A
الأخوه اعضاء الجروب الكرام.. سلام عليكم.
دى اول مره اشارك معاكم تجربه فى السفر.. ان شاء الله مش هتكون الأخيره..
بعد اذن صديقى بهاء.. نقدر نعتبر الموضوع ده استطراد او استكمال لموضوع كان نزل من الاخت امل العزب.. الموضوع الاساسى عن لينكاوى يخصها.. اللينك بتاعه اهو
/امل العزب
- الطقس فى لينكاوى - و ماليزيا كلها - استوائى.. مطر طول السنه.. رطوبه الى حد ما.. بس درجة الحراره معقوله.. مش هتفسد عليك الجوله.
- حديقة الفواكه فى لينكاوى مينفعش تفوتك لأى سبب.. كبيره جدا وجميله جدا.. لازم تروح وانت جعان بشده.. الفواكه كلها هناك جميله اوى ومغريه اوى.. فواكه يعنى مفيش قلق من الجماعه عاشقى الدايت.. مش هتقدر تمسك نفسك هناك قصاد تنوع الفاكهه.. فى هناك كمان مصورين محترفين صور كوميدى كده وحركات.. اسعارهم رخيصه جدا.
- جزيرة العذراء الحامل.. دى بحيرة ميه عذبه وسط المحيط.. يقال ان العرايس والزوجات راغبى الانجاب كانوا بيروحوا يسبحوا هناك ويقدموا قرايبن علشان يحملوا.. طبعا اسطوره.. لكن من غير الاساطير دى.. السفر ملوش لزوم.. بحيره جميله صالحه للسباحه.. مليانه قرود كتير دمها خفيف.. برضه مينفعش تفوت منك.. منظر لطيف لما تبقى راجل لوحدك بتعوم فى بحيره الستات بتعوم فيها علشان تحمل
- محبى الحيوانات.. حديقة الطيور فى لنكاوى مميزه جدا.. فيها انواع طواويس شديدة الندره.. ده طبعا غير النسر .. الحيوان الرسمى لجزيرة لنكاوى.. تذاكر الدخول رخيصه والتصوير هناك كمان رخيص اوى. بالاضافه الى ان تصيميها استوائى.. يعنى هواة التصوير فى الداخل هيتبسطوا جدا.
- اسألوا على جوله اسمها "Sunset Cruise" بتاعة مرشد سياحى فرنساوى اسمه فريدريك.. هو مشهور اوى لدرجة انكو لو سألتوا عليه بالاسم المفرد كتير او هيدلوكوا.. الراجل ده رهيب.. ظريف جدا وعنده افكار روعه.. من ضمنهم الجاكوزى البلدى.. شبكه حبال بيفردها على اجناب المركب.. وحضرتك تستلقى عليها والمركب ماشيه.. و الموج وحركة الميه تقوم بالواجب.. بتحس ان سرعتك كبيره وانك هتغرق هتغرق.. بس ده وهم.. انت فى امان تام.. برضه تكلفة الرحله دى بسيط اوى.. ومدتها ساعتين.
- ميدان النسر.. حاول تروح فى النص ساعه اللى قبل الغروب.. علشان تلحق الوان النسر نفسه فى الضوء وساعى الغروب وفى الظلام.. ممتاز جدا.. بعد ما تخلص جولتك فى ميدان النسر.. فى مطعم اسماك قريب منه مشهور اوى اسمه فيش ماركت.. احجام الاسماك عنده عملاقه.. انت ومراتك مثلا لو كنتوا وحوش اسطوريه تاكل الاخضر واليابس.. يبقى تطلبوا كابوريايه واحده واتنين جمبرى.. من غير رز ولا شوربه..
- بالنسبه لمقام ماهسورى.. لو مكنتش من هواة التاريخ وليك دماغ انك تقف تتفرج على بيوت تاريخيه وتقرا عن اسطورة اللعنه اللى حطت على البلد دى بسبب قتلهم البنت البريئه ماهسورى.. يبقى وفر وقتك.. الشلالات افضل.. مش كل الناس بتحب الجو بتاع الاساطير ده.
