A
Ahmed Hosni
:: مسافر ::
#أمريكا
صباح الورد..
امريكا.. حلم ناس كتير جدا.. سمعه سيئه جدا فى موضوع التأشيرات.. وسمعه جباره ان هناك فيما خلف المحيط.. سترى مالا عين رأت ولا أذن سمعت.
كراجل بيسافر باستمرار.. مقدرش اقول عن أمريكا كلمه عامه تنطبق على كل شيء.. مينفعش نقول ان امريكا بلد "كذا" او تأشيرتها اصعب او اسهل من الاتحاد الاوروبى مثلا.. مينفعش نقول انها جميله على الأطلاق او سيئه على الأطلاق.. دى قاره كامله فيها كل اشكال التنوع.. قاره مفيهاش دين رسمى ولا لغه رسميه.
زرت أمريكا كذا مره.. كل مره بكون فى مكان شكل.. وكل مره برجع بانطباع مختلف تماما عن المره اللى قبلها.
ان شاء الله - بعد اذن الساده القائمين على الجروب - هنزل تجربتى الشخصيه مع فيزا السياحه لأمريكا (B1-B2) وتجربة 6 زيارات للأقامه هناك (ما بين فسحه وغرض طبى و غرض استهبالى انى الاقى شغل هناك واهرب من المنطقه بتاعتنا دى خالص).
بكرر تانى.. دى تجربتى الشخصيه.. هل حد حصله شيء تانى او مواقف زياده.. الله اعلم.. الاكيد اكيد ان السفاره الامريكيه ملهاش اى قواعد ثابته ولا فى اى ضامن للموافقه على التأشيره.. فى ضامن اه للرفض (اللى هو الكذب).. انما القبول.. اطلاقا.. ممكن تبقى معاك فيزا قبل كده وتترفض فى المره التانيه..او العكس (طالما مخدتش بلوك)
نبدأها من الأول..
:::::::::::::::::::::::::::
التأشيره.
انا مقيم فى الخليج.. لا انكر طبعا ان التأشيرات - عموما - فى الخليج اسهل من مصر الف مره مثلا.. اسهل مش من حيث الاجراءات.. تقريبا كده متطلبات التأشيره واحده.. لكن معدلات الرفض فى مصر اعلى شويه.. ودى نقطه مهمه.
ليه بيرفضوا التأشيرات من مصر؟؟
اى حد عنده الابليكيشن بتاعة التقديم (DS-160).. انصحه يقراها كويس اوى.. هى واضحه وفيها كل التفاصيل.. الامريكان اه بيحبوا يرغوا فى الورق بتاعهم. لكنه رغى مهم جدا.
فى أول صفحه مكتوب كده بمنتهى الوضوح.. اشاره الى الفقره "214B" فى قانون الهجره و الجنسيه عندهم.. أمريكا بتتعامل مع اى مسافر الى أراضيها على انه مهاجر غير شرعى الى ان يثبت العكس.. يثبت من الورق بتاعه او يخرج من اراضيها مصحوبا بألف سلامه.
اذن انت مطالب انك تثبتلهم فى الورق انك مش محتاجهم فى حاجه.. مطلوب انهم يطمئنوا انك رايح سياحه وبس.
طيب ازاى؟؟
وهو اساسا ايه الورق المطلوب علشان فيزا أمريكا (من الخليج)؟؟
اسهل ورق فى الدنيا..
- كشف حساب 6 شهور من البنك
- جواز سفر سارى
- صور شخصيه
- نموذج (DS-160)
- خطاب التعريف ===> هو ده مربط الفرس.
بعد كده بتملى الفورم (DS-160) .. تدفع الرسوم وتحجز معاد.. مقابله شخصيه فى السفاره.. وبتعرف النتيجه وانت واقف.. لو اه.. فى خلال يومين باسبورك هيكون عندك عليه التأشيره.. لو لأ هتاخد باسبورك وانت ماشى.
طيب .. واحده واحده كده علشان الموضوع ميطولش.
