احسن hotel في دهب لاسرة فيها كبار سن و اطفال؟...

  • بادئ الموضوع بادئ الموضوع Um Yousef
  • تاريخ البدء تاريخ البدء
عرض العطلة
#2
بصي دهب تلفنادق بتعتها مش زي شرم والغردقه مستواهم اقل بس انتي اهلك محتجين هدوء يبقي في الاجون.عايزن.تخرجو او.كده.دوري علي حاجه.في.وسط البلد
 
#4
سويس ان ممتاز - هو فندق مش كبير بس البحر و حمام السباحه كويسين و الاكل كوايتي عالية حتي لو بوفيه مش ضخم و السياح الي فيه معظمهم عائلات
 
عرض العطلة
#7
بصي كل الفنادق في دهب بسيطة جدا ومتواضعة مش زي ابدا شرم والغردقة حضرتك شوفي booking وtripadvisor وشوفي أعلى تقييم للفنادق هناك وخليكي في حاجة علي المشاية في قلب المدينة
 
#10
اصلا دهب جوها عاوز شباب اكتر من عاءلات يعني تنطيط بالنهار في المايه والتاكسيات هناك يا عربيات جيب او عربيات ربع نقل ( دي اللي بتودي الاماكن بتاعه المايه زي بلو هول او ٣ بوولز او lagoon او ابو جالوم ) وكلها أماكن snorkeling او غطس وبليل سهر علي الكافيهات في المشايه او سهره جبليه .. والفنادق مش زي شرم فعلا ولا الغردقه يعني حاجه بسيطه علي قد النوم وبس .. في بقي كام فندق باره دهب ممكن يكونوا مناسبين عاءلات موجودين علي booking ..
 
عرض العطلة
#12
هو ده ملوش علاقه بالسؤال بس مجرد ملاحظه جانبيه : يا جماعه اللي يروح دهب ياريت يحاول يخلي الناس تحافظ علي المدينه وجمالها الطبيعي .. خصوصا الاماكن الطبيعيه والشعاب والأماكن الجبليه .. ياريت منرميش حاجات بلاستيك وورق ومخلفات في المايه عشان الحاجات دي مش بتتحلل وبتبوظ بيئه الكائنات هناك .. بتدمر الحياه البحريه ..
ولا تكسر الشعاب المرجانيه وكده .. عاوزين نحافظ علي بلدنا جميله عشان كلنا ننبسط
 
عرض العطلة
#16
ميريديان حلو جدا أنا جربته مرتين بس هو بعيد شوية بس فيه انتقالات تبع الفندق بتنزلك البلد مرتين في اليوم
 
#17
بصي يا ستي عشان تنبسطي في دهب لازم تصحي بدري عشان دهب يعني مايه ومايه يعني شمس حلوه كمان الصبح بيكون الشمس شديده فانسب حاجه تروحي البحر ..
في spots كتيير ممكن تروحيها بتتقسم لناحيتين :
اول ناحيه
- الكانيون ودي حته قبل البلوهول تتراح بجيب او عربيات ربع نقل (هو ده التاكسي في دهب) ودي مناسبه للغطس بس ممكن snorkeling
- بعديها البلوهول ودي حلوه غطس و snorkeling
- من البلوهول تاخدي لانش او زودياك او تركبي جمال او hiking لحد محميه ابوجالوم تعملي snorkeling
- من محميه ابوجالوم ممكن تاخدي جيب او ربع نقل للبلو لاجون spot حلوه سباحه و wind/kite surfing ومنطقه طبيعيه جميله
- كل الاماكن دي فيها كافيهات بتقعدي عليها فيها غدا واكل وكمان تاجري ال gears بتاعه ال snorkeling : ماسك وزعانف ولايف جاكيت لو محتاجه . وممكن تشتري حاجتك واتاخديها معاكي لو انتي بتحبي البحر وكده وهتيجي كتير
** كده خلصت اول ناحيه في دهب **
- اللاجونا مكان حلو شبه شويه البلو لاجون بس فاضي مفيهوش كافيهات او خدمات من أي نوع مايه صافيه مفيهاش موج ومش عميقه
- زي اللاجونا في الشاطيء العام قدامه ممكن تعومي او تعملي wind / kite surfing بس الشاطيء عليه خدمات
- في كمان spot حلوه اسمها 3 pools تركبي تروحيها تعملي هناك snorkeling فيه كافيه هناك مختلف وكويس اسمه الهنا كافيه الوحيد اللي هتلاقي عنده مرجيحه واكله حلو وكمان معامله الناس كويسه صاحبه اسكندراني ابن بلد .. ممكن يظبطلك سفاري
- السفاري بتكون بيتش باجي لوادي قني او جني
** وكده أنا خلصت الاماكن اللي زرتها في دهب **
لو احتاجتي اي حاجه قوليلي واهم حاجه استمتعي بالبلد واتبسطي بس حافظي عليها نضيفه .. تحافظي علي جمال الطبيعه وكمان خلي المعامله مع السكان حلوه وذوق :)
 
#19
في دهب الممشي "المشربة" هو المكان اللي فيه الactivities بالنهار و الnightlife بالليل ده غير الرحلات ،، الفنادق اللي عالممشى على طول طبعا ميزة انك في قلب الحدث بس هي كلها صغيرة و زي الdiveclubs كدة الاوتيلات اللي برة المشاية هما اللي افخم و اكبر زي ecotel و meridian هما 5 دقايق من الممشى بس لازم عربية فأنتو تشوفو ايه الاهم بالنسبة لكم النزول و التنطيط ولا الrelaxation جوة الاوتيل عشان الناس الكبار و على اساسها قرروا ،،
 
عرض العطلة
عرض العطلة
عرض العطلة
أعلى أسفل
عودة
قائمة