار وهو وهي فتحوا حوار و بتكلمواعن الموضة وباريس وعاوزة تيجي مصر والعرب اللي بييجوا جورجيا والبزخ اللي هما فية وكلام من كدة وقالتلي ممكن اشرب معاكم حاجة فقلت خلاص هاتعزمنا بقي ههههه اخدت المنيو وبرضة اختارت اغلي حاجة وشوية الاقيها تقولي تعالي اعزمني في شارديني ؟؟ تقريبا كانت فاكرة اني خليجي جايب شنط دولارات وانا جاي !!! وقامت ترحب بزبون تاني فقلت اخلع انا ورايح احاسب فاتصدمت انة 55 لاري ؟؟ لية دة انا واخد بيبسي وطلع حسابها قالتلهم اني انا اللي هادفع فقلت خلاص 60 لاري ومستني الباقي ؟؟ مفيش باقي والبنت اللي بحاسبها بدات تبرطم بالجورجي فشتمت واتعصبت وقلت كان يوم اسود اصلا وقلت للولد انا هامشي فقالي استني هامشي معاك فالاقي الاستاذة اللي كانت قاعد معانا لبست البالطو و جاية مسكاني من ايدي ويلا نروح نسهر في شارديني !! فقلت عاوزة تلبسني بس علي مين دة انا مصري يابت .. فقلت خلاص اخليها تيجي وشكلها مش معاها فلوس وبحضر للمقلب اللي هاخد حقي بقي خرجنا وقفنا تاكسي واتفقت مع صاحب التاكسي اني هاوصل الاتنين اللي معايا شارديني وبعدين هاطلع علي الهوستل في رستافيللي ورحنا شارديني كان الدنيا مطرة جااامد والغلبانة في بالها بقي السهرة اللي انا هاعزمها عليها فقلتلها لا ياحبيبتي صاحبي تاية وهاروح ادور علية اسهري انت لوحدك فاتصدمت وازاي ولية و بتقولي مش معايا فلوس فرديت عليها قلتلها انا مش مسئول فبتقولي طيب بس هاتلي 50 لاري اجيب بيرة فقلتلها مش معايا ولا تتر وفتحت التاكسي وركبت لقيتها بتخبط علي الزجاج بتقولي طيب هاتلي حق التاكسي اللي هاروح بية انت سايبني في الشتا كدة ؟؟ قلتلها في 5 لاري زيادة في الحساب عندك في البار ابقي خديها ويلا سوووق ياسطي .. السواق وصلني الهوستل وطلع محترم ورفض ياخد اجرة مني اما عرف اني مصري وقالي بس عشان ماتاخدش عننا فكرة وحشة ومش اننا نصابين وبتوع ليل زي البنت دي ..
S
Sameh Mohamed Mohamed
:: مسافر ::
شنطتى اتبدلت مع اللى كان راكب جمبى وبعد ما خرجت من الطيارة اكتشفت انها مش شنطتى كان فيها لاب توب وروزمة دولارات وفلوس مصرى .. رجعت اسئل على صاحبها لقيتو بيسئل عليها روحت قولتلوا راحت عليك نومة وكانت شنطتك هاتروح عليك .. خدنى بالحضن ومكنش مصدق انى رجعت علشان ادور علية قالى كان فيها باسبورى والابحاث اللى بعملها فى دراستى فى قبرص يعنى مستقبلو كان هايتبهدل .. رجعت انا وهو على مكتب الأمن فى أسطنبول اسئل على شنطنتى كانت فى الطيارة موظف الأمن كان سعيد جدا انى رجعت شنطة الراكب اللى كان جمبى وساب المكتب والعملاء ورجع معانا بنفسو للطيارة وجابلى شنطتى المتواضعة اللى كان فيها طقم رياضى وكوتش ومية معدنية ومضانى على وصل بالأستلام .. بصراحة لما شوفت الفرحة فى الشاب لما رجعتلو الشنطة كانت بالنسبة لى حاجة كبيرة اوى .. بالعلم هو كان طالب هندسة مصرى .. وقولتلو انا مش عايز منك الحلاوة ١٠٪ بس قولتلو متنمشى تانى وخليك فاكر ان المصريين ايد واحدة فى الغربة
A
Amr Essam Abdelhady
:: مسافر ::
في الصين، كنا راكبين تاكسي و الوقت متاخر. أول ما وصلنا اديت للراجل ١٠٠ يوان خدها و قعد يقلب في الفلوس اللي معاه وبعد كده قال مفيش فكة و رجع الـ ١٠٠ يوان.
بعدها بكام يوم باكل في مطعم فأديتله ١٠٠ يوان بعد ماخدها رجعلي و قالي دي مضروبة. قعدت اتخانق معاه و اقوله ازاي دي اكبر عملة عندكم وانا واخدها من بنك و هو مُصر انها مضروبة.
بعديها بشوية فهمت ان سواق التاكسي ابن الكلب ده غفلني و بدل الـ ١٠٠ يوان بواحدة مضروبة
بعدها بكام يوم باكل في مطعم فأديتله ١٠٠ يوان بعد ماخدها رجعلي و قالي دي مضروبة. قعدت اتخانق معاه و اقوله ازاي دي اكبر عملة عندكم وانا واخدها من بنك و هو مُصر انها مضروبة.
بعديها بشوية فهمت ان سواق التاكسي ابن الكلب ده غفلني و بدل الـ ١٠٠ يوان بواحدة مضروبة
H
Hanaa Sheta
:: مسافر ::
بودابست سواقين التاكسي بالليل و بالذات امام المولات بياخدوا اجره زياده و من غير عداد خصوصا لو الدنيا بتمطر و الجو بارد. سلوفاكيا بقى بيتفق معاك على ٥ يورو مثلا فى مشوار بسيط جدا و بعدين لما جيت ادفع اتخانق و صمم ياخد ١٠ يورو، المشكله انه كان اد هركليز فدفعتهم و انا ساكته
