هو ممكن حد يبقي واخد فيزا شنغن مثلا ممكن...

[Mohamed Atef]

هو ممكن حد يبقي واخد فيزا شنغن مثلا
ممكن وهو مسافر يرجعوه ف المطار ؟
سمعت انه بالذات لو سنه صغير وطالب مثلا

 

[Ahmed Hesham]

اعتقد لو تذكرتك رايح بس

 

[Mohamed Ibrahim]

ممكن طبعا لو شكو فيك انك مرتبك مثلا وكنت مقدم مثلا دعوة ومش معارف العنوان اللى مسافر عليه او تذكرتك ذهاب فقط او سنك صغير وده طبعا بيكون فى الباسبورت كونترول بس ده بيحصل بنسبة ضئيلة جدااااا وفمطارات الدول الكبير ف الغالب

 

[Yasser Mustafa]

وانت معاك شنجن ؟

 

[Sayed Essam]

Arch Wahby تابع الكومنتات هنا ... ما عدا كومنت ياسر

 

[Mohamed Alsayed]

حصولك علي التاشيرة لا يعني انك قادر علي دخول الدولة لان ضابط الجوازات له الحق في الغاء تاشيرتك وارجاعك علي بلدك

 

[Hend Salem]

ممكن جدا
و لو متابع الجروب فى تجارب لاكتر من حد رجع من المطار
زى ما قال محمد ان حصولك على التأشيرة لا يعنى دخولك للبلد دى حاجة بترجع لسلطات المطار و دى مكتوبة واضحة وصريحة على مواقع السفارات
مش الشنجن بس و امريكا و انجلترا و اى مطار فى الدنيا
لو الظابط اشتبه فيك ... لو داخل من مطار دولة غير اللى اخدت تاشيرتها و مش معاك ما يثبت انك رايح الدولة المصدرة للتاشيرة زى حجوزات فندق و طيران او قطار
لو مش معاك حجز عودة مؤكد
لو حب معاك حجز فندق
و ممكن يسأل على التامين الطبى او معاك كام فلوس كاش
دى بعض الاسباب اللى ممكن تخلى حد يرجع من المطار

 

[Amr F. TabaNa]

علشان تتلاشى دا لو طالب بيعمل إثبات قيد موجه لمصلحة التجنيد وبتروح بيه المطار ولازم يبقى معاك تذكرة عودة