Y
Youssef Abdelrahman
:: مسافر ::
باشا انا شغال فى مرسى علم من اكتر من 9 سنين ... احب اقول لحضرتك اولا الاذواق لازم تختلف.. ده شيئ طبيعى .. بس بجد مرسى علم جنة وكنز سياحى محدش عارف قيمته غير الأجانب اللى بيجوا مخصوص عشانها...كنت بشوفهم اول ما اشتغلت وكنت بقول لنفسى ايه اللى يخليهم يجوا بلد مقطوعة زى مرسى علم ويسيبوا الغردقة اللى فيها كل حاجة طالما فى النهاية كله بحر أحمر وخلاص....اكتشفت لما روحت بنفسى وزرت الاماكن دى...شواطئ مرسى علم فى بعض الأماكن تحسسك بلا مبتلغة انك فى المالديف...تتميز شواطئها بضحالتها ونقاء المية فيها ووجود شعاب مرجانية وحياة بحرية متكاملة وجميع انواع الاسماك هتشوفها هناك حوالين الشعب المرجانية اللى مش على عمق كبير واللى سعات فى بعض المناطق بتكون قريبة جدا من الشط ومش محتاج تعمل سنوركل ليها....ده غير محميات المنجروف وبيت الدولفن ومنطقة ابو دباب وشاطئ حنكوراب او كما يسميه الاهالى شرم اللولى ومنطقة النيزك ومحمية و وادى الجمال اللى بيكون فيها جمال فعلا بس مش بالصورة اللى موجودة دى طبعا .. وفى حيوان بحرى اسمه الدجونجون وبيسموه عروس البحر او عجل البحر وهو حيوان نادر جدا وتقريبا مرسى علم فيها بتاع 6 حيوانات بس.
لكن الشيئ المهم واللى كان لازم انك تعمله هو انك تستعين بحد من أهل البلد وهو اللى يوريك الحجات الجميلة دى.
لكن الشيئ المهم واللى كان لازم انك تعمله هو انك تستعين بحد من أهل البلد وهو اللى يوريك الحجات الجميلة دى.
E
Eman Ismail
:: مسافر ::
هو يمكن حضرتك علشان المسافة بعيدة
لكن غير آراء ناس كتير زاروها وقالوا أنها تحفة انا السنة اللى فاتت قابلت زوج وزوجة فرنساويين على الطيارة كنا رايحين جزيرة بالى وهم بيسافروا يعملوا دايفنج فى أماكن مميزة ولما عرفوا انى مصرية قالوا احنا روحنا مصر عملنا دايفنج فى مكان رائع وفضلوا يفتكروا الاسم وانا اعتقدت شرم أو الغردقة وقلتلهم قالوا لا وقالوا مرسى علم
لكن غير آراء ناس كتير زاروها وقالوا أنها تحفة انا السنة اللى فاتت قابلت زوج وزوجة فرنساويين على الطيارة كنا رايحين جزيرة بالى وهم بيسافروا يعملوا دايفنج فى أماكن مميزة ولما عرفوا انى مصرية قالوا احنا روحنا مصر عملنا دايفنج فى مكان رائع وفضلوا يفتكروا الاسم وانا اعتقدت شرم أو الغردقة وقلتلهم قالوا لا وقالوا مرسى علم
N
Noha Nona
:: مسافر ::
عاوزه احكي عن تجربتي في سانت كاترين انا شخصيا استمتعت بالرحله جداااا كل حاجه كانت تحفه.. طلوع الجبل كان تحدي رائع ليا.. منظر السما.. الهدوء.. والنزول كان حاجه مختلفه تماما.. انا استمتعت بالرحله جدا جدا جدا ولما نزلت سمعت ناس بتحلف انها عمرها ما تعملها تاني وانها طلعت كل دا عشان ايه يتصوروا فوق بس كان منظر عادي جدا .. دي مش اخر مره ليا لسانت كاترين وهسافر تاني باذن الله.. انا راي ان المتعه كلها في ال journey كلها مش في final destination.. بحس ان في ناس بتشوف كل حاجه بمنظور مختلف وناس تانيه مستنيه اخر الرحله عشان تنبهر وخلاص.. صدقني الانبهار بيكون في كل لحظه مش في النهايه بس
I
Islam Mohamed
:: مسافر ::
لما يبقي عندنا شاطئ في مرسي علم اسمه الحنكوراب ويصنف دوليا من اجمل 10شواطئ علي مستوي العالم وشاطئ ابو دباب عليه سلاحف من مئات السنين و ولسه عايش هناك بقرة البحر واجمل شعب في مصر ورقم 4علي مستوي العالم وقدام شواطئ مرسي علم فيه خط هجره مئات الاف من الدلافين وفيه القرش الحوت المصنف دوليا انه منقرض واجمل مناطق غطس علي مستوي العالم يبقي صدقني العيب مش في المرسي علم
R
Ramy Pasha Reda
:: مسافر ::
على فكرة كل واحد حر فى راية دة ميضايقش حد .. انا اعرف اكتر من واحد بيقولوا المالديف مملة جدا و انا عن نفسى مفكرش اروحها
لو فرضنا انه ملوش فالغطس هيروح مثلا اربع او خمس ايام هيعمل ايه .. ماشى اول يوم هينبهر بالمية اللى لونها وهمى .. ها و بعدين؟ لو شخص بيحب الاكتيفيتى و الخروج مش هينبسط .. الراجل مكفرش يعنى .. هو اللى معجبهمش المالديف حد قالهم بتسوؤوا سمعة المالديف .. الجروب لتبادل الخبرات مش عشان كلنا نقول نفس الكلام
لو فرضنا انه ملوش فالغطس هيروح مثلا اربع او خمس ايام هيعمل ايه .. ماشى اول يوم هينبهر بالمية اللى لونها وهمى .. ها و بعدين؟ لو شخص بيحب الاكتيفيتى و الخروج مش هينبسط .. الراجل مكفرش يعنى .. هو اللى معجبهمش المالديف حد قالهم بتسوؤوا سمعة المالديف .. الجروب لتبادل الخبرات مش عشان كلنا نقول نفس الكلام