W
Walid El Araby
:: مسافر ::
كل واحد شغال برا تسأله عن شغل برا او حتي من غير ما تسأله كفاية انه شافك اول ما ينزل مصر يشغلك الاسطوانة الحمضانه مصر حلوه... المعيشة غاليه جدا ... انه بيكفي مصاريفه بالعافيه
السؤال العبقرى انت قاعد برا ليه ما دام برا وحش
الإجابة ان البهوات اللي اشتغل برا او هاجر بيخاف من الحسد او مش عايز يساعدك او مش عايز يعرفك هو عايش ازاى عشان كده بيسدها في وشك و يشغل اسطوانة الفقر
لو أمريكا او الخليج او بلاد تركب الأفيال سيئه و مش جايبه همها عايش و شغال فيها ليه
السؤال العبقرى انت قاعد برا ليه ما دام برا وحش
الإجابة ان البهوات اللي اشتغل برا او هاجر بيخاف من الحسد او مش عايز يساعدك او مش عايز يعرفك هو عايش ازاى عشان كده بيسدها في وشك و يشغل اسطوانة الفقر
لو أمريكا او الخليج او بلاد تركب الأفيال سيئه و مش جايبه همها عايش و شغال فيها ليه
I
Ibrahim Nagy
:: مسافر ::
انا شايف انها متتحسبش كده كل بلد في العالم ليها مميزات وعيوب و كل قرلر بتاخدو كمان كده. الغرب عندهم دوله مؤسسات و المؤسسات ناجحه الصحه والتعليم و... اما العائد المادي فكل واحد وهدفه ودراسته وحلمه الحاجه المهمه مفيش واسطه لو كويس حتوصل. المهم ماينفعش تقارن مدير بنك في مصر بواحد شغال في سوبرماركت في امريكا او اوروبا وبالعكس. و العيشه زات نفسها ماتتقارنش عبشه الخليج غير مصر غير اوروبا غير امريكا في الحته ديه مفيش احلى واوحش فيه انت متقبل ايه و عايز توصل لايه ملكش دعوى بالناس
M
Mohammad Omran
:: مسافر ::
اى كلام و فقط الاهبل هو الى ممكن يقتنع بالكلام دا .. و بعدين انت بتحول مصاريفه بالجنيه ليه طيب مش واجب برده تحول مرتبه بالجنيه طالما هتحول .. اقل شغلانه بأقل راتب فى الساعه هتعيشك حياه كريمه فى امريكا .. يعنى تسكن و تاكل و تشرب و تركب عربيه لو اشتغلت 10 سنين فى مصر بتحوش مرتبك كله مش هتعرف تجيب زيها .. صاحبك دا فاشل و احنا مش عايزين تجارب العالم الفاشله دى
ع
عبدالله المصري
:: مسافر ::
يا جماعه ..انا في اوروبا ..واسكندنافيا كمان يعني مستوي معيشه مرتفع الحمد لله وفلوسي كويسه وحياه منظمه ..ولله الحمد..واخدت جنسيه ....ااه الحياه بره هتسمع كلمة ستريس كتيير جدا بسبب ومن غير سبب...طبعا لان مظاهر الدين وشعاءره غير ظاهره زي مصر وان كانت حرية الشعاءر والحريه الشخصيه اعلي بكتير وبسنين ضوءيه عن مصر....اللي زيي بيتغلب عن موضوع الضغط النفسي بالسفر تتعلم وتتعرف علي ناس وثقافات وتعلم غيرك ايضا ..لكن يكفي سبب واحد انك ماتعيش في مصر هو حريتك وانك تعيش مش خايف ولا تعيش اقل من انك تكون بني اادم غير انك تعيش حر وده كفايه
A
Ahmed F. Ibrahim
:: مسافر ::
كلام غير صحيح
اولا علميا غير دقيق وغير مدروس
ثانيا بيعتمد اعتماد شبه كلي علي ثقافه ان العمل والشغل عبارة عن شقاء وتعب وان متعه الحياه في انك تقعد سلطح ملطح ممدد رجليك زي الطربش في قهوة وحاطط في بقك البزازة اللي اسمها الشيشه
" خلي بالك اللي بيتكلم عاشق للاتنين وعاشق لجو مصر "
وواضح انك كواحد متأثر بالثقافه المصريه في العدم انتاج ما بتحبش تشتغل كتير
يا حبيبي الناس دي بقت كده عشان بيحبوا الشغل وبيموتوا فيه
في اليابان بيعترضوا لو حبوا يقللوا عدد ساعات العمل
عموما دي حاجه مش هتتغير فيك الا لو سافرت واشتغلت هناك
مش كده ولا ايه ؟؟؟
Ahmed Hosni
اولا علميا غير دقيق وغير مدروس
ثانيا بيعتمد اعتماد شبه كلي علي ثقافه ان العمل والشغل عبارة عن شقاء وتعب وان متعه الحياه في انك تقعد سلطح ملطح ممدد رجليك زي الطربش في قهوة وحاطط في بقك البزازة اللي اسمها الشيشه
" خلي بالك اللي بيتكلم عاشق للاتنين وعاشق لجو مصر "
وواضح انك كواحد متأثر بالثقافه المصريه في العدم انتاج ما بتحبش تشتغل كتير
