A
Ahmed Shaaban
:: مسافر ::
#شرم_الشيخ
شرم الشيخ مهما اتقال عليها فمازلت حلوه وتحس من جوها انك مش في مصر .. مازال فيها اجانب كتير ومصريين كذلك ما احنا فمصر فعادي يعني .. فيه امن وامان جدااا وتفتيش وكماين كتيييير
بعض الكماين بتنزل الركاب وتفتش شنطه شنطه (خصوصا السوبر جيت وجو باص وخلافه)
انا نزلت اسبوع في فندق هلنان مارينا شرم
الفندق بشكل عام جيد لمتوسطين الميزانيه .. الموقع ممتاز في خليج نعمه وده من احلي الاماكن في شرم محدش بينام هناك .. حمامات سباحه كتير وشاطيء رملي فيه فاعليات كتير علي الرمل او في البحر .. الشاطيء خطوتين مشي من الريسبشن ..
الغرف فيه تفاوت كبير (مساحه ، اثاث، ...) حسب الاسعار والڤيو وخلافه
الاكل جيد وفيه تنوع في الاصناف المقدمه
فيه ATM جوه الفندق..
واي فاي في الريسبشن فقط ..
ممكن فيه غرف تانيه اعلي كان فيها واي فاي
الفاعليات كتير في شرم
-سفاري وتشوفوا سلسلة الجبال وتعملو صدي الصوت
انا جربته الفجر وكان الحلو ان لحظة الشروق كانت تحفه
-رحلة يخت بتعمل غطس وسنوركلينج وتشوف احلي شعب مرجانيه واسماك في البحر الاحمر
-اكوا بلو شرم للالعاب المائيه جديده وفيها العاب جامده ..
وفيه كليو بارك لذيذه وفيها العاب للكبار والصغيرين بس مش كتير وبتفتح من ١١ صباحا
-اللي بيحب الطبيعه يروح راس محمد وبوابه الله وشجر المنجروف ويشوف الشعب المرجانيه والبحيره المسحوره
-سوهو سكوير بليل ممشي سياحي وكافيهات وعروض النافوره الراقصه كل ساعه هي بانيو راقص او كروانه بس اهو تغيير
-جنينه سيتي فيها كافيهات كتيير ومن ١١ بليل لحد ١ تقريبا بتبدأ شويه عروض رقص كمانجه وعرض نار رهيب
-فيه قرية كمان اسمها هوليود زي جنينه سيتي كده برضه بس مع نافوره راقصه ومستوي اعلي شويه من جنينه
-فيه كافيه اسمه الفرشه تحفه جوه الجبل كده وبيطل علي البحر .. مشكلته بس اول ما يتزحم بيبدا يختار مين يخش ومين ميخشش (طبعا بمزاجه وحسب هو شايف مين داخل يدفع اكتر وفالعادي بيكون مش مصري ) بس لو عيله واطفال مثلا فروحوا قبل الغروب بيبقي مش زحمه وبتشوف الغروب تحفه من هناك
-كافيهات ..ديكسوهات كتير ..باراشوت ..وبانانا ..وجلاس بوت ..غواصه.. وخلافه كل دي حاجات تتعمل في شرم وعلي الشاطيء
اسعار اغلب الرحلات بتبدا من ١٥٠ لحد ٢٢٠ تقريبا حسب اللي هتطلع معاهم وهيقدمولك ايه
الغردقه فيها نفس الفاعليات تقريبا بس الغردقه تحسها مصريه اكتر ومفهاش جو الكافيهات والسهرات والمماشي السياحيه بنفس قوة شرم الشيخ طبعا الي جانب نضافه الطرق وتنظيمها فشرم احسن كتير
شرم الشيخ مهما اتقال عليها فمازلت حلوه وتحس من جوها انك مش في مصر .. مازال فيها اجانب كتير ومصريين كذلك ما احنا فمصر فعادي يعني .. فيه امن وامان جدااا وتفتيش وكماين كتيييير
بعض الكماين بتنزل الركاب وتفتش شنطه شنطه (خصوصا السوبر جيت وجو باص وخلافه)
انا نزلت اسبوع في فندق هلنان مارينا شرم
الفندق بشكل عام جيد لمتوسطين الميزانيه .. الموقع ممتاز في خليج نعمه وده من احلي الاماكن في شرم محدش بينام هناك .. حمامات سباحه كتير وشاطيء رملي فيه فاعليات كتير علي الرمل او في البحر .. الشاطيء خطوتين مشي من الريسبشن ..
الغرف فيه تفاوت كبير (مساحه ، اثاث، ...) حسب الاسعار والڤيو وخلافه
الاكل جيد وفيه تنوع في الاصناف المقدمه
فيه ATM جوه الفندق..
واي فاي في الريسبشن فقط ..
ممكن فيه غرف تانيه اعلي كان فيها واي فاي
الفاعليات كتير في شرم
-سفاري وتشوفوا سلسلة الجبال وتعملو صدي الصوت
انا جربته الفجر وكان الحلو ان لحظة الشروق كانت تحفه
-رحلة يخت بتعمل غطس وسنوركلينج وتشوف احلي شعب مرجانيه واسماك في البحر الاحمر
-اكوا بلو شرم للالعاب المائيه جديده وفيها العاب جامده ..
وفيه كليو بارك لذيذه وفيها العاب للكبار والصغيرين بس مش كتير وبتفتح من ١١ صباحا
-اللي بيحب الطبيعه يروح راس محمد وبوابه الله وشجر المنجروف ويشوف الشعب المرجانيه والبحيره المسحوره
-سوهو سكوير بليل ممشي سياحي وكافيهات وعروض النافوره الراقصه كل ساعه هي بانيو راقص او كروانه بس اهو تغيير
-جنينه سيتي فيها كافيهات كتيير ومن ١١ بليل لحد ١ تقريبا بتبدأ شويه عروض رقص كمانجه وعرض نار رهيب
-فيه قرية كمان اسمها هوليود زي جنينه سيتي كده برضه بس مع نافوره راقصه ومستوي اعلي شويه من جنينه
-فيه كافيه اسمه الفرشه تحفه جوه الجبل كده وبيطل علي البحر .. مشكلته بس اول ما يتزحم بيبدا يختار مين يخش ومين ميخشش (طبعا بمزاجه وحسب هو شايف مين داخل يدفع اكتر وفالعادي بيكون مش مصري ) بس لو عيله واطفال مثلا فروحوا قبل الغروب بيبقي مش زحمه وبتشوف الغروب تحفه من هناك
-كافيهات ..ديكسوهات كتير ..باراشوت ..وبانانا ..وجلاس بوت ..غواصه.. وخلافه كل دي حاجات تتعمل في شرم وعلي الشاطيء
اسعار اغلب الرحلات بتبدا من ١٥٠ لحد ٢٢٠ تقريبا حسب اللي هتطلع معاهم وهيقدمولك ايه
الغردقه فيها نفس الفاعليات تقريبا بس الغردقه تحسها مصريه اكتر ومفهاش جو الكافيهات والسهرات والمماشي السياحيه بنفس قوة شرم الشيخ طبعا الي جانب نضافه الطرق وتنظيمها فشرم احسن كتير