استفسارين: 1- اجراءات فيزا شنجن تتضمن Bank...

[Omnia Heikal]

استفسارين:
1- اجراءات فيزا شنجن تتضمن Bank statement .. هل كون الرصيد قليل الى حد ما سبب للرفض .. و هل ممكن تقديم bank statement لحساب الأب لتجنب ذلك؟

2- اكثر نقطة قرأتها هنا " التصريح الأمنى لتركيا!" و كأن بها حرب .. جعلنى أسأل هل الرحلات التى تتضمن المرور بتركيا كترانزيت تستوجب هذا التصريح الامنى؟

 

[لغتى صمتى]

1- بخصوص Bank statement الرصيد مش مهم يكون كبير هو بيتحسب على أساس عدد مرات الإيداع والسحب خلال الستة شهور الأخيرة وفى السفارة بيشوفوا انت أودعت مبلغ لمجرد انك تطلع كشف حساب أم بالفعل لك حساب بنكى تودع وتسحب فيه ، بالنسبة لكشف حساب الأب ممكن تقديمه بعد عمل توكيل بنكى من الأب للابن

 

[Tarek Mohye El-deen Ahmed]

كشف الحساب هو اللى بيحدد نمط قدرتك على الانفاق لما تسافر لو انت موظف لازم يكون مرتبك متحول على البنك لو انت صاحب عمل كشف الحساب يكون خاص بشركتك افضل لو انت طالب يبقى لازم تقدم كشف حساب الوالد او الوالدة مع تقديم اقرار منه/ منها بتحمل كافة مصاريف السفر ( ملحوظة اى كان كشف الحساب اللى هيتقدم لازم الرصيد الختامى ميقلش عن من ١٠٠ الى ١٥٠ يورو لكل يوم سفر )

 

[Nihal Ahmed Mahmoud]

لو هتكتب فى الابليكاشن انك هتصرف كاش
يبقى لازم يكون عندك سيوله تقدر تحولها
و ده بيبان من الفلوس اللى مش محطوطه فى شهادات اللى هى اسمها حساب التوفير فى البنوك
ولازم تكون ينفع تتحول ليورو بمعدل سبعين يورو فى اليوم الواحد
او يكون عندك كارت ديبت بينزل عليه فوايد او فلوس جاريه بتغطى مدة جلوسك هناك
لو كتبت بقى انك هتصرف بكريدت كارد
يبقى لازم يكون عندك حساب فى البنك عليه كروت ائتمان فيها الوفاات بحيث انها برده تغطى مصارفك هناك و زيااده بحيث انه فى اليوم سبعين يورو او اكثر