B
Bedo Abd El Samad
:: مسافر ::
رسالة "كينيا" الأولى
كينيا بلد لطيفة وأهلها ناس طيبين جدًا جدًا تحسهم أهلك كدة اللي هو ممكن وانت ماشي تلاقي ست كبيرة ممكن تقولك خد الزبالة والنبي يا حبيبي وانت نازل ، من خبرة أول يومين سريعًا
• بالنسبة لل"honeymooners" أنا شخصيًا شايفها وجهة شهر عسل لطيفة جدًا، وممكن لو عرسان مجانين يجربوها كتغيير عن الرحلات النمطية، لإن هنا دلوقتي موسم هجرة الحيوانات فبتبقى حاجة بديعة يعني الصراحة تقعد ف وسط المحمية والحيوانات حواليك حاجة ناشيونال جيوجرافيك خالص يعني وكمان بتشوف قبائل ال"Masai" وطريقة عيشتهم ورقص وفلكلور وحاجات لطيفة، فغالبًا ممكن تخبط سفاري ٣-٤ أيام ولا حاجة، الأسعار بقا / هي السفاري يعنبر هي أكبر أكتيفتي مكلف في كينيا طبعًا بس أعتقد لو عاوز تقضي شهر عسل أو أجازة مختلفة تستاهل، الأسعار كنت بلف مع جوز عيال أرجنتيين كانوا عايزين يعملوا فتقريبًا أرخص حاجة كانت ١١٠$ ف اليوم شاملة كل حاجة بقا ( مواصلات ٧ ساعات رايح جاي للمحمية + سكن + أكل ومبة ) يعني حاجة كدة زي فول بورد، طبعًا كل الأسعار بتعلي والسكن بيبقى أكثر رفاهية فكل الأوبشنز متاحة، وممكن تطلع مومباسا تخبطلك يومين هناك في Diani beach أخونا شريف فايد خد صورتين هناك هبلوا الناس الصراحة وعملوا بروموشن حلو وهو أحسن منكو يعني مثلًا ، وبكدة تكون عملت شهر عسل حاجة أورچينال خالص يعني، البلد عامةً غالية عن مصر اللي هو إزازة الميه لتر ونص ب ١٣ج
* بالنسبة للـBackpackers ورفاق الكحرته، البلد تقدر تهرب منها بميزانية كويسة الهوستيلز أرخص حاجة ١٠٠٠ شيلنج بالفطار، بعد كدة ممكن تتعامل م المحلات اللوكال تجيب "شاباتي" وتحشر فيه أي حاج وتضرب وخلاص، المواصلات في أتوبيسات من أيام الاحتلال بس شغاله وممكن توديك بتطلع من مكان زي رمسيس كدة، الدنيا بليل مش أمان أوي ولا هي شيكاغو يعني بس هما دايمًا بيفضلوا إن السياح ميمشوش بليل وكدة بس أنا قشطة عادي لسه خابط أتوبيس أوڤر نايت وكنت ماشي بالشنط بليل لوحدي وكنت بتخانق وبزق ع باب الاتوبيس تقريبًا كنت الأجنبي الوحيد ف الموقف كله بس أهم حاجة الثقة فالنفس يعني وانت بتدور ع أرخص حاجة يعني واهي كلها مغامرات
ملحوظات/
١- التدخين والشرب ممنوع تمامًا تمامًا يعني ف الأماكن العامة وغرامتهم كبيرة جدًا
٢- بالنسبة لريكومنديشن سفاري -مش عارف دا هيعتبر إعلان ولا ايه لو بهاء وافق هنزل كارت بتاع شركة اللي استقر عليها العيال أرچنتيين بعد لف- وهعرف منهم الفيد باك خلال يومين واكتب كومنت هنا
٣- الخطوط الأثيوبية والسعودية أرخص طيران لكينيا
٤- لو هتيجي متعملش معاد سفرك ٨/٨ لإن دا هيبقى يوم انتخابات الرئاسة هنا وهيبقى فيه طحن بالمعنى الحرفي
٥- العملة "شيلينج" الدولار عامل ف المطار ١٠٠ وجوه البلد من ١٠٢:١٠٦ شيلنج
٦- الفيزا ممكن أونلاين أو عند الوصول ب ٥٠$
٧- التطعيم بيبقى في مركز التطعيم الدولي في مديرية الصحة ف الجيزة ب ٢٣٠ ج حمى صفرا وشوكية ولو معاك فيزا او طيران حجز بيدوك حبوب الملاريا
