احكولنا كدة عن اكتر العادات او سلوكيات او...

  • بادئ الموضوع بادئ الموضوع شيماء علي مراد
  • تاريخ البدء تاريخ البدء
عرض العطلة
ش

شيماء علي مراد

:: مسافر ::
#1
احكولنا كدة عن اكتر العادات او سلوكيات او أنظمة
شوفتوها في شعوب برة مصر
و عجبتكم و حسيتوا فيها بالتحضر و الرقي
مع بساطتها و سهولتها
و حسيتوا طيب احنا ليه مش بنعمل كدة ؟؟!!

بالنسبالي

**باقي الفلوس
يعني لما احاسب على حاجة ب 3.350بيرجعلي ال 15.
او 9.8 يرجعلي 2.

و الدقة على اختلاف الدولة
في اسبانيا لما حاسبت على حاجة ب 4.99 رجعتلي ال 01.
كنت مصدومة الحقيقة
في الاردن اقل شوية
لو حسابي 2.24 يقولي 2 و ربع

في مصر بقى انتو عارفين

**محلات اللحوم
في مصر محل اللحوم يعني جزار
معلق اللحمة في الهواء الطلق كدة في الشارع
(ماعدا محلات اللحوم الكبيرة في الأحياء الراقية او الهايبر ماركتس)

برة مصر
مفيش اللي متعلق في الهوا الطلق ده خاالص

انتو بقى شوفتوا ايه و فين ؟
 
عرض العطلة
#6
في اوكرانيا لو حد رمى حاجه فالشارع الناس بتبصلة بصة وجشة وممكن يشتموه ومحدش بيعدي غير من اماكن المشاة والخط ده ده مقدس طول مانت عليه مفيش عربية تقدر تقربلك حتى لو كانت ماشية بسرعه تفرمل وللاولوية ليك
 
#7
تركيا .. مستوى النضافه الشخصيه والعامه اعلى معدل فى العالم .. رغم جليطتهم وقله ذوقهم فى الكلام .. انما مستحيل فى مرة تكره نفسك من ريحه كريهه سواء للاماكن او الافراد .. حتى عمال النضافه بيبرقوا من نضافتهم ..
 
#8
ف دبى .. كل حاجة بنظام .. لدرجة ان ف احياء الفيلل والقصور بتلاقى الرصيف متقسم نصين بالخطوط نص للماشى على رجليه ونصه للى راكب عجلة .. وكمان مستحيل سيارة تزنق ع حد او تكسر اشارة او تغير حارة مرة واحد .. كله بنظام دا غير سلات الزبالة الكبيرة الموجودة ف كل مكان وكل شارع وحارة ف دبى واحدة للمواد اللى بيعاد تدويرها وواحدة للمواد المستهلكة .. وغير طفايات السجاير المنتشرة ف كل مكان علشان ممنوع ترمى اى حاجة ع الارض حتى السيجارة .. دا غير احترام النساء ف المترو والحافلات ليهم اماكن مخصصة ممنوع اى حد يركب فيها حتى لو الحافلة او العربة بتاعت المترو مليانة وكمان فى اماكن لكبار السن وللاطفال ولذوى الاحتياجات الخاصة ... حقيقة حاجة جميلة جدا ..
دا غير الاسلوب الراقى والمتحضر والمحترم اللى بتتعامل بيه الشرطة مع اى حد ومبتميزش بين اى جنسية والتانية ... وكمان عندهم شئ جميل جدا وهو احترام المواطنين واخلاقهم الراقية المتواضعة ..
والله العظيم شعب ف قمة الاحترام والتحضر وفعلا بلد تتحب
 
#10
في ماليزيا الباقي بيرجع حتي لو ربع رنجت ...اوروبا كلها الاشارات مقدسه ..البحرين مافيش كلاكسات وكان العربيات نزله من غيره ..دبي المرور منظم في عز الزحمه ..تركيا الشرطه مسيطرة بتطلع من تحت الارض ..لبنان الحريه كل واحد بيعمل اللي عايزة ( انت حر مالم تضر )
 
عرض العطلة
#11
استخدام العجل في أوروبا بالذات هولندا ... والحارة بتاعتها يمكن أكبر من حارة السيارات ... العجل احلى وسيلة انتقال للأسرة كلها باطفالها ويمكن بالكلاب كمان بتاعتهم ... كان نفسي اشوف الموضوع ده في مصر
 
#12
في المانيا دخلت هايبر ماركت لاول مرة وبعد ما خلصت الكاشير واقفة مستنية حد يعبيلي الأغراض بالأكياس طلع مفيش اكياس اصلا لازم تكوني جايبة عرباية معاكي للاغراض او اكياسك او اشتري بقي اكياس وطبعا أنا اشتريت
 
#13
امبارح في الاردن كان يوم الاستقلال
الناس كلها ماشية في الشارع رافعة الاعلام و مشغلة اغاني
الاول كنت فاكرة المنتخب كسب زي عندنا كدةبس اتفاجات ان كله نازل يحتفل بيوم الاستقلال اللي كان من ٧١ سنة

مكنتش مصدقاهم الحقيقة
بس احترمت قوي حبهم لبلدهم
 
#14
طريقة المشى على الرصيف
و الشوارع مجهزة للناس اللى مش بتشوف
و طريقة ركوب المترو
و طبعااا نظافة الشوارع
 
عرض العطلة
#16
ليه يا شيمو بتقلبي المواجع ده الواحد عايش فيها و مستحمل كانه تكفير ذنوب ،،،ربنا يتوب علينا بقي و تحقق امنيتي و اكمل حياتي بره مصر
 
#18
فتركيا
كنا فمول وطالعين ناخد تاكس لقينا الناس واقفه طابور علي الرصيف لانتظار التاكس
وكمان السلالم الكهربائيه الناس بتقف علي اليمن علشان لو حاد حابب يطلع علي الدرج بسرعه
عاحبني اوي النظام والالتزام
 
#20
احنا و في تايلند داخلنا ماكدونالدز ففي ست غلبانه بتشتغل هناك كده بتمسح التربيزات و تملأ كوبيات الكوكا كولا فبعد ما ملتنا الكوبيات و مسحت الطربيزه فجوزي حي يديها تبس .. الست كانت هتعيط اصلا لما ادناها فلوس ولاحظنا أن هناك مش بيدو تبس و قعدت تشكر فينا بجد احترمتها جدلا...مش زي هنا لازم ادي التبس قبل الحساب
 
عرض العطلة
عرض العطلة
عرض العطلة
أعلى أسفل
عودة
قائمة