O
Omar Abdalla
:: مسافر ::
جنوب افريقيا ممتازه سياحيا لكن مش الشهرين دوول لانه الجو شتاء حاليا و برد جدا خليك من اكتوبر وانت طالع لغايه مايو البلد جوها ممتاز وخضره في الوقت ده .العمله الراند بتعمل جنيه ونص .ممكن تروح كيب تاون هتعجبك جدا .فيه فنادق غاليه وفنادق رخيصه وفيه هوستيلز و جيست هاوسز ارخص .الاكل والشرب زي مصر تقريبا .ممكن تحجز تذكرتك من القاهره لكيب تاون ذعاب وعوده .وممكن تنزل جوهانسبرج وتاخد باص ب 700 راند يعني بالف جنيه .اللي هيقولك البلد خطره قوله بيزروها 12 مليون سائح سنويا .غالبا الاماكن الخطره احنا الاجانب مش بنروح ناحيتها .دي اماكن للسود اللي من اهل البلد .طول ما بتلتزم بقواعد الامان انت في امان .انما هتروح ديسكوهات وبنات وترجع الفندق متاخر وماشي علي رجلك لا تلومن الا نفسك .تعال بدولار وغيره هنا بلاش يورو .تحياتي
A
Abraham Zakhary
:: مسافر ::
جنوب افريقيا، من اجمل البلاد اللي هتزورها، نبدأ بالفيزا هتخش عالموقع تنزل ابليكش تطبعه و تملاه و تقدم هتلاقي مكتوب فيه كل المطلوب، هي حجات بسيطه و فيزا سهله بتاخد خمس ايام و ببلاش للمصريين، اسبوع مش كفايه صراحه بس لو اخرك اسبوع هتقضيه فكيب تاون و اللي حاوليها عشان المسافات كبيره هناك، كيب تاون من اجمل البلاد اللي هتزورها فحياتك، انا نزلت فهوستل اسمه loop 91 ده جامد فشخ و رخيص جدا، الاكل جامد فشخ احلي ستيك هتاكله فحياتك هناك، في انشطه كتير ممكن تعملها skydiving , bungee jumping paragliding, diving with great white shark
ممكن تروح Simon's town دي فيها بطاريق ،. في خليج تقريبا كان اسمه هيوت باي ده فيه كلاب بحر، طبعا لازم تزور cape point, اعمل hiking ل table mountain و اتفرج عالفيو الفشيخ من فوق، هتلاقي مطاعم كتير فال water front , ال night life جاحده فال long Street و ده جنب الهوستيل، خد عربيه و اطلع الجاردن روت و زور مزارع النبيت، ده بالنسبه لكيب تاون، حاول تحجز كل حاجه من قبل ما تسافر عشان البلد معظم الوقت مفوله سياحه، هتلاقي اقرب رحله فاضيه بعد كذا يوم
ممكن تروح Simon's town دي فيها بطاريق ،. في خليج تقريبا كان اسمه هيوت باي ده فيه كلاب بحر، طبعا لازم تزور cape point, اعمل hiking ل table mountain و اتفرج عالفيو الفشيخ من فوق، هتلاقي مطاعم كتير فال water front , ال night life جاحده فال long Street و ده جنب الهوستيل، خد عربيه و اطلع الجاردن روت و زور مزارع النبيت، ده بالنسبه لكيب تاون، حاول تحجز كل حاجه من قبل ما تسافر عشان البلد معظم الوقت مفوله سياحه، هتلاقي اقرب رحله فاضيه بعد كذا يوم