- مزرعة التماسيح مقلب..محدش يروح.. العروض ممله جدا.. اسعار المنتجات الجلديه هناك فى مستوى الملياردير فاحش الثراء.. مش هيسيبوك تتصور مع اى تمساح..العرض مدته 20 دقيقه وممكن يتعمل فى 10 ثوانى لا اكثر.. وفروا وقتكوا افضل خصوصا انها بعيده عن باقى المزارات.
- محدش يحجز اى فندق 3 نجوم فى لينكاوى.. مستواه مش هيبقى مناسب لاسره.. الافضل 4 نجوم ويكون له شاطىء مخصوص.. فرق الاسعار مش كبير اطلاقا.. هتلاقوا مطعم الفندق على البحر وفى نحيل جوز الهند هناك.. هتفطر وحواليك طيور بنى صغيره حجما بس صوتها تحفه.. طبعا بالاضافه الى حلم العمر.. السرير الشبك بين نخلتين جوز هند..
- اى سواق تاكسى فى لنكاوى عارف البلد كلها احسن من اى مرشد سياحى.. اتفق مع سواق وخده من اول اليوم لاخره..هو هيحطلك برنامج ممتاز تستفيد فيه بالوقت.. واخر اليوم التكلفه تقريبا من 100 الى 150 رنجت.. فى اى فندق اسألوا على سواق اسمه ابو بدرى .. ده راجل ماليزى متخصص فى العرب.. بيتكلم عربى مكسر وانجليزى كويس..فاهم دماغنا و اسعاره كويسه ويعتبر عمدة السواقين هناك.. لو كان لسه عايش.. انصح بيه بشده.. لو بطل شغل.. كلموا الفندق نفسه.. هما عندهم سواقين وليهم علاقاتهم.. الناس دى مش بتكذب واخلاقياتها ممتازه.
اخر حاجه بقى.. اليوم فى لينكاوى بيبدأ الساعه 6 الصبح وينتهى مع اول خيوط الظلام.. يعنى الجماعه اللى بتحب تنام لحد الظهر.. لو بدأت يومك هناك الساعه 12.. يبقى كده فلت منك نص اليوم.. حياة الليل هناك تقريبا صفر.
رحله سعيده ان شاء الله
دى اول مره اشارك معاكم تجربه فى السفر.. ان شاء الله مش هتكون الأخيره..
بعد اذن صديقى بهاء.. نقدر نعتبر الموضوع ده استطراد او استكمال لموضوع كان نزل من الاخت امل العزب.. الموضوع الاساسى عن لينكاوى يخصها.. اللينك بتاعه اهو
/امل العزب
- الطقس فى لينكاوى - و ماليزيا كلها - استوائى.. مطر طول السنه.. رطوبه الى حد ما.. بس درجة الحراره معقوله.. مش هتفسد عليك الجوله.
- حديقة الفواكه فى لينكاوى مينفعش تفوتك لأى سبب.. كبيره جدا وجميله جدا.. لازم تروح وانت جعان بشده.. الفواكه كلها هناك جميله اوى ومغريه اوى.. فواكه يعنى مفيش قلق من الجماعه عاشقى الدايت.. مش هتقدر تمسك نفسك هناك قصاد تنوع الفاكهه.. فى هناك كمان مصورين محترفين صور كوميدى كده وحركات.. اسعارهم رخيصه جدا.
- جزيرة العذراء الحامل.. دى بحيرة ميه عذبه وسط المحيط.. يقال ان العرايس والزوجات راغبى الانجاب كانوا بيروحوا يسبحوا هناك ويقدموا قرايبن علشان يحملوا.. طبعا اسطوره.. لكن من غير الاساطير دى.. السفر ملوش لزوم.. بحيره جميله صالحه للسباحه.. مليانه قرود كتير دمها خفيف.. برضه مينفعش تفوت منك.. منظر لطيف لما تبقى راجل لوحدك بتعوم فى بحيره الستات بتعوم فيها علشان تحمل
- محبى الحيوانات.. حديقة الطيور فى لنكاوى مميزه جدا.. فيها انواع طواويس شديدة الندره.. ده طبعا غير النسر .. الحيوان الرسمى لجزيرة لنكاوى.. تذاكر الدخول رخيصه والتصوير هناك كمان رخيص اوى. بالاضافه الى ان تصيميها استوائى.. يعنى هواة التصوير فى الداخل هيتبسطوا جدا.
