يا جماعه انا عايز اسافر فرنسا سياحه اعمل ايه...

[لا يوجد لكي مثيل]

يا جماعه انا عايز اسافر فرنسا سياحه اعمل ايه حد يعرفني ضروري انا زهقت انا معايا سجل تجاري وبطاقة ضريبية وكشف حساب ومش لازم تكون فرنسا اي دولة داخل الاتحاد الاوروبي سهله ان اخد التاشيره منها بالله عليكم حد يفدني ضروري

 

[Bahaa Aldeen Farouk]

هو بالشكل ده الواضح أن الهدف من السفر مش سياحه خالص , و للاسف أعتقد ان الفرصه حتكون ضعيفه جدا للحصول على الفيزا

 

[Ahmed Allam]

مشتفاش حد مستعجل قوي كده انه يعمل سياحة في اي دولة في الاتحاد الاوروبي وخلاص.

 

[Moni Morad]

بص حضرتك اسهل بلد علي. ما اعتقد اليونان خد فيزا ليونان واطلع بعد كده علي اي دوله تحبها انا مش متاكده طبعا

 

[Nihal Ahmed Mahmoud]

اسهل بلد هى كل البلاد المهم تكون مؤهل فى كل حاجه
بلاد الشنجن بتوافق عليك عن طريق الاوراق اللى بتقدمها قولنا انت مؤهل للسفر ولا لاء عمتن لو قريت جواب الرفض لاى سفاره
هتعرف حضرتك ممكن تتقبل ولا لاء

 

[Nihal Ahmed Mahmoud]

بالنسبه للسجل التجارى و البطافه الضريبيه لازم يطون فيها الشروط ده
١- يكون من زمان
٢- راس المال ( الميزانبه عاليه (
٣- يستحسن يكون فى مجال دراستك

كشف الحساب لازم يكون
١- كبير
٢- قديم
٣- يفضل تكون عامل كريدت كارد عليه بقيمه كبيره بحيث لما تكتب فى الابليكاشن انك هتصرف بالكريدت كارد تكون مغطى مصارفك وقت اقامتك لما يعادل سبعين يورو لليوم الواحد

 

[Nihal Ahmed Mahmoud]

بالنسبه لسؤالك ان حضرتك تعمل ايه
ادخل اى بويت يكون كان عامل برنامج رحله حلو و حجز فندق و حجز طيران
و اساله شخصيا مش هيبخل عليك بالخطوات و بالتوفيق

 

[Ossama Essam Elsayed]

دا انت مجرد ما تقول السفير اى دوله فى الاتحاد الأوروبى انا خلاص زهقت هيبلغ عنك الاتحاد الاوربى والامريكتين ومش بعيد الفيفا كمان