بصوره عامه.. اخطر تهمه ممكن تواجهها عند الامريكان هى الكذب.. او عدم الشفافيه.. اى لعب او كذب فى الورق.. اى اجابه رمادى من اجابات الفهلوه بتاعتنا.. اى شيء مش مريح بالنسبالهم فى الورق بتاعك.. هتاخد بلوك علطول.. بلوك طول العمر انك تدخل الارض دى.. بلوك على الباسبور نفسه . يعنى حتى لو قدمت من مكان تانى.. برضه لا.
مثال على الكذب مثلا.
كشف حساب البنك بتاعك بيوضح حركة سحب وايداع شهريه فى حدود اقل من 20 الف جنيه مثلا.. الرصيد عمره ما زاد عن 50 الف جنيه.. لو فجأه فى شهر ما لقو ان الرصيد ده عدى ال 250 الف.. يبقى ده شيء غير مريح.. خصوصا لو كان من فتره مش بعيد.
كشف الحساب المفروض يكون حقيقى وواقعى ومقنع.
ابعد تماما عن نصايح الفهلوه والعيال الحلوه اللى تعرف تجيب الجنيه من بق العو.. الناس دى اول ناس هتغرقك..
بيانات ال (DS-160) لازم تكون كلها حقيقيه.. فى مكاتب كتير بتساعدك علشان تملا الفورم دى.. هى مش صعبه انما طويله شويه.
طيب خطاب التعريف ده ايه؟؟
ده جواب انت بتطلبه من مكان شغلك.. مجرد جواب باللغه الانجليزيه موجه للسفاره الأمريكيه بيقول ان فلان الفلانى بيشتغل عندنا فى وظيفة كذا من اول يوم كذا بمرتب كذا.. مختوم بختم الشركه وفى بعض الاحوال ختم الغرفه التجاريه الحكومى (السعوديه) او ما يوازيه فى باقى دول الخليج.
بس كده.. هو ده المطلوب.
هما بقى بيقيموا الورق ده.. من خطاب التعريف وحساب البنك بيقدروا يميزوا هل الشخص ده ثقه انه يسافر.. بيكسب فلوس تكفيه يعيش هناك 3 او 4 شهور وللا بيضحك عليهم؟؟
هل عنده رصيد كافى وكروت تخليه ميعتمدش على الحكومه هناك فى أى شيء وللا معندوش؟؟
والاهم بقى..
هل عندك تأمين طبى (دولى) وللا هتروح هناك تعملهم مصيبه؟؟
بس كده.. هو ده كل الورق المطلوب.
تدفع الفلوس وتاخد المعاد وتروح المقابله .. وان شاء الله موفق.
مثال بسيط وسريع عن الشفافيه فى التعامل مع الناس دى..
اول مره قدمت على الفيزا.. مراتى كانت حامل.. غرض السفر الاساسى كان ولادة ابنى هناك علشان الباسبور.. قدمت انا وصديق اخر لنفس الهدف.. خدنا المواعيد فى نفس اليوم ورحنا السفاره فى الرياض.
الموظفه سألتنى سؤالين..
- بتفكر تشتغل فى امريكا؟؟
- هل مراتك حامل؟؟
اول سؤال قلتلها ببساطه لا.. لانى اسمع ان عندكو ضرايب عاليه.. المرتبات هناك فى الخليج مفيهاش ضرايب.. انا اشتغل هنا اعمل قرشين وبعدين اجى عندكوا اتفسح.
دى كانت اجابه مقنعه ليها.. ضحكت وقالت كلمه ابيحه عن الضرايب الامريكانى.
السؤال التانى.. هل مراتك حامل.؟؟
قلتلها ايوه.. وان شاء الله هتولد هناك.. فى مستشفى فى المكان الفلانى انا براسلها من فتره ومرتب امورى على الولاده هناك مع الدكتوره (س).
مراتى قلبها وقع فى رجليها.. ايه العك اللى انا بقوله ده!!!
دى لابسه كورسيه مخصوص مع عبايه واسعه علشان تدارى الجريمه دى.. شكلها كانت خايفه من العار رغم انها متجوزه.. مش عارف انا دماغ الستات دى ايه
الموظفه ابتسمت وقالتلى بالنص..