- اسألوا على جوله اسمها "Sunset Cruise" بتاعة مرشد سياحى فرنساوى اسمه فريدريك.. هو مشهور اوى لدرجة انكو لو سألتوا عليه بالاسم المفرد كتير او هيدلوكوا.. الراجل ده رهيب.. ظريف جدا وعنده افكار روعه.. من ضمنهم الجاكوزى البلدى.. شبكه حبال بيفردها على اجناب المركب.. وحضرتك تستلقى عليها والمركب ماشيه.. و الموج وحركة الميه تقوم بالواجب.. بتحس ان سرعتك كبيره وانك هتغرق هتغرق.. بس ده وهم.. انت فى امان تام.. برضه تكلفة الرحله دى بسيط اوى.. ومدتها ساعتين.
- ميدان النسر.. حاول تروح فى النص ساعه اللى قبل الغروب.. علشان تلحق الوان النسر نفسه فى الضوء وساعى الغروب وفى الظلام.. ممتاز جدا.. بعد ما تخلص جولتك فى ميدان النسر.. فى مطعم اسماك قريب منه مشهور اوى اسمه فيش ماركت.. احجام الاسماك عنده عملاقه.. انت ومراتك مثلا لو كنتوا وحوش اسطوريه تاكل الاخضر واليابس.. يبقى تطلبوا كابوريايه واحده واتنين جمبرى.. من غير رز ولا شوربه..
- بالنسبه لمقام ماهسورى.. لو مكنتش من هواة التاريخ وليك دماغ انك تقف تتفرج على بيوت تاريخيه وتقرا عن اسطورة اللعنه اللى حطت على البلد دى بسبب قتلهم البنت البريئه ماهسورى.. يبقى وفر وقتك.. الشلالات افضل.. مش كل الناس بتحب الجو بتاع الاساطير ده.
- مزرعة التماسيح مقلب..محدش يروح.. العروض ممله جدا.. اسعار المنتجات الجلديه هناك فى مستوى الملياردير فاحش الثراء.. مش هيسيبوك تتصور مع اى تمساح..العرض مدته 20 دقيقه وممكن يتعمل فى 10 ثوانى لا اكثر.. وفروا وقتكوا افضل خصوصا انها بعيده عن باقى المزارات.
- محدش يحجز اى فندق 3 نجوم فى لينكاوى.. مستواه مش هيبقى مناسب لاسره.. الافضل 4 نجوم ويكون له شاطىء مخصوص.. فرق الاسعار مش كبير اطلاقا.. هتلاقوا مطعم الفندق على البحر وفى نحيل جوز الهند هناك.. هتفطر وحواليك طيور بنى صغيره حجما بس صوتها تحفه.. طبعا بالاضافه الى حلم العمر.. السرير الشبك بين نخلتين جوز هند..
- اى سواق تاكسى فى لنكاوى عارف البلد كلها احسن من اى مرشد سياحى.. اتفق مع سواق وخده من اول اليوم لاخره..هو هيحطلك برنامج ممتاز تستفيد فيه بالوقت.. واخر اليوم التكلفه تقريبا من 100 الى 150 رنجت.. فى اى فندق اسألوا على سواق اسمه ابو بدرى .. ده راجل ماليزى متخصص فى العرب.. بيتكلم عربى مكسر وانجليزى كويس..فاهم دماغنا و اسعاره كويسه ويعتبر عمدة السواقين هناك.. لو كان لسه عايش.. انصح بيه بشده.. لو بطل شغل.. كلموا الفندق نفسه.. هما عندهم سواقين وليهم علاقاتهم.. الناس دى مش بتكذب واخلاقياتها ممتازه.
اخر حاجه بقى.. اليوم فى لينكاوى بيبدأ الساعه 6 الصبح وينتهى مع اول خيوط الظلام.. يعنى الجماعه اللى بتحب تنام لحد الظهر.. لو بدأت يومك هناك الساعه 12.. يبقى كده فلت منك نص اليوم.. حياة الليل هناك تقريبا صفر.
رحله سعيده ان شاء الله
