من فضلك يا أدمن .مش معني انه حد يجاوب علي...

[Omar Abdalla]

من فضلك يا أدمن .مش معني انه حد يجاوب علي أسئله الناس في الجروب إنه ملزم يسيب مراته وعياله و شغله أو يكون سايق و يقف بعربيته في الشارع علشان يرد علي الناس انبوكس .ولو إتأخرت في الرد او قلت للناس مش عارف الإجابه حرام أورطك.تقوم الناس تقل أدبها و تقول ماخدتش بالي اسف نسيت انه انت مصري .

 

[Emma Mohmed]

فعلا في ناس بتاخد ال مساعده علي انها فرض انت ملزم بيه
انا بعتزر بالنيابه عنهم اسفه جداا

 

[Mona Moussa]

حضرتك أنا نزلت سؤال هنا وكنت والله فعلا ما اعرف اي حاجة غير إللي بعته في السؤال يجيلي اكتر من 20 سؤال يقولي وضحي و اللي يقولي عايزك تساعدني أكسر فيزا لدرجة اني مسحت السؤال من غير ما أوصل لأي حاجة ومبقتش اسأل أصلا حتى لو محتاجة حاجة

 

[Mohamed Essam]

و الله يا جماعة انتو مكبرين الموضوع، محدش فيكو مجبر يرد او يفتح الرسالة أصلا، كده كده بتروح ال other ممكن تقراءها و مترودش و محدش هايعرف... و اللي مش عاجبك اعمل بلوك... بسيطة

 

[Hend Salem]

لو الكلام ده حصل فى بوست ليه ماعملتش مينشن لحد من الادمنز ؟

 

[Laila Lele Slim]

انا فعلا لقيت ناس بترد علي بعض بسخافه اوي مش عارفه ليه ينرد بادب يا بلاش

 

[Mic Heal]

قليل الادب مش هيبقي مؤدب ع النت

 

[شيماء علي مراد]

اعتقد دي تصرفات فردية
و مش كل الناس زي بعض في الاسلوب

انا بيجيلي رسايل كتير جدا
و الحمد لله بفيد اللي بيسالني قدر استطاعتي
و عمر ما حد حسسني باني مجبرة ارد
بالعكس كل اللي سالوني
كانوا في قمة الاخلاق و الرقي
و بيكونوا متحرجين من كثرة الاسئله و انا اللي بشجعهم

طبعا ده لا يخلوا من كام واحد تافه ممكن يدخل يستظرف او يستخف دمه
بس دول لا يستحقوا ان نلقي لهم بالا اصلا
حتى البلوك كتير عليهم

لو بتقدم معلومة او نصيحة
خلي نيتك لله
و متخليش الشيطان يلعبلك في نيتك اللي هتاخد عليها ثواب اكيد
قضاء حوائج الناس من احب الاعمال الى الله

و اكيد الشيطان مش هيسيبك تعمل خير بالسهولة دي

رمضان كريم

 

[Mennah Essam]

اصلا من شروط الجروب ان محدش يبعت لحد انبوكس تقريبا قريت ده قبل ما ادخل الجروب

 

[Mic Heal]

اوعى تعمل معروف ف حد ميستاهلش ، الفساد هينتشر

 

[Mostafa Kenawy]

اوعي يكون قصدك عليا Omar Abdalla بس هما قصدهم ايه بأنت مصري هيا مصري دي بقت شتيمة حاجه تعل والله