مبروك.. اهلا بمواطن امريكى جديد.
بس كده؟؟
اه والله.. بس كده..
الموظفه كملت الاجراءات.. وحطت ختم انا مشفتوش.. سألتها هو كده الفيزا موقفها ايه؟؟
قالتلى بعد 3 ايام الباسبور هيكون عندك .. وراحت مزعقه بصوت روتينى رخم..
Next
وبعد 3 ايام الباسبور وصلنى مع اراميكس والتأشيره عليه.
طيب .. الصديق اللى كان مقدم معايا.. حصله معاه ايه؟
استنصح.. لما سألوه مراتك حامل.. قالهم لا مش حامل.. الموظف بص لمراته لمدة ربع ثانيه.. ختم بعدها ختم تانى على الفورم.. لم كل الورق.. وقال سورى "Rejected".. وراح برضه مزعق..
Next
لما خرجنا بره.. لقينا الختم على الورق معمول "Block".. حضرتك ممنوع من دخول ارض المعاد دى طول العمر.. انت ومراتك.
الناس دى مش بتهزر.. مفيش مكان تقدم فيه شكوى.. مفيش رغى وكتر كلام.. مفيش والنبى علشان خاطرى.. مفيش فرصه لأى محاوله تانيه من اى مكان تانى.. بلوك يعنى بلوك.
كده.. بسهوله تامه..الموظف اللى قاعد قصادك ده ويبدو عليه العته.. فى ايده انه يحرمك تماما من دخول بلاده.
علشان كده قلت فى الاول.. الحقيقه الكامله والشفافيه..لو اتسألت.. اوعى تكذب ابدا لأى سبب.. قولهم المعلومه وما وراء المعلومه كمان.. كده هيحسوا ان انت انسان شفاف ذو مصداقيه.. هما يحبوا كده.. رغم انهم فى السياسه ولاد ...
طولت عليكم .. معذره.
المره الجايه ان شاء الله انواع التأشيرات.. مدة كل تأشيره..اجراءات السفر والدخول.
نهاركو بيضحك
تابعونى.
صباح الورد..
امريكا.. حلم ناس كتير جدا.. سمعه سيئه جدا فى موضوع التأشيرات.. وسمعه جباره ان هناك فيما خلف المحيط.. سترى مالا عين رأت ولا أذن سمعت.
كراجل بيسافر باستمرار.. مقدرش اقول عن أمريكا كلمه عامه تنطبق على كل شيء.. مينفعش نقول ان امريكا بلد "كذا" او تأشيرتها اصعب او اسهل من الاتحاد الاوروبى مثلا.. مينفعش نقول انها جميله على الأطلاق او سيئه على الأطلاق.. دى قاره كامله فيها كل اشكال التنوع.. قاره مفيهاش دين رسمى ولا لغه رسميه.
زرت أمريكا كذا مره.. كل مره بكون فى مكان شكل.. وكل مره برجع بانطباع مختلف تماما عن المره اللى قبلها.
ان شاء الله - بعد اذن الساده القائمين على الجروب - هنزل تجربتى الشخصيه مع فيزا السياحه لأمريكا (B1-B2) وتجربة 6 زيارات للأقامه هناك (ما بين فسحه وغرض طبى و غرض استهبالى انى الاقى شغل هناك واهرب من المنطقه بتاعتنا دى خالص).
بكرر تانى.. دى تجربتى الشخصيه.. هل حد حصله شيء تانى او مواقف زياده.. الله اعلم.. الاكيد اكيد ان السفاره الامريكيه ملهاش اى قواعد ثابته ولا فى اى ضامن للموافقه على التأشيره.. فى ضامن اه للرفض (اللى هو الكذب).. انما القبول.. اطلاقا.. ممكن تبقى معاك فيزا قبل كده وتترفض فى المره التانيه..او العكس (طالما مخدتش بلوك)
نبدأها من الأول..
:::::::::::::::::::::::::::
التأشيره.
