O
Our Way
:: مسافر ::
انا راى مخالف انا افضل النزول فى السلطان احمد تقسيم غالية جدا فى كلو وتعتبر للسهر اكتر شى سلطان احمد فيها حاجات روعة وقريبة من مكان ركوب المراكب و يوجد كلةيوم سوق فى مكان معين سهل البحث عنة وممكن ابعت لك بالاضافة الى كاداكوى بالمركب سوق بعيد تركب المركب تقضى يوم هناك جملي وتيتمتع بالسوق فى محلات كتير حلوة مرة زى قطون اسعارة حلوة وطبعا السى وكيكى وارقاهم c&a تبحث بالنترنت عن الاماكن والخرايط مش بتعرف تشترى خطوفون من هناك شغل التجوال انا اجرت روتر نت ٣ g قبل ما اوصل وصل على الفندف حتى استطيع التواصل بالاهل وممكن تشغيل باقة نت تجوال اسهل واقل تكلفة واى خدمة تحت امرك الكلام كتير التعليق مش يكفى بصراحة ولا تنسى تجربة مطعم ااسلطان احمد الاصلى روعة الطعم والسعر وكذلك الحمام التركى ان امكن الوقت
S
Sarah Ezzat
:: مسافر ::
خلي بالك من النصب هناك. في منهم كتير محترفين. ممكن تديهم فلوس و فجأه يقولك لا انتي ادتيني ٢٠ مقطوعة غيرهالي و هي اصلا مش بتاعتك. هو بدلها و دبسك فيها. و ممكن تديله ٥٠ يقولك لا انتي ادتيني ٢٠ بس و كمان لو هتشتري بالكريدت كارد و قالك اترفض. اتاكدي ان الريسيت اللي معاه مرفوض علشان الحركة دي بتتعمل هناك في كذا مكان و انا شخصيا اتنصب عليا مع سواق اوبر للاسف. خلي بالك من حته النصب دي لانها منتشرة هناك
M
Mado Mohamed
:: مسافر ::
بصي خدى معاكى شنطه كروس.والبسيها على طول لو خايفه من السرقه هتاخدى دولار معاكى وفكه ليرة عشان هاتحاجيهم فى المطار عشان التاكسى انا بفضل التاكسي لو عدد كبير لانه أوفر فى الوقت و الفلوس احيانا من اجمل المحلات المميزة هناك إلى أعرفها kotton وفى مجموعه مركات بتركبى.من تقسيم ميكروباص من أمام الفندق إلى فى تقسيم بياخدك إلى فيالاند ببلاش وهناك فى مجموعه محلات كتيرة
A
Ahmad Gad
:: مسافر ::
صلي عالنبي . انا رحت مرتين سياحه .. المواصلات هناك مافيش اسهل منها . المترو والترام والاوتوبيس نضاف جدا و كلهم بكارت سهل تشحنيه .. السرقه مافيهاش مشكله بس ابعدي عن العرب اللي هناك . هيفضلوا لازقيين فيكم زي مصر بالظبط . ماتشتريش اي حاجه من تقسيم وكظه علشان اسعارهم مضاعفه ولا تشتري من الجراند بازار .. لو عاوزين هدوم روحي LCWIKIKI هناك منتشر جدا علشان هو الاصل و سعرهم مناسب جدا .. ماتطلعيش رحلات سياحيه . كل الخواجات بيجيبوا الخريطه و يتصرفوا و الموضوع سهل جدا لو عملتي حبه سيرش قبل ماتسفري .. مكاتب السياحه شغاله عالعرب والخلايجه و هتكرهي نفسك لو رحتي . انا جربتها مره و كان كل هم الللي معايا انهم يسوا شوبنج فالمول .. مع اننا رايحين مناطق رهيبه . و اخرونا علشان يكملوا شوبنج و كانت زي الزفت بصراحه .. كل حاجه هناك سهله جدا و الشرطه متعاونه جدا و اغلبيه المزارات ليها مواصلات عامله كتير والموضوع مش صعب ..و نصيحه لازم تروحي حته اسمها اورتاكوي اغلبيه الناس بتسقطها لكن انا ركبت اوتوبيس عام من تقسيم نص ساعه و كنت هناك . الحته دي جميله جدا و رحوها من العصر لبليل علشان تشوفيها و تتمشوا فيها ..ايام مارحت تقرييا ليكي فالبنك انك تحولي ٣ الاف دولار لو معاكي الفيزيا وةتذكره الطياره دلوقتي مش عا ف تلليمت كام..و خدي معاكي دولارات و حوليها هناك و ماتحولبش من اول محل تقابليه علشان هتلاقي كل محل مختلف . ابقي نقي اعلي محل و بدلي منه . برينسس ايلاند ماتحجزيش رحله علشان مكاتب ااسياحه النصابه بتعملها ب٧٠ دولار للفرد من غير الغدا و انا عملتها مع نفسي انا و مراتي بالغدا ب ٣٠ دولار .. بتركبي الترام و بعدين محطتين مترو بالعدد و بعدين عباره تحفه اساسا لوحدها كانها فسحه ب ٢ ونص ليره هدوديكي هنا .. و انزلي في اخر جزيره اللي اسمها بيوك اضا علشان في كذا جزيره و دي احلاهم و فاصلي مع بتاع الحنطور لو حابين تركبوه و مواعيد العباره مكتوبه في ورقه اول ماتنزلي المحطه صوريها و وقت ماتحبوا تمشوا ابقوا روحوا استنوها .. استمتعوا و ماتفكروش كتير والبلد بتصحي بدري فانتوا كمان ماتأخروش فتلنزول و فككوا من الفندق و خلوه للنوم بس . اابلد ممتعه جدا . ولو حابين مكتب سياحه يبقي تروحوا بورصه فقط علشان متعبه مواصلاتها شويه .. يقولكم رحله شلالات سابونجا و اي هري وهيوريكم صور فوتوشوب حلوه لمكان تاني اساسا ماتوافقوش و فاصلوا مع المكاتب . و سيبوها علي الله وانبسطوا واي سؤال انا فالخدمه
E
Elias Nour El-din
:: مسافر ::
سلام عليكم جميعا . لو سمحت . انا حابب اسافر رحله استجمام في الفترة من نوفمبر وديسمبر ازور فيها " تركيا / جورجيا / ارمنيا " ومعايا تقريبا 25.000 الف . لو سمحتم ممكن تفيدوني بمقترحاتكم عن خطوات التأشيرات معا وكل حد يقول خبرته في عمل برنامج رحلة . وشكرا كتيرا لحضراتكم والأدمنز المحترمين