دلوقت أنا كنت مقدمه في سفارة أسبانيا و اترفضت...

[Nardeen Dala'a]

دلوقت أنا كنت مقدمه في سفارة أسبانيا و اترفضت .. قدمت تظلم و النهارده بعتولي انه Approved و أنه في أي وقت أروح أسلم حجز طيران و فندق و ورقة التأمين و أجيب الباسبور طبعا رحت و سلمت كله و قالولي تعالي بكره استلميه ..
هل لو في حاجه من الحاجات دي فيها مشكله ممكن يرفضو و الا هما كده خلاص قبلو ؟

تعديل

التظلم اتقبل الحمد لله ..
كنت مقدمه في قنصلية أسبانيا في اسكندريه .. بيتعاملو بكل إحترام مع اللي بيقدم و مش بيقللو من حد لأني قريت عن سفارات تانيه بتتعامل بأسلوب مش مناسب معانا فحبيت أعلق على كده ..
قدمت التظلم آخر يوم الاربع اتقبل يوم الأحد مع العلم أنه الجمعه و السبت اجازه .. و مع خطاب الموافقه طلبو الباسبور سلمته يوم الأحد و استلمته يوم الإتنين مع التأشيرة .

 

[Raghda Dawood]

لا استني لما تاخدي الڤيزا الاول

 

[Mariam Mariam]

ملهومش دخل في الأوتيل، خذي الفيزا وغيري عادي

 

[Ahmed Khaled]

معلش ايه سبب الرفض

 

[Hassan El Sisy]

كدة ان شاء الله مفيش اى مشكلة
هتروحى بكرة وهتستلمى الباسبور وفيه الفيزا وبعد كدة الغى حجز الفندق واحجزى واحد تانى

 

[Ahmad Badran]

مبرووك انشاء الله الفيزا ملهومش دعوة بالأوراق إلى طلبوها

 

[Mohamed I. Abdrabou]

F

 

[Mohamed El Fouly]

F

 

[Hend Salem]

خلاص طالما عملتى تظلم و اتقبل مش مطلوب منك تعملى اى حاجة غير انك تودى الباسبور و تستنى التأشيرة

 

[Ahmed Maher]

التظلم بفلوس ولا لا؟؟

 

[Nardeen Dala'a]

الله يبارك فيكم فعلا سألت في السفاره عند الاستقبال اذا ممكن اغير حجوزات الطيران و الفنادق عشان بفكر اروح مدريد يومين و قالي مفيش مشاكل المهم تكوني في أسبانيا تاخدي منها ختم دخول و خروج و نبهني اني مكسرش .. و كمان طلبو مني ارجع بعد السفر في خلال 7 أيام و انا مصوره اول صفحه في الباسبور و الصفحه اللي عليها ختم الدخول و الخروج مش عارفه ليه بس مش مشكله بسيطه كده كده أنا مستحيل أكسر

 

[Ahmad Badran]

انا اول واحد قلت مبروووك

 

[Sherif Mohamed Rabie]

غيره انت مع نفسك بعد ماتاخد الفيزا

 

[Mohammed Said]

F

 

[Mohamed Elsayed]

الف مبرووك ورحله سعيدة مقدما

 

[Abdallah Kefo]

حضرتك بعتي ايميل انك عايزة تعملي تظلم ..
قالولك هاتي الورق (عقود الايجار وحجوزات الكورسات) .. جهزتية وروحتي القنصلية الاربع وردوا عليكي الاحد انك تجيبي الباسبور ؟
صح كده ولا بعتي الحاجات دي بالايميل ..
سؤال تاني لو سمحتي بعتيلهم تقوليلهم ايه في اول ايميل انك عايزة تظلم ولا ايه بالظبط ؟
وشكرا جدا لحضرتك

 

[Nardeen Dala'a]

يوم ما أخدت الرفض كان يوم 2 -5 و أنا مقدمه قبلها بحوالي أسبوعين .. قالولي و أنا بستلم ممكن تقدمي تظلم في خلال شهر .. جهزت الورق اللي لي علاقة بسبب الرفض بتاريخ 17 /5 كله و ترجمته و بعتلهم ميل في خطاب التظلم مرفق معاه الورق ده ..بعتولي بعدها بحوالي ربع ساعه اني لازم أقدم التظلم شخصيا مع الورق رحت في نفس اليوم قدمته و كان يوم أربع .. بعدها يوم الأحد 21 /5 بعتولي أن التظلم اتقبل و ممكن أروح أودي الباسبور مع حجز الفندق و الطيران و التأمين في أي وقت من غير معاد فرحت في نفس الوقت سلمتهم الباسبور قالولي بكره تاخدي مع الفيزا .(الإتنين 22/5) .. العفو لو في أي استفسار تاني اتفضل

 

[Nuha Muhammed]

الف مبروك ياجميل ❤بس انت طالبة ولا بتشتغلي ؟؟

 

[Yehia El Attar]

Nardeen Dala'a
دلوقتي انا جهزت التظلم
كده ممكن اروح علي طول من غير ميعاد؟