M
Mohamed Torky
:: مسافر ::
انت هتنزل كازا يا معلم هتاخد القطار من المطار لغايه محطة كازافوياي بي 43 درهم وهتخرج من المحطه في يا اما هتروح موقف CTM ودة أتوبيس زي السوبر جيت كدة ونضيف جدا بيروح دايركت علي شفشاون او لو عاوز ارخص اسأل علي محطه الاتوبيس الوكال ودة بيكون ارخص شويه وبرضو اتوبيسات نضيفه مش بطاله هتنزل في المحطه بتاعه شفشاون وتاخد تاكسي أو تتمشي للوسط في المدينة مش بعيد تقريبا ١٥ دقيقه مشي وهتشوف جمال المدينة من اولها ومتحجزش فندق من علي اي برامج بي شنطتك علي ظهرك وادخل اسال في الفنادق هتلاقي اسعار كويسه جدا عن الحجز اونلاين ومعامله الناس جميلة جدا والاسعار رخيصه نسبيا ممكن تلاقي هوستيل بي ،٥٠ درهم في اليوم هتتمشي وسط البيوت الزرقاء المبهجه وتروح لمكان اسمه رأس الماء وهتطلع الجبل وهتشوف اجمل منظر ممكن تشوفه في حياتك خصوصا وقت الغروب وهتلاقي ناس زيك قاعدة تستمتع بي المنظر الجميل وريحة الحشيش الي معظم الناس قاعدة بتضربة هتبقي عامل دماغ طبيعي وممكن تروح مكان اسمه القلعه برضو بس بعيد شويه مشي وهناك هتشوف مناظر الجبال وفعلا تستاهل انك تزورها وتسأل حد عن شلالات اقشور وهيا مش بعيدة حوالي ٣٠ دقيقه من الشاون ورحله سعيدة ولو احتاجت اي استفسار عن اي مدينه في المغرب انا تحت امرك