كدة الرسالة الأولى وإلى اللقاء في رسايل أخرى
كينيا بلد لطيفة وأهلها ناس طيبين جدًا جدًا تحسهم أهلك كدة اللي هو ممكن وانت ماشي تلاقي ست كبيرة ممكن تقولك خد الزبالة والنبي يا حبيبي وانت نازل ، من خبرة أول يومين سريعًا
• بالنسبة لل"honeymooners" أنا شخصيًا شايفها وجهة شهر عسل لطيفة جدًا، وممكن لو عرسان مجانين يجربوها كتغيير عن الرحلات النمطية، لإن هنا دلوقتي موسم هجرة الحيوانات فبتبقى حاجة بديعة يعني الصراحة تقعد ف وسط المحمية والحيوانات حواليك حاجة ناشيونال جيوجرافيك خالص يعني وكمان بتشوف قبائل ال"Masai" وطريقة عيشتهم ورقص وفلكلور وحاجات لطيفة، فغالبًا ممكن تخبط سفاري ٣-٤ أيام ولا حاجة، الأسعار بقا / هي السفاري يعنبر هي أكبر أكتيفتي مكلف في كينيا طبعًا بس أعتقد لو عاوز تقضي شهر عسل أو أجازة مختلفة تستاهل، الأسعار كنت بلف مع جوز عيال أرجنتيين كانوا عايزين يعملوا فتقريبًا أرخص حاجة كانت ١١٠$ ف اليوم شاملة كل حاجة بقا ( مواصلات ٧ ساعات رايح جاي للمحمية + سكن + أكل ومبة ) يعني حاجة كدة زي فول بورد، طبعًا كل الأسعار بتعلي والسكن بيبقى أكثر رفاهية فكل الأوبشنز متاحة، وممكن تطلع مومباسا تخبطلك يومين هناك في Diani beach أخونا شريف فايد خد صورتين هناك هبلوا الناس الصراحة وعملوا بروموشن حلو وهو أحسن منكو يعني مثلًا ، وبكدة تكون عملت شهر عسل حاجة أورچينال خالص يعني، البلد عامةً غالية عن مصر اللي هو إزازة الميه لتر ونص ب ١٣ج
* بالنسبة للـBackpackers ورفاق الكحرته، البلد تقدر تهرب منها بميزانية كويسة الهوستيلز أرخص حاجة ١٠٠٠ شيلنج بالفطار، بعد كدة ممكن تتعامل م المحلات اللوكال تجيب "شاباتي" وتحشر فيه أي حاج وتضرب وخلاص، المواصلات في أتوبيسات من أيام الاحتلال بس شغاله وممكن توديك بتطلع من مكان زي رمسيس كدة، الدنيا بليل مش أمان أوي ولا هي شيكاغو يعني بس هما دايمًا بيفضلوا إن السياح ميمشوش بليل وكدة بس أنا قشطة عادي لسه خابط أتوبيس أوڤر نايت وكنت ماشي بالشنط بليل لوحدي وكنت بتخانق وبزق ع باب الاتوبيس تقريبًا كنت الأجنبي الوحيد ف الموقف كله بس أهم حاجة الثقة فالنفس يعني وانت بتدور ع أرخص حاجة يعني واهي كلها مغامرات
ملحوظات/
١- التدخين والشرب ممنوع تمامًا تمامًا يعني ف الأماكن العامة وغرامتهم كبيرة جدًا
٢- بالنسبة لريكومنديشن سفاري -مش عارف دا هيعتبر إعلان ولا ايه لو بهاء وافق هنزل كارت بتاع شركة اللي استقر عليها العيال أرچنتيين بعد لف- وهعرف منهم الفيد باك خلال يومين واكتب كومنت هنا
٣- الخطوط الأثيوبية والسعودية أرخص طيران لكينيا
٤- لو هتيجي متعملش معاد سفرك ٨/٨ لإن دا هيبقى يوم انتخابات الرئاسة هنا وهيبقى فيه طحن بالمعنى الحرفي
٥- العملة "شيلينج" الدولار عامل ف المطار ١٠٠ وجوه البلد من ١٠٢:١٠٦ شيلنج
٦- الفيزا ممكن أونلاين أو عند الوصول ب ٥٠$
٧- التطعيم بيبقى في مركز التطعيم الدولي في مديرية الصحة ف الجيزة ب ٢٣٠ ج حمى صفرا وشوكية ولو معاك فيزا او طيران حجز بيدوك حبوب الملاريا
كدة الرسالة الأولى وإلى اللقاء في رسايل أخرى