ازيكم جميعا . قريب زرت فرنسا لمدة اسبوع فى اخر...

[Ingi Abdel Aziz Srag]

ازيكم جميعا . قريب زرت فرنسا لمدة اسبوع فى اخر رمضان والعيد و ان شاء الله هكتب مجموعة بوستات عن التجربة .. المدن اللى زرتها : باريس .. نيس .. موناكو .. مارسيليا
اول بوست هبدأ بيه هيبقى عن الاكل و اللى النسا كتير بتهتم بيه و بتقلق منه لما تسافر :
1- الشيكولاتة :
طبعا الشيكولاتة فى فرنسا اشكال و الوان و فيه منها كل اللى تتخيله .. اكتر 3 اماكن حلوين فى الموضوع ده : فى باريس : أول حاجة Lindt store و ده جمب اوبرا جارنييه اسعاره حلوة جدا شكولاتة ليندت و جواه كافيه كمان ممكن تجيب منه بالوزن او فيه علب جاهزة .. تانى مكان كان متحف الشيكولاتة او muse de chocolat و ده ليه تذكرة تتخرج تتفرج على صناعة الشيكولاتة ب 12 يورو و فيه محل بييع شيكولاتة عظيمة جدا زى اللى فى الصور بنكهات مختلفة .. تالت مكان و بنصح بيه جدا السوبر ماركت هناك فيه اشكال و الوان و حاجات مبتنزلش هنا و باسعار اقل زى منتجات ميلكا مش طبيعية و هتلاقى مثلا علبى كبيرة ب 2 يورو و اشهر السوبر ماركت فى باريس : franxprix العصير الفريش عنده كويس جدا و المعجنات و الماية طبعا ارخص بكتير من برة و بالمناسبة الفانتا هناك عجبتنى اوى ..

2- الاكل و اللحوم :
فى فرنسا فيه محلات كتير جدا حلال زى الاكل اللى فى الصور جبته من عند محل كانت تحت الهوستيل و اصحابه جزائريين الاكل نضيف جدا و اكلت من عندهم 3 مرات كل مرة حاجة مختلفة و حلوة جدا.. الوجبة كات من 7 ل 9 يورو..

3- الCrepe :
الكريب فى فرنسا عجينته مش تقيلة بس مينفعش وجبة كاملة لانها اغلبها رفيعة و اشهره بالسكر و النوتيلا مشوفتش حادق .. الكريب فى الغالب من 2 ل 3 يورو ..

4- الMacarons :
و طبعا مختلف تماما عن هنا و طرى لازم يتاكل فى وقتها و نكهاته عظيمة و اسعاره وة 70 سنت لحد 5 يورو الواحدة ..

5- الجاتوه :
و طبعا اشهره الاكلير مش طبيعه و عندهم حتة جاتوه اسمها اوبرا ممكن تلاقيه عند المحلات او مقفوله فى السوبر ماركت و طبعا التيراميسو بس اتاكدوا ان مفيهوش كحول و citron tarte او تارت الليمون برضه متميزة جدا و حتة الجاتوة من 90 سنت ل4 يورو حسب المكان..

6- Fruit de mer او السى فود :
أنا جربته فى مارسيليا الطبق العملاق اللى فى الصورة كات بحوالى 23 يورو و الوجبة بالكوكا و المايونيز و كاليمارى اتكلفت حوالى 30 يورو فى مطعم Tinou و كان حلو جدا ..

7- الفاكهة :
هناك حلوة جدا و ممكن تشتريها طازة جبت كرز و اناناس و الكرز قعد معايا فى العلبة لحد ما رجعت مصر و كان ربع كيلو الكرز تقريبا نص يورو..

8- القهوة :
طبعا القهوة بكل انواعها عظيمة و فيه حاجات زى ستاربكس منتجات ليه بتتباع فى السوبر ماركت و انصح تاخدوا غلاية معاكم و قهوتكم هتوفرلكم كتير..

9- الايس كريم
طبعا مش طبيعى اللى فى الصور ده كان من موناكو ب 3 يورو و فى اغلب الحتت عظين بس برضه اتاكدوا ان مفيهوش كحول ..

#Jojj_travel
#France
#Paris
#Food
#Food_lovers

 

[Nesreen Moharram]

جوعتنا

 

[Viola Shehata]

Nader Azer Sharoupim

 

[Rofaida Elshaafey]

لو سمحتى ممكن تحكى عن تجربه حضرتك فى السفر وخصوصا عن المشاكل اللى واجهه حضرتك كبنت وعن افضل اسعار الطيران واجمل المدن اللى تنصحينا نزورها

 

[Ahmad Farouk]

م

 

[Maii Al Refaie]

والله احلى بوست شفته لحد دلوقتي
♥

 

[Enjy Ibrahim]

F..

 

[Manar Shalan]

Ammar

 

[Meriam Makar]

This is the best review I've ever seen

 

[Mohamed Monem]

انا مكنتش واخد بالى انه اللى منزل البوست بنت كنت عمال اسال نفسى ده ايه الولد اللى مجنون شيكولاته ده ههههههههههههه بوست جميل والصور احلى تسلمى

 

[Yara Ashraf]

ازاي فانتا برتقال عندهم افتح من بتاعتنا

 

[DrRanda Mahmoud]

الاسعار حلوة كدا ليه دا انا في باريس من سنتين اقل طبق كان ب خمسين يورو و وحش و كلت في مطعم فيالشانزلزيه بط بالبرتقال كان زي الزفت واضح اني فقر

 

[Wessam Saaed]

انا جوعت وبدات احقد علي فكره انا لسه راجعه من المانيا قضيت اسبوع عايشه علي السلاطات وشوكولاته كيندر ويوم ما لاقيت سمك في منيو العشا كنت مش مصدقه نفسي

 

[Mohamed Sharaf]

كفايه حرام

 

[Jojo O'Connell]

البوست جميل تسلمى بس انا مش فاهمة ايه وجبة كات اللى من 7 ل 9 يورو معلش هو حضرتك كتباها كذا مرة وانا مش فاهمة عبارة عن ايه ؟؟؟؟

 

[Mohammed Atif Farrag]

الليندت الي هنا في مصر عالية امال الي هناك عاملة ازاي ..

 

[Fatma Nasser]

Lw safrt ab2a m7taga kam m3aia w eh el amakn el a2dr aro7ha

 

[Nevin Ibrahim]

ف

 

[Sondos Ahmed]

Shaima Elsayed مش هقرأه لوحدي لا

 

[Nora Saeed]

انجى بوست رائع رائع انا نفسى اتفتحت خلاص قبل ما اروح شكرا بجد لمعلوماتك