من خرج من داره اتقل مقداره. المثل دا صح 100% ....

  • بادئ الموضوع بادئ الموضوع Mohamed Masrawy
  • تاريخ البدء تاريخ البدء
عرض العطلة
#61
الناس برضة مش قادرة تفهم كلامي . ياجدعان ال 60 او 100 الف اللي هتحطهم مصاريف سفر هجرة وخلافو لو فتحت بيهم مشروع ف مصر ممكن ربنا يرزقك من واسع وتعيش ملك ف بلدك او حتي ساعتها لو سافرت برا هيبقا معاك الفلوس اللي تخليك تعمل بيزنس. لكن تحط فلوسك كلها ف إجراءات وسفر وفيزا سفر أو خلافه . هناك هتعيش حر اه بس مش هتلاقي الفلوس اللي تعمل بيها الافكار اللي فدماغك
 
#62
مش كل اللي بيسافر هدفه يحوش فلوس وحضرتك هو مش مضطر يحوش لان قصاد الضرايب اللي بيدفعها بياخد تعليم مجاني لاولاده وتامين صحى واعانه بطاله ورعايه كبار السن كل حقوقه بياخدها كمواطن ومتوفره ليه فايه اللي يخليه يفكر يحوش اصلا ميشتغل ويعيش في مستوى معقول وكفايه هناك القانون بيطبق وامان اكتر مش تدخل الكنيسه تصلي تطلع متفجر ولا المواصلات الغير اداميه ولا الخطف الاطفال وتجاره الاعضاء كفايه كل واحد عارف حقوقه وواجباته وميقدرش يتعدى علي حقوق غيره ويحجر عليه لا في اللبس ولا الفكر ولا العقيده فيها احترام لحريه الاخر وعايشين في امريكا يهود وهندوس ومسلمين ومسيحين بتسمع كل يوم حادثه تفجير كنيسة ولا معبد ولا جامع مبيحصلش وان حصل تبقي حوادث عارضه مش علطول مفيش امان ارجوكم خليكم واقعيين
 
#64
محدش يصدق الكلام ده يا جماعه
اعرف ناس سافروا وعاشوا هناك كويس جدداا وما شاء الله يعني
ده غير تغيير البلاعه اللي احنا فيها دي بوساخة كل نظام وكا خرة فيها
 
عرض العطلة
#67
هو ممكن يكون كلامك صح عادي
بس مش مقبول منك لانك تقريبا مروحتش امريكا اصلا
وبتبني كلامك على كلام واحد صاحبك
فالمفترض اللي بيكتب كلام زي ده بيكون عاش التجربة بنفسه
مش انا سمعت !
 
#68
كده احنا بنهرج بقى
عندي ٥١ سنة وكل قرايبي اصدقائي الي هاجروا ناجحين ومبسوطين ومستريحين ويا رب يريحهم ديما
لكن الي في مصر مبسوطين اكتر وفرحانين اكتر وسعداء لدرجة الضغط والسكر والجلطات مفضلناش غير التبول اللا ارادي ويبقى كله تمام
 
#69
الحقيقه كلام مش دقيق بالمره، اه فيه ناس مش بتوصل بس في كتير ناجحين جدا واخر نغنغه
مؤهل مع شويه خبره مع اصرار كتير ومحاوله هتوصل لكن شغل ده فلان راح وفشل وعلان بيشحت هناك ده مش بيوصل لشئ
 
عرض العطلة
#73
هو ليه الناس بتقارن أوروبا وأمريكا بمصر.

صاحب البوست بيحسبها بالمصري ، يا أستاذ لو قارنت الدخل في دولة زي السعودية مش أمريكا بدولة زي مصر ممكن يجي للواحد سكته قلبية لما يجي يحسبها بعملة مصر ، عمرها ما بتتحسب كده .

٢٥٠٠٠ $ في دولة زي أمريكا رقم قليل ، الرقم ده يعني حوالي ٢١٠٠$ في الشهر ، الرقم ده في ناس بتحققه في مصر من شغلها أونلاين.

الناس بتسافر علشان بتدور على طموح وفرص وأمان ووضع إنساني أفضل ووضع اجتماعي أفضل.

الناس درجات في كل دول العالم ، من أول عامل النظافة إلى رئيس الدولة ، الفيصل هو عنصر تكافؤ الفرص وإن كل واحد له حقوق وعليه واجبات.
 
#75
أكاد أجزم أن 90% من اللي بيقولو مانا عايش ف امريكا والدنيا جميلة وكلامك غير صحيح وور . هما اصلا سافرو امريكا ومعاهم مبلغ من المال جيد يتيح لهم فتح بيزنس حتى لو صغير. تحياتي للمختلفين ف الرأي اما التجريح أو الاستهزاء بالبوست لمجرد انك مختلف فهذا يدل على عقلية بعض الناس الضعيفة فالنقاش
 
عرض العطلة
#77
غير موفق نظرة ضيقه الافق سوري يعني اولا اللي عاوز يحوش يروح الخليج اساسا لو في فلوس زي زمان وبعدين انتا تبحث عن العيش الادمي ماكل ملبس تعليم صحه مش تحو ش فلوووووس
 
#79
شوف حقول لحضرتك حاجة
أولاً انا فى إيطاليا مش فى امريكا و روحت فرنسا شوية و ليا صحاب كتير فى ألمانيا
من خلال اللى انا شوفته اقدر اقول لحضرتك إن اللى بيعمل فلوس فى أوروبا كان اصلآ بيعرف يعملها و هو فى مصر حتى لو بدأ من الصفر مش سافر بمبلغ و عمل مشروع زى ما حضرتك بتقول و ان اللى متبهدل هنا كان اصلا بارضو متبهدل فى مصر و اللى كان فى مصر فاشل بعد ما سافر فشل اكتر خلاصة الموضوع
شخصيتك هى اللى بتحدد شكل حياتك فى اى مكان و تحت أى ظروف
 
عرض العطلة
عرض العطلة
عرض العطلة
أعلى أسفل
عودة
قائمة