السلام عليكم انا مسفره تركيا ان شاء الله اظنا...

[Nadeen Almenofy]

السلام عليكم
انا مسفره تركيا ان شاء الله اظنا
خيفه جدا من كم موضوع وعندي استفسارات؟
اول حاجه خيفه من موضوع السرقه دا جدا ازي احمي نفسي منه؟
اخد معايا انهي عمله واحول الفلوس ازي ؟
اه اهم الحاجات اللي تنصحوني بيها
هو فعلا في محلات حلوا هناك واه هي الاسعار و اه اللي ممكن ألاقيه مش موجود في مصر؟
وأي نصيحه هكون شاكره لصاحبها جدا

 

[Mohammed Gamal]

F

 

[Doaa Orabi]

Mona Mohamed

 

[Yehya Ali]

اولا العملة الى تكون معاكى دولار/ثانيا يفضل يكون الاوتيل فى منطقة السلطان احمد

 

[Marina Attia]

التاكسات هناك حراميه ونصابين استعملى اوبر افضل وارخص ولو معاكى شنطه على ضهرك خليها من قدام عشان بيقطعوها ويسرقوا

 

[Mona Ismeill]

المواصلات العامه سواء مترو او باص امان جدا حتى فى الزحمه ودايما خلى معاكى الحزام السرى حطى فيه فلوسك والباسبور للامان وخلى بره فى شنطتك فلوس قليله وأى حاجه بقى مناديل او ميه

 

[Alex Cat]

ع فكرة السرقه موجودة فى كل مكان حتى فى جو بلدنا بس الحرص واجب انا رحت والحمدلله ماحصلش سرقه

 

[Amr S-ElDin]

اولا العملة هناك الليرة التركية و الاحسن تغيري من هنا من صرافة او بنك ، ثانيا احسن مكان ال shopping شارع الاستقلال ميدان تقسيم فية كل ال brands ثالثا لما يجي حد يتكلم معاكي ف الشارع مترديش علية و امشي و المواصلات اركبي تاكسي بعداد احسن حاجة عشان ميتضحكش عليكي لان مش هتعرفي تتفقي معاة عشان مبيتكلموش عربي ولا انجلش

 

[Rana Tarek]

ماتركبيش تاكسى أبدا نصابين و بيدوكى فلوس مزورة .. خلى بالك من السرقة جدا جدا .. تمشى بفلوس قليلة فى الشنطة و خليكى فى الكريدت كارد أحسن .. و لو معاكى كاش تخبيه بأى طريقة فى هدومك مش فى شنطتك خالص .. الباسبور سيبيه فى الأوتيل أصلاً ..

 

[Fares Ph]

بلد حراميه ليه تروحيها اصلا ؟؟ اكيد في بلاد تانيه محترمه وجميله وممتعه !!!

 

[Noha Mohsen Yamany]

ممكن اعرف تكاليف السفر كام لتركيا؟

 

[Eman Elmatbouly]

حذاري حذاري من التاكسي ، اعملي كارت المواصلات و اشحنيه ، و الفلوس غيري من هناك عادي . و ان شاء الله تتبسطي

 

[Ahmed Yusif]

محلات LC Waikiki من ارخص محلات الملابس والجودة ممتازة وهتلاقيها في كل مكان هناك.

 

[Salma Zain]

انا سافرت 3 مرات و مافيش سرقه الحمدلله .
بلاش تاكسي
اصلا مش حتحتاجي تاكسي . شبكة المترو و الترام و العبارات مغطية كل الاماكن اللي حتحتاجيها في اسطنبول . بتعملي كارت مواصلات اول ما تروحي و تشحنيه كل ما تحتاجي . لو ماعرفتيش ، روحي المترو و اطلبي من بتاع الامن يساعدك تطلعي "اسطنبوا كارد" .
خدي دولارات مش مصري خالص . و هناك حتلاقي محلات في الشارع اسمها doviz . حتشوفي معدل التحويل مكتوب علي يافطه قدام المحل . تديله الدولارات تاخدي ليرات و الايصال . مش حتحتاجي تتكلمي معاه اصلا . بس طبعا مش حتغيري كل فلوسك مره واحده .
يستحسن تسافري ب ليرات coins عشان حتجتاجيها للعربية التروللي في المطار ..
ياريت الفندق يكون في منطقة الفاتح و انأكدي 100% انه قريب من المترو .

