ممكن حد يقولي اي حاجه عن ماليزيا!! واندونيسيا...

[Revan Serag El Din]

ممكن حد يقولي اي حاجه عن ماليزيا!!
واندونيسيا بالتحديد مدينة جاوي!
وميرسي مقدما

 

[Maged Mohamed]

ماليزيا حلوة جدا و محتاجه وقت عشان تخلص فسحه .. اقل حاجه ١٠ ايام

 

[Khaled M. Hassan]

عايزة تعرفي ايه مثلا عن ماليزيا
ناوية تحجزي كم يوم
وهل البادجيت تسمح تروحي جزر
وهقولك تعملي ايه بالظبط هناك ؟

 

[Sohayla Mahmoud]

F

 

[Nagwan Elsayed]

F

 

[Maamon Taha]

F

 

[Revan Serag El Din]

عايزين نعرف من اول الفيزا لحد الاماكن هناك ..مش مهم الجزر و الاقامه حوالي اسبوع مثلا.

 

[Khaled M. Hassan]

الفيزا هتاخديها من المطار هناك
والمفروض تطلعي تصريح امني
وانا عشان كنت لسه متجوز و رايح شهر عسل قالولي مش لازم تصريح
بخصوص كوالا لامبور
حجزت يومين في sunway lagoon و بعدين روحت بينانج و بعدين لينكاوي ورجعت تاني كولا لامبور في فندق اسمه impiana
الفندق قريب من اغلب الاماكن اللي المفروض تزوريها منها ال KLCC twin towers و قريب من شارع العرب كمان و ده شارع اغلبه مولات
مانصحكيش تروحي لا حديقة الحيوانات و لا الاكواريوم اسعار التيكت بالنسبة للاجانب غالية جدا و مالهمش اي لازمة
من الاماكن اللي عجبتني هناك جدا جبل الجنتنج وده بتطلعيه بتلفريك و بيعدي بيكي فوق السحاب و كهف ال batu
طبعا فيه حديقة الفراشات بس انا روحت اللي في بينانج ماروحتش بتاعت كوالا لامبور
وفي حديقة الزهور
و الباقي مولات بس ده بالنسبة لكوالا لامبور
انصحك تزودي البادجيت و تروحي جزر لينكاوي وبينانج لو هتستمعي اكتر

 

[Maged Mohamed]

مافيش فيزا .. بتدحلي بالباسبور المصري عادي ..
اول ماتنزلي المطار اشتري شريحه عشان النت ..
المواصلات .. عندهم حاجه زي المترو كذا نوع و سعرها رخيص
فيه برنامج عندهم اسمه جراب grab افضل مليون مرة من اوبر و ارخص بكتير من التاكسي العادي ..

كوالامبور فيها كذا حاجه لو مستعجله تخلصيهم في يومين ..
حديقه الفراشات و الطيور جنب بعض ..
الجولة بتاعه كوالا بالسيتي بص .. في كذا اوبشن عندك hop on and off the و ده رخيص و كويس و بتاع سياحه و حايلففك كل الاماكن السياحيه ..
و في باص مجاني اسمه جو بص نفس النظام بس اقل ..

 

[Maged Mohamed]

الرنجت تقريبا نفس سعر الدرهم الاماراتي . و يعمل ٤.٥ جنيه

 

[Maged Mohamed]

لازم تروحي جنتج فيها اوتليت مول جلو جدا و التليفريك ..

 

[Maged Mohamed]

الفنادق في كوالا دوري في منطقه اسمها بوكت بينتانج دي كل حاجه قريبه لها و شارع العرب و المولات الكبيرة و منطقه حيه و امان ..

 

[Maged Mohamed]

لو رحتي لانجكاوي خدي فندق في وسط البلد فيه فندق كويس و سعره معقول اسمه ادانا تقرييا او اديا .. و فيه ريزورتس اغلى من دبي .. لو عايزة ريزورت جربي موريتوس ..
عشان منطقته بتاعه سياحه و حيه بالليل ..

 

[Maged Mohamed]

عندك بقى اماكن طبيعه كتير في كوالا و لنجاوي و حواليهم زي كامرون هايتس ..

 

[Hisham Hammouda]

Nourine Hammouda

 

[Eslam Elsayed Elmahdy]

Mohamed Nabhan

 

[Maged Mohamed]

و في منطقه اسمها افاموسا فيها حديقه حيوان و اوتليت مول حلو برضه .. حديقه الحيوان اللي هناك حاتعجب الولاد لان فيها عروض كتير ..

 

[Revan Serag El Din]

طب اندونيسيا يا جماعه حد راحها!!!