يا حبيبي الناس دي بقت كده عشان بيحبوا الشغل وبيموتوا فيه
في اليابان بيعترضوا لو حبوا يقللوا عدد ساعات العمل
عموما دي حاجه مش هتتغير فيك الا لو سافرت واشتغلت هناك
مش كده ولا ايه ؟؟؟
Ahmed Hosni
A
Asmaa Rashad
:: مسافر ::
الكلام ده مردود عليه يمكن معلومات صح لكن مكتوبه غلط . اولا مفيش حاجه اسمها 25 ألف دولار يعني كذا بالمصري لأنه هو مبيقبضش بالمصري و لا ببحولهم مصري . دولار بالنسباله زي جنيه
ثانيا اللي عايش في مصر برده لازم يبقي غني جدا علشان يستمتع
اللي عايز يعيش بس حتي لازم يعيش بالعافيه و ممكن يشتغل شغلتين علشان بس يكفي ايجار في حي شعبي و عيشه غير ادميه
ال 25 ألف دولار لو هتوازن بعمله كل بلد يعني كان 25 ألف جنيه مصري في مصر . مين يقدر يعيش و يفتح بيت دلوقتي بالمبلغ ده سنوي يعني الفين جنيه في الشهر تقريبا
غير بند الحريات و المعاملة الادميه و التغطيه التامينيه الصحيه و العقول المستنيرة و التعليم الجيد
اخيرا انا مش بعيب في بلدي انا بس برد عليك بوقائع علشان مبيعجبنيش اسلوب ان هنا احسن من بره و ان الناس تعبانه و المقارنه هنطلع فيها خسرانين باي حال و الاي بيقولك كده مش عايزك تشوف الخير زييه و إلا مرجعش يعيش فيها ليه
ثانيا اللي عايش في مصر برده لازم يبقي غني جدا علشان يستمتع
اللي عايز يعيش بس حتي لازم يعيش بالعافيه و ممكن يشتغل شغلتين علشان بس يكفي ايجار في حي شعبي و عيشه غير ادميه
ال 25 ألف دولار لو هتوازن بعمله كل بلد يعني كان 25 ألف جنيه مصري في مصر . مين يقدر يعيش و يفتح بيت دلوقتي بالمبلغ ده سنوي يعني الفين جنيه في الشهر تقريبا
غير بند الحريات و المعاملة الادميه و التغطيه التامينيه الصحيه و العقول المستنيرة و التعليم الجيد
اخيرا انا مش بعيب في بلدي انا بس برد عليك بوقائع علشان مبيعجبنيش اسلوب ان هنا احسن من بره و ان الناس تعبانه و المقارنه هنطلع فيها خسرانين باي حال و الاي بيقولك كده مش عايزك تشوف الخير زييه و إلا مرجعش يعيش فيها ليه
H
Hassan Elmasry
:: مسافر ::
الكلام ده مش صحيح انا عايش في هولندا من عشر سنين العيشة هنا كويسة و الاكل و الشرب ارخص حاجة بالنسبة للمرتب . هنا بمرتبك تعيش و تتعالج و تاكل كويس و تسكن كويس و كمان تسافر اجازة و تخرج في الويك اند .كفاية انك تعلم ولادك كويس هنا و احسن نظام تأمين صحي موجود . هنا كمان الدولة بتساعد الناس اللي دخلهم قليل و بتعملهم تخفيض في السكن و التأمين الصحي و بتديهم فلوس مساعدة للأطفال شهريا . مفيش مقارنة بمصر اصلا
M
Mohammed H. Salem
:: مسافر ::
بص انا هقولك كلمتين ... ماتعش تجربة مش بتاعك .مش عشان صاحبك قلك كدة يبقي دي اللي انت هتعيشه او تشوفه ..اللي بيعيشه صاحبك مش عيقولك عليه لان د نوع من انواع الرزق ...حاليا في امان في البلاد ال انت بتتكلم عنها احسن من بلدك ..ماقصدش الأمان البوليسي إنما الامان الاقتصادي افضل بكتير ...مش كل المعلومات في النت حقيقية ..انا كنت عايش في امريكا في وادي السيليكون كاليفورنيا من اغلي أماكن المعيشة علي وجه الارض و كنا عايشين ب اقل من 600$ بعد اجار السكن اللي كان 400$ في غرفة في شقة من غرفتين و 30$ خط التلفون بانترنت من غير حدود ..وكنا بنسهر ونتفسح ولو مرة فالشهر .....عيش التجربه بنفسك وقرر انما احلي حاجة فينا كمصريين ..اصل د وحش ود عيب ود بيعور .... بالمناسبة يا وحش الانترنت حاليا بيعمل سيجمنتيشن يعني بيفرق المعلومات اللي ممكن تحصل عليها علي حسب مكان تواجدك ومعيشتك لو غيرت الاي بي بتاع الكمبيوتر هتعرف انك هتلاقي معلومات مش هتحصل عليها لو الاي بي بتاعك مصري... الناس دي مابتحبش تتطلع كل حاجة عنها ...انجوي واطلع برة بيتكم واتمرمط عشان تعرف ان العيشة حلوة