انا مقيم فى الخليج.. لا انكر طبعا ان التأشيرات - عموما - فى الخليج اسهل من مصر الف مره مثلا.. اسهل مش من حيث الاجراءات.. تقريبا كده متطلبات التأشيره واحده.. لكن معدلات الرفض فى مصر اعلى شويه.. ودى نقطه مهمه.
ليه بيرفضوا التأشيرات من مصر؟؟
اى حد عنده الابليكيشن بتاعة التقديم (DS-160).. انصحه يقراها كويس اوى.. هى واضحه وفيها كل التفاصيل.. الامريكان اه بيحبوا يرغوا فى الورق بتاعهم. لكنه رغى مهم جدا.
فى أول صفحه مكتوب كده بمنتهى الوضوح.. اشاره الى الفقره "214B" فى قانون الهجره و الجنسيه عندهم.. أمريكا بتتعامل مع اى مسافر الى أراضيها على انه مهاجر غير شرعى الى ان يثبت العكس.. يثبت من الورق بتاعه او يخرج من اراضيها مصحوبا بألف سلامه.
اذن انت مطالب انك تثبتلهم فى الورق انك مش محتاجهم فى حاجه.. مطلوب انهم يطمئنوا انك رايح سياحه وبس.
طيب ازاى؟؟
وهو اساسا ايه الورق المطلوب علشان فيزا أمريكا (من الخليج)؟؟
اسهل ورق فى الدنيا..
- كشف حساب 6 شهور من البنك
- جواز سفر سارى
- صور شخصيه
- نموذج (DS-160)
- خطاب التعريف ===> هو ده مربط الفرس.
بعد كده بتملى الفورم (DS-160) .. تدفع الرسوم وتحجز معاد.. مقابله شخصيه فى السفاره.. وبتعرف النتيجه وانت واقف.. لو اه.. فى خلال يومين باسبورك هيكون عندك عليه التأشيره.. لو لأ هتاخد باسبورك وانت ماشى.
طيب .. واحده واحده كده علشان الموضوع ميطولش.
بصوره عامه.. اخطر تهمه ممكن تواجهها عند الامريكان هى الكذب.. او عدم الشفافيه.. اى لعب او كذب فى الورق.. اى اجابه رمادى من اجابات الفهلوه بتاعتنا.. اى شيء مش مريح بالنسبالهم فى الورق بتاعك.. هتاخد بلوك علطول.. بلوك طول العمر انك تدخل الارض دى.. بلوك على الباسبور نفسه . يعنى حتى لو قدمت من مكان تانى.. برضه لا.
مثال على الكذب مثلا.
كشف حساب البنك بتاعك بيوضح حركة سحب وايداع شهريه فى حدود اقل من 20 الف جنيه مثلا.. الرصيد عمره ما زاد عن 50 الف جنيه.. لو فجأه فى شهر ما لقو ان الرصيد ده عدى ال 250 الف.. يبقى ده شيء غير مريح.. خصوصا لو كان من فتره مش بعيد.
كشف الحساب المفروض يكون حقيقى وواقعى ومقنع.
ابعد تماما عن نصايح الفهلوه والعيال الحلوه اللى تعرف تجيب الجنيه من بق العو.. الناس دى اول ناس هتغرقك..
بيانات ال (DS-160) لازم تكون كلها حقيقيه.. فى مكاتب كتير بتساعدك علشان تملا الفورم دى.. هى مش صعبه انما طويله شويه.
طيب خطاب التعريف ده ايه؟؟
ده جواب انت بتطلبه من مكان شغلك.. مجرد جواب باللغه الانجليزيه موجه للسفاره الأمريكيه بيقول ان فلان الفلانى بيشتغل عندنا فى وظيفة كذا من اول يوم كذا بمرتب كذا.. مختوم بختم الشركه وفى بعض الاحوال ختم الغرفه التجاريه الحكومى (السعوديه) او ما يوازيه فى باقى دول الخليج.
بس كده.. هو ده المطلوب.
هما بقى بيقيموا الورق ده.. من خطاب التعريف وحساب البنك بيقدروا يميزوا هل الشخص ده ثقه انه يسافر.. بيكسب فلوس تكفيه يعيش هناك 3 او 4 شهور وللا بيضحك عليهم؟؟
هل عنده رصيد كافى وكروت تخليه ميعتمدش على الحكومه هناك فى أى شيء وللا معندوش؟؟
والاهم بقى..