لما حد يكلمك في الشارع سيبيه و امشي . خاصه لو عربي .

المحلات طبعا لازم تدخلي lcwaikiki عشان مالوش علاقه باللي في مصر . و لفي في شارع استقلال و عثمان باي و forum mall و chevaher mall و ممكن محمود باشا للرفايع و grand bazar للسياحه و egyptian bazar للتوابل .

بس كده

 

[Osama AL-Hendawy]

ما شاء الله شايف بعض التعليقات محبطه جدا مش عارف هل لان الناس مرحتش غير مره مثلا ؟!! او بتسمع و بتنقل كلام الناس !!؟؟ فقط دون تجربة

سيدتي الفاضلة تركيا بلد جميل جدا جدا جدا من اعلى دول العالم في مجال السياحة ... الامان واجب في كل مكان خارج بلدك شخصيا كنت هتسرق في النمسا !!!
اياك و ركوب التاكسي بعيد عن النصب هو اصلا غالي جدا المواصلات العامة هناك كويسة جدا و بتغطي كل البلد و خط الترام هناك بيغطي كافة المناطق السياحية و طبعا ارخص كتييييير من التاكسي
يفضل الاقامة يا في تقسيم يا السلطان احمد للقرب من المناطق السياحية
اول ما توصلوا اسطنبول اشتري istanbul kart ده خاص بالمواصلات علشان لو هتدفعي كل مواصله منفرده هتدفعي الضعف غير ان الباصات لازم تركبيها بالكارت ده
في اماكن شراء لبس كتيرة جداااا و رخيصة خاصة لو منتجات تركي زي منطقة بيشكتاش مثلا
تركيا بلد رائع لو ظبطي الرحلة كويس هتدمني البلد
انا سافرت تركيا ٥ مرات و كل مره بكتشف جديد ؛؛؛
نصيحة لازم تاخدي برنامج hop on hop off ده مركب بيتاخد من محطة كاباتاش على البوسفور بيودي مناطق سياحية كتييير و رخيص التذكرة ب ١٢ ليرة ليه اتجاهين كل يوم خدي اتجاه هتعجبكوا جداااا
نصيحة متاخديش فلوس مصري دولارات فقط ؛؛؛
و حولي الفلوس بعيد عن المطااااار غالي جدا و كمان بعيد عن تقسيم لو عرفتي
الاكل ... حاولوا تجربوا المطاعم الشعبية اجمل و احلا و ارخص

 

[Ahmed Yusif]

الفلوس بلاش تحويلها في المطار حولي بس حاجة بسيطة يعني مثلا ٢٠ دولار ولما تدخلي البلد حولي من جوه البلد الأسعار كويسة عند محطة تمام يوسف باشا وكمان هتلاقي مطاعم سورية وسعرها نصف اسعار المطاعم في منطقة سلطان احمد رغم أنها تبعد حوالي أربعة محطات فقط.

 

[عبدالله محمد]

مفيش سرقه اطمني
محلات كتيره جميله جدا

 

[Mohammed Abd Elkader]

ياربي
حتى في الصورة دي مصر في ديل العالم!

 

[Hoda Sabrouty]

Momen Magdy

 

[Ahmed Yusif]

ان شاء الله لما تنزلي بالسلامة وتخلصي الإجراءات تسألي عن المترو والوصول له سهل جدا جدا هتلاقي ماكينة هتحطي فيها حوالي ١٠ ليرة فهينزلك كارت مواصلات اسطنبول هتشحني الكارت بأي مبلغ تحطيه ودا تقدري تركبي به كل المواصلات حتي التليفريك الى في منطقة السلطان أيوب والسفن الي بين الجزء الأوروبي والآسيوي.