الامهات ... اجمع انا بسافر على الاماراتيه...

  • بادئ الموضوع بادئ الموضوع Aisha Hamoda
  • تاريخ البدء تاريخ البدء
عرض العطلة
A

Aisha Hamoda

:: مسافر ::
#1
الامهات ... اجمع
انا بسافر على الاماراتيه رحله ٩ ساعات متواصله ، بنتي سنه و ١٠ شهور ف مش هيتحجز لها كرسي و ف نفس الوقت مش هيعطوني سرير لانها مابقتش بيبي (ده كلامهم)
(احنا بنعد ف الكراسي المحجوزه للناس الى معاهم رضع، الى هي اول كراسي ف الكبينه)
ف واحده من السفريات السيده الى جمبي نيمت بنتها على الارض قدامها و غطتها و محدش كلمها
ف سفريه تانيه كنت قاعده على الارض انا و بنتي و بنلعب سوا
بس اخر مره قالولى ممنوع اعد ع الارض انا او البنت ولازم نلتزم بالكراسي بس ، مع ان محدش بيعدي من قدامنا ، بس قالولى السبب هو شروط السلامه و الآمان
بس الموضوع فارق معايا كتير عشان البنت بتزهق و الكراسي أصلا ممله
هل دي فعلا شروط سلامه و امان ، ولا دي رخامه من المضيف ؟ و هل فى حلول أخر عشان الزهق ده. عشان عندي سفريه تانيه قريب
 
#3
بصي من غير زعل وحسب خطوط الطيران يمكن بيعتبروه شكل غير حضارى خاصه لو الطياره فيها اجانب لان حصل مع صحبتى نفس رد الفعل والحل ممكن تتمشي بيها كل ساعتين عشر دقايق وخلي التاب مشحون او الموبيل او الايباد مخصوص علشانها وشغلي لها عليه اغاني اطفال او تعليم حروف مش هتحس بالوقت ولا تزهق ولا تزهقك
 
#4
هو من شروط السلامه اكيد مع سنه رخامه ، لسه ابني عامل الحركه دي بس ف air asia سابوه عشان يخلصو من عياطه !!! خليها هي تقعد و انتي لا و اعملي انك مش قادره علي البنت
 
#5
Baby bassinets

Our bassinets are approximately 75 x 33 x 22cm (29.5 x 13 x 8.8 inches) in size and can hold babies weighing up to 11kg (24.2lb). Whilst our bassinets are designed for babies up to two years old, we won’t be able to provide one if your baby doesn’t fit safely.
 
عرض العطلة
#10
طبعا ممنوع النوم ع الارض وده من البديهى لان ده ممكن يعتبر ممر لو كانت الكراسى اللى ف النص وعند حدوث اى شىء لابد ويكون الممر فاضى والا هتلاقى نفسك تحت رجلين الناس كلها وهى بتجرى. ثانيا لو الكراسى اليمين او الشمال فلو فى المطبات الهوائية ممكن بسهولة تتخبطى فى اى حيطة او كرسى لانك ملحقتيش تربطى الحزام.
ولو حد شاف حد عمل كده ده بيكون غلط طبعا. ومش القاعدة
 
عرض العطلة
#11
في تحذيرات كتييرة جداً من حتي خلع الحذاء علي الطائرة مش الجلوس ولا النوم علي الأرضية ودة بسبب عدم نظافة الأرضيات بالطائرات ووجود العديد من الميكروبات والجراثيم وأنواع مؤذية من البيكتريا فبرجاء الحذر أشد الحذر من ذلك
 
#12
حاولى تاخدى مناشط لطفلتك عشان ما تزهج مكعبات صغيرة او كراس تلوين والوان طين الصلصال وغيرها او تاخدى قصص ملونة تتفرج عليهم ربنا يوصلكم بالسلامة
 
#13
طب انا كنت بصور في المطار عادي مش عند نقاط تقتيش صاروا يحكولي ممنوع تصوير انا استغربت
لانو اي حدا بصور وعادي
 
#14
طبعا من دواعى الامان لان لا قدر الله لو الطيارة دخلت في مطبات هوائية او حاجه ممكن بنتك تتخبط
حصلت في طيارة نيويورك من سنتين والناس الى مش رابطه حزام اتخبطو في السقف وحصلهم اصابات لان الطيارة نزلت مرة واحدة مش فاكرة اد ايه بسبب عوامل جوية
 
عرض العطلة
#16
ممكن متسافريش
او حضرتك ممكن تقولى لينا. لو حصل و ركبتى. اتوبيس سياحه من مصر الى شرم الشيخ
او عربيه زوجك وانتى بتسوقى
هتسلى بنتك ازاى. هتفضلى ع الكرسي مركزة ف الطريق ولا هتلعبيها شويه و تركزى ف الطريق شويه
هى دة السلامه
 
#17
شكرا لكل الى رد عليا
انا الحقيقه معنديش مشكله مع الاماراتيه ف حد ذاتها لانى بحترم طيارانهم جدا و بحب اسافر عليه
بس كنت عايزه اعرف ايه القواعد الصحيحه عشان اعمل حسابي من دلوقت و ادور على حلول أخرى تخلى البنت مرتاحه ف الطياره
وواضح ان فى اجماع ان مش هينفع نلعب على الارض ، ف هنلتزم بالكرسي بس
شكرا جزيلا
 
#18
اطلعي بالعجلة السترولر بتاعتها
او بكرسي العربية
مش هاتدفعيله حاجة
واهي تقعد تنام تلعب براحتها
وبتحطيها اودامك
 
عرض العطلة
عرض العطلة
أعلى أسفل
عودة
قائمة