السلام عليكم ضرررررررررررررررورى جدا لوسمحتم...

  • بادئ الموضوع بادئ الموضوع عبدالرحمن محمد
  • تاريخ البدء تاريخ البدء
عرض العطلة
ع

عبدالرحمن محمد

:: مسافر ::
#1
السلام عليكم
ضرررررررررررررررورى جدا لوسمحتم
النهاردة روحت استلمت الباسبور وعليه فيزا دعوة زيارة لأندونسيا
وطلعت على مجمع التحرير
الموظفة ادتها الباسبور علشان آخد استمارة
لقيتها بتقوللى انت رايح اندونسيا ليه
قولتلها سياحة وأبحث عن فرص استكمال الدرسات العليا هناك
راحت قعدت توشوش زميلتها وبعدين قالتلى روح اعرض الامر على الضابط
قولتيلها ليه فيه حاجة ؟ قالت لأ روح بس اعرض الامر عليه
روحت للضابط قولتله انا ليا واحد صاحبي باعتلى دعوة زيارة ..... الخ
قاللى انت بتشغل ايه قولتله مسئول مبيعات فى شركة
بس فى الباسبور حاصل على .. قاللى حاصل على اايه ؟ قولتله شريعة جامعة الازهر
قاللى تجيبلى موافقة من الازهر
قولتله الازهر انا خلصت دراسة فيه وانا مش على قوته دلوقتى وهيدينى موافقة بصفته ايه
قاللى لازم موافقة من الازهر
قولتله نفس الكلام مرة تانية
قاللى خلاص روح غير المهنة فى الباسبور واطلع على المطار على طول من غير تصريح
المهم خرجت من عنده ورجعت للمدام تاني قولتلها دلوقتى فى ناس راحت على المطار على طول من غير تصريح ورجعوها .. وراحت عليهم التذكرة
قالتلى حاول تخللي المهنة مدير مش هيرجعوك
المشكلة انى مش متامن عليا فى الشركة دى وبكده مش هعرف اغير المهنة
اعمل ايييييييييييييييييييييييييييه
حسبنا الله ونعم الوكيل
حسسوا الواحد كأنه عبد وبيحاول يهرب من سيده
 
#3
ليه بنزعل لما يكون فيه قوانين ولازم نتبعها (طبعا هو الزعل الوحيد انها مش بتتطبق عالكل) بس بقدر الامكان نحاول نتبعها يمكن بكره يبقى احسن.
طبعا طول ما مفيش عمل على الباسبور فطبيعي انهم يقولوك هات موافقه من الجهة الدراسيه اللي كنت فيها ازهر او غيره...
نصيحتي ليك لازم تغير طبعا الكلام ده في الباسبور لدلوقتي ولبعدين...بمعنى لو مسافر اي بلد لاي سبب هيقولولك نفس الحوار...فانت شوف هتعملها ازاي مع الشغل
 
#4
اعمل زي ما قال لك احمد رمضان .. اطلع علي بلد مش له تصريح امني و بعدين اطلع ع البلد اللي انت عايزها .. بلاش تمشي ورا قوانين بتعملك عبد ما دام عايز تهرب من اللي عملها !!
 
#5
تفكير غريب شويه...سوري...بس حتى لو اخد فيزا سياحه للامارات اللي هي هتكون بالمصري تقريبا 2000 جنيه...الاحسنله ل دلوقتي و ل بعدين يغير المهنه في الباسبور
 
عرض العطلة
#7
اطلع على ماليزيا و من هناك اطلع على اندونسيا على طيران اسمه airasia رخيص جدا لانه بين دول شرق اسيا .. ماليزيا التاشيرة بتاعتها لما بتوصل و ملهاش تصريح
 
#8
بص اسهل طريقتين ،
١- تاشيره الصين ب٥٠٠ج، وسهله ومش محتاجه تصريح
٢- افتح شركه ، مؤسسه فرديه ، هتكلفك اقل من ٥٠٠ج بردوا وهتبقي في الباسبور صاحب مكتب ، بس لازم يبقي عندك مقر او شقه فاضيه تسجل عليها الشركه
 
#10
ألف ألف شكر لكل واحد من حضراتكم كتب تعليق وحاول يساعدني .. ربنا يكرمكم جميعا .. ويسهل لكم جميع أموركم ... دعواتكم ليا إن ربنا يسهل لى الامور واقدر اسافر
 
عرض العطلة
عرض العطلة
عرض العطلة
أعلى أسفل
عودة
قائمة