هل عندك تأمين طبى (دولى) وللا هتروح هناك تعملهم مصيبه؟؟
بس كده.. هو ده كل الورق المطلوب.
تدفع الفلوس وتاخد المعاد وتروح المقابله .. وان شاء الله موفق.
مثال بسيط وسريع عن الشفافيه فى التعامل مع الناس دى..
اول مره قدمت على الفيزا.. مراتى كانت حامل.. غرض السفر الاساسى كان ولادة ابنى هناك علشان الباسبور.. قدمت انا وصديق اخر لنفس الهدف.. خدنا المواعيد فى نفس اليوم ورحنا السفاره فى الرياض.
الموظفه سألتنى سؤالين..
- بتفكر تشتغل فى امريكا؟؟
- هل مراتك حامل؟؟
اول سؤال قلتلها ببساطه لا.. لانى اسمع ان عندكو ضرايب عاليه.. المرتبات هناك فى الخليج مفيهاش ضرايب.. انا اشتغل هنا اعمل قرشين وبعدين اجى عندكوا اتفسح.
دى كانت اجابه مقنعه ليها.. ضحكت وقالت كلمه ابيحه عن الضرايب الامريكانى.
السؤال التانى.. هل مراتك حامل.؟؟
قلتلها ايوه.. وان شاء الله هتولد هناك.. فى مستشفى فى المكان الفلانى انا براسلها من فتره ومرتب امورى على الولاده هناك مع الدكتوره (س).
مراتى قلبها وقع فى رجليها.. ايه العك اللى انا بقوله ده!!!
دى لابسه كورسيه مخصوص مع عبايه واسعه علشان تدارى الجريمه دى.. شكلها كانت خايفه من العار رغم انها متجوزه.. مش عارف انا دماغ الستات دى ايه
الموظفه ابتسمت وقالتلى بالنص..
مبروك.. اهلا بمواطن امريكى جديد.
بس كده؟؟
اه والله.. بس كده..
الموظفه كملت الاجراءات.. وحطت ختم انا مشفتوش.. سألتها هو كده الفيزا موقفها ايه؟؟
قالتلى بعد 3 ايام الباسبور هيكون عندك .. وراحت مزعقه بصوت روتينى رخم..
Next
وبعد 3 ايام الباسبور وصلنى مع اراميكس والتأشيره عليه.
طيب .. الصديق اللى كان مقدم معايا.. حصله معاه ايه؟
استنصح.. لما سألوه مراتك حامل.. قالهم لا مش حامل.. الموظف بص لمراته لمدة ربع ثانيه.. ختم بعدها ختم تانى على الفورم.. لم كل الورق.. وقال سورى "Rejected".. وراح برضه مزعق..
Next
لما خرجنا بره.. لقينا الختم على الورق معمول "Block".. حضرتك ممنوع من دخول ارض المعاد دى طول العمر.. انت ومراتك.
الناس دى مش بتهزر.. مفيش مكان تقدم فيه شكوى.. مفيش رغى وكتر كلام.. مفيش والنبى علشان خاطرى.. مفيش فرصه لأى محاوله تانيه من اى مكان تانى.. بلوك يعنى بلوك.
كده.. بسهوله تامه..الموظف اللى قاعد قصادك ده ويبدو عليه العته.. فى ايده انه يحرمك تماما من دخول بلاده.
علشان كده قلت فى الاول.. الحقيقه الكامله والشفافيه..لو اتسألت.. اوعى تكذب ابدا لأى سبب.. قولهم المعلومه وما وراء المعلومه كمان.. كده هيحسوا ان انت انسان شفاف ذو مصداقيه.. هما يحبوا كده.. رغم انهم فى السياسه ولاد ...
طولت عليكم .. معذره.
المره الجايه ان شاء الله انواع التأشيرات.. مدة كل تأشيره..اجراءات السفر والدخول.
نهاركو بيضحك
تابعونى.
دة موظف ولا داية