A
Ashraf Gawdat
:: مسافر ::
من الحركات الظريفة اللي ممكن تستغلها وتقضي يوم أو يومين إضافيين في مدينة مختلفة عن المدينة أو المدن الأصلية اللي انتوا رايحينها وبدون تكلفة إضافية .. هي فكرة الترانزيت الطويل
أول مرة كنت مسافر بره كنت رايح باريس .. وانا بادور على سكاي سكانر لاحظت إن في رحلات بتنزل ترانزيت طويل في روما .. قلت استغل الفرصة دي وممكن انزل اقضي يوم في روما. طبعا كل شركة طيران بتنزل ترانزيت في بلدها .. فمادمت قررت ادور على ترانزيت في روما فسبت سكاي سكانر وركزت على سايت alitalia بحيث ممكن الاقي أوبشنز أحسن .. لقيت رحلة رايحة باريس بتنزل روما لمدة 13 ساعة يبدأوا من 8 الصبح .. وتقريبا نفس الكلام في الراجع .. حجزت في الرحلة دي وفعليا قضيت يومين في روما بدون مصاريف إضافية وبدون حمل هم الشنط اللي هيتنقلوا لوحدهم باعتبار إني في ترانزيت
النقط اللي لازم ناخد بالنا منها:
- الترانزيت يكون في بلد مش محتاجة فيزا مختلفة علشان متضطروش تطلعوا 2 فيزا
- الترانزيت يكون طويل بحيث يكون في وقت كافي تخرج من المطار وتروح البلد تلف وترجع تاني من غير ما تكون مستعجل
- الترانزيت يبدأ الصبح وياخد النهار كله .. مش هتعمل حاجة بترانزيت بالليل
- يكون معاك هاند باج فيها حاجات أساسية ممكن تحتاجها خلال اليوم علشان شنط السفر في الطيارة
- أحيانا بيكون في ترانزيت يوصل لـ 24 ساعة .. ده معناه بيات طبعا بس من غير شنط .. ساعتها لازم الهاند باج يكون فيها ما يكفيك لبيات ليلة
- معندكش نقطة ارتكاز .. مفيش مكان تريح فيه ولا تاخد دش .. لو بتتعب بسرعة ولازم تريح يبقى بلاش .. أو طبعا تحجز ليلة ومتستغلهاش بالكامل ودي تكلفة إضافية
- زي ما قلنا فكل شركة طيران بتنزل ترانزيت في بلدها .. لو قررت تعمل الفكرة دي يبقى افتح سايت الشركة اللي بتفكر تنزل ترانزيت في بلدها وركز في التدوير فيها أحسن .. من ناحية هتبعد عن التشتت برحلات تانية ملهاش لازمة .. ومن ناحية تانية ممكن تلاقي بدايل أكتر وأحسن
الفكرة تستحق التجربة
أول مرة كنت مسافر بره كنت رايح باريس .. وانا بادور على سكاي سكانر لاحظت إن في رحلات بتنزل ترانزيت طويل في روما .. قلت استغل الفرصة دي وممكن انزل اقضي يوم في روما. طبعا كل شركة طيران بتنزل ترانزيت في بلدها .. فمادمت قررت ادور على ترانزيت في روما فسبت سكاي سكانر وركزت على سايت alitalia بحيث ممكن الاقي أوبشنز أحسن .. لقيت رحلة رايحة باريس بتنزل روما لمدة 13 ساعة يبدأوا من 8 الصبح .. وتقريبا نفس الكلام في الراجع .. حجزت في الرحلة دي وفعليا قضيت يومين في روما بدون مصاريف إضافية وبدون حمل هم الشنط اللي هيتنقلوا لوحدهم باعتبار إني في ترانزيت
النقط اللي لازم ناخد بالنا منها:
- الترانزيت يكون في بلد مش محتاجة فيزا مختلفة علشان متضطروش تطلعوا 2 فيزا
- الترانزيت يكون طويل بحيث يكون في وقت كافي تخرج من المطار وتروح البلد تلف وترجع تاني من غير ما تكون مستعجل
- الترانزيت يبدأ الصبح وياخد النهار كله .. مش هتعمل حاجة بترانزيت بالليل
- يكون معاك هاند باج فيها حاجات أساسية ممكن تحتاجها خلال اليوم علشان شنط السفر في الطيارة
- أحيانا بيكون في ترانزيت يوصل لـ 24 ساعة .. ده معناه بيات طبعا بس من غير شنط .. ساعتها لازم الهاند باج يكون فيها ما يكفيك لبيات ليلة
- معندكش نقطة ارتكاز .. مفيش مكان تريح فيه ولا تاخد دش .. لو بتتعب بسرعة ولازم تريح يبقى بلاش .. أو طبعا تحجز ليلة ومتستغلهاش بالكامل ودي تكلفة إضافية
- زي ما قلنا فكل شركة طيران بتنزل ترانزيت في بلدها .. لو قررت تعمل الفكرة دي يبقى افتح سايت الشركة اللي بتفكر تنزل ترانزيت في بلدها وركز في التدوير فيها أحسن .. من ناحية هتبعد عن التشتت برحلات تانية ملهاش لازمة .. ومن ناحية تانية ممكن تلاقي بدايل أكتر وأحسن
الفكرة تستحق التجربة