 

[Sabrin Ahmed]

طيب ممكن اسال سؤال خاص بماليزيا ..ايه انسب وقت لزيارتها ؟؟الجو بيكون كويس فيها يعنى

 

[Maged Mohamed]

#ماليزيا
بوست عن ماليزيا حاحول ادعمه بالصور قريب باذن الله



1- ماليزيا حلوة جدا و محتاجه وقت عشان تخلص فسحه .. اقل حاجه ١٠ ايام
2- مافيش فيزا .. بتدخل بالباسبور المصري عادي ..
3- اول ماتنزل المطار اشتري شريحه عشان النت والاتصالات بالتاكسي و جراب..
4- المواصلات:
**عندهم حاجه زي المترو كذا نوع و سعرها رخيص و في باصات بتودي كل مكان بعيد .. انا استعملتهم مرة واحده كا فسحه للاولاد.
** برنامج جراب grab افضل مليون مرة من اوبر و ارخص بكتير من التاكسي العادي و اسعاره ثابته و كمان ممكن تختار نوع السيارة لو عايز سيارة كبيرة او ماشابه و تقريبا كل السواقين محترمين جدا و خدومين من ناحيه المعلومات .استخدمته في معظم تنقلاتي
** الجو باص موجود قدام كل المناطق المهمه هناك و بيكون باص عادي بس مجاني .. و له خريطه ممكن تاخده من اي مكتب سياحه مجانا .. و الباص التاني hop on and off بيكون دورين و بيلف على اماكن اكتر و كمان فنادق كتير .. و ممكن تحجز اونلاين او تركب على طول و تدفع .. تذكرته ٤٠ ربنجت تقريبا ..

5- الفنادق و الطيران الداخلي :

- الفنادق في كوالا ابحث في منطقه اسمها بوكت بينتانج دي كل حاجه قريبه لها و شارع العرب و المولات الكبيرة و منطقه حيه و امان .. انا نزلت في ريسدنز اسمه e&o المكان حلو جدا لعيله صغيرة بس مستوى الروم سيرفس سيء . و اصحابي نزلوا في منطقه اسمها صانواي لاجون و بيشكروا فيها جدا بس هي بره كولا.

- لانجكاوي خدي فندق في وسط البلد فيه فندق كويس و سعره معقول اسمه اديا ADYA .. و فيه ريزورتس اغلى من دبي .. لو عايز ريزورت جرب Meritus .. عشان منطقته بتاعه سياحه و حيه بالليل ..

6- زيارات كوالا
أ- صنواي لاجون ( مدينه العاب و ملاهي ماءيه كبيرة جدا)
ب- كوالامبور المدينه فيها كذا حاجه لو مستعجل تخلصهم في يومين ..
-حديقه الفراشات و الطيور جنب بعض .. ( ظريفه )
- الجولة بتاعه كوالا بالسيتي بص .. كل الاماكن السياحيه ..و في باص مجاني اسمه جو بص نفس النظام بس اقل ..
- المسجد الاكبر و جنبه المتحف الاسلامي
- مصنع الشكولاته و مصنع الجلود
- البرجين و klcc و برج كمان كده جنبهم و في حديقه جوة مول klcc فيها نافورة راقصه
- المولات pavilion و barjiya square و china town , central market
- باتو كيفز batu caves ( ماتطلعش السلالم مش مستاهله .. ممكن تدخل الكهف اللي تحت )


ج* لازم تروح جنتج فيها اوتليت مول جلو جدا و التليفريك (بيكون زحمه في الصعود) ..
د* كامرون هايتس .. مزارع شاي و فراوله و فواكه و مساحات خضرا و جو حلو .

ه*منطقه اسمها افاموسا فيها حديقه حيوان و اوتليت مول حلو برضه .. حديقه الحيوان اللي هناك حاتعجب الولاد لان فيها عروض كتير .. ماتفوتش ركوب الافيال فيها و عرض الكاوبوي

7- زيارات لانجكاوي:
لانجكاوي جزيرة مناظرها الطبيعيه تحفه
- التليفريك و السكي ووك ( التذكرة بتديك دخول لكذا اكتيفيتي تحت و هم جمال جدا و لازم تجربهم منهم متحف 3d حاتتصور صور حلوة هناك)
- رحلة المانجاروف ( حلوة جدا )
- فيه كذا حاجه تانيه زي مزرعه فراوله و مصنع شيكولاته و رحلات بالبيتش باجي
- في رحله تانيه اسمها ايلاند هوبنج ماتروحهاش
- استمتع بالريزورت يوم
- باليل في شارع بتاع سياحه حلو جنب ريزورت موريتوس

نصايح عامه:
* الرنجت تقريبا نفس سعر الدرهم الاماراتي . و يعمل ٤.٥ جنيه
* حاول تستخدم هاند باجز بس في سفرك عشان الطيران الداخلي بياخد فلوس على الشنط الكبيرة اكتر من سعر التذكرة نفسها . الهاند باجز فري
* استخدم skyscanner عشان تحجز كل طيرانك حتى الداخلي
* استخدم booking و agooda عشان تقارن و تعرف اسعار الفنادق .. انا استخدمت اجودا اكتر
* الجو فيه رطوبه فا هاتتضطر تغير طقم او 2 كل يوم تقريبا . شوف فندق او ريسدنز فيه غساله و مكوة
* معظم الفسح الصبح بدري و المولات كمان بتقفل 10 تقريبا
* لا انصح بالتعامل مع عرب في السياحه هناك
* اسال كذا شركه سياحه من الموجودين في الشوارع عن سعر الفسح اللي حاتختارها لان كل واحدة حاتديك سعر مختلف و هم تقريبا كلهم بيقدموا نفس الخدمه بالضبط بنفس نوع القوارب و السيارات
* المطاعم العربيه في لنجكاوي سيءه جدا
* الطيران الداخلي بيضيع اليوم مهما حاولت فا الافضل تروح لنجكاووي بالعبارة اللي في البحر و تعتبرها رحله .

احاول احط الصور قريب ان شاء الله مع كومنتات و الله الموفق
#ماليزيا