صباح الخير ياريت اي حد راح باريس قريب يقول بس...

[Kenz A-Soliman]

صباح الخير
ياريت اي حد راح باريس قريب يقول بس التكلفة لليوم الواحد فالمتوسط قد ايه (الاوتيل والاكل والمواصلات وكل حاجة) وياريت لو حد راح تحديدا ديزني لاند باريس يقول المصاريف ليها بالتحديد للزيارة دي 300 يورو يكفوا ولا لا
احنا اسرة زوج وزوجة وطفل 5 سنين وهنقعد هناك اسبوع فعاوزة اعرف هنحتاج كام تقريبا للاسبوع دة للاوتيل والاكل والانتقالات والمزارات
شكرا جدا

 

[Bahaa Aldeen Farouk]

هو للاسف مافيش قاعده ثابته و بتختلف من فرد للتاني , لكن ممكن نقول تقريبا للفرد 50 يورو الى 100 يورو

 

[Dalia Madbouly]

اهم حاجه هناك السرقه كتير اوي ربنا يحفظكم

 

[Samah Hegazy]

مش اقل من 20 الف فيما اكتر يا كوكى فرنسا غالية جدا والاكل فيها غالى ومش رخيص خالص واسبوع كتير على باريس نصيحة روحى برشلونه معاها ح تتبسطى اكتر وتقريبا خ تبقى نفس التكلفة قضى 4 ايام فى باريس والباقى برشلونة

 

[Noha Said Moawed]

انتي مسافرة امتي علي حسب الوقت بتتحدد الاسعار

 

[Ahmad Abdelwanis]

باريس غالية جدا ، المصاريف بتختلف لكن عموما هي غالية ، سندوتش شاورما هناك ب٧ ونص يورو

 

[H Abou Elmal]

الاوتيل الحجرة ب 50 يورو حضرتك
تلت نجوم

 

[Bahaa Aldeen Farouk]

Kenz A-Soliman بس أتمنى من حضرتك علشان تحققوا الاستفاده القصوى من الأجازة دي انها تكون منظمه جدا و عارفين حتعملوا ايه بالظبط كل يوم و تكون رحلاتكم السياحيه محجوزه بالكامل مسبقا علشان هناك متتعطلوش في أي مكان

 

[Kenz A-Soliman]

تمام ماهو عشان كدة بنرتب من دلوقتي احنا لسة ان شاء الله في ديسمبر السفر

 

[Amr Kamal]

Try to go to rome or barcelona as well. A week in paris is too much.maybe 4 days in paris and 3 in Barcelona. The additional costs are not much

 

[Zeyad Helaly]

انا كمان رايح باريس يومين ومش عارف هاعمل ايه؟

 

[Hager Aladham]

ادخلى على فيديو هزها وسافر لباريس هتستفادى اكتر

 

[Sana Olan Aşkim]

للفرد من 50ل100يورو

 

[Kenz A-Soliman]

شكرا جدا على كل اقتراحاتكم ونصايحكم

 

[Mohamed Amin]

باريس متقسمة الي مناطق.. فيه تذاكر اسبوعية موفرة جدا جدا ممكن تخليكي تركبي اي مواصلة في كل المناطق.
اشترى التذكرة ديه من مطار شارل ديجول من مكتب tourist information.

 

[Mahmoud Alsawy]

DiNa Orz

 

[Ahmed Nazeih]

أحسن حاجه تعملوها لو ناويين تروحوا ديزني لاند تاخدوا فندق قريب من هناك احنا كنا قاعدين في holiday in marne la vallet قدامه علطول محطه المترو وده قريب جدا من ديزني ٤ محطات بس وتنزلوا قدام بوابة ديزني ونضيف جدا وسعره معقول ١٣٠ يورو تقريبا باليوم ، وخلي بالكوا ديزني بتكون زحمه موت في الصيف وكل لعبه بتقفوا قدامها مش اقل من نصف ساعه وبتوصل لساعه او اكتر في بعض الالعاب ولو عايزين بقه تقابلوا ميكي وتتصورا اعملوا حسابكو في ٣ او ٤ ساعات لوحدهم .
عشان كده لازم تاخدوا تذكره ال ٣ ايام بتكون مفتوحه للحديقتين والميزه فيها انكوا مش لازم تروحوا ال٣ ايام ورا بعض ممكن تقسموا الايام لانها هتبقي مرهقه لو ٣ ايام ورا بعض ، بس لازم تاخدوا تذكره ال ٣ ايام لان ديزني كبيره جدا وتستاهل بصراحه وهيا احلى ما في باريس وسعر التذكره ليكوا انتو ال٣ بتكون تقريبا ٥٠٠ يورو لل ٣ ايام يعني موفره جدا بس مش تشتروها من ديزني نفسها لانها بتكون اغلي من كده ، تشتروها من محلات الكترونيات مشهورة جدا اسمها fnac هتلاقوا فرع في ال champs elysees في نصف الشارع تقريبا قبل توكيل اديداس وفيه فرع تاني في المول اللي جنب الهوليداى ان لو سكنتو فيه .
اتمني اكون افدتك واي استفسار تاني انا موجود

 

[Moe Yassin]

Amira Elshorbagy

 

[Mostafa Abbas]

Heba

 

[Sherif Khalifa]

اوعي تفوتي زيارة ديزني لانها ممتعة وهتفضلي تفتكريها دايما وتدخلي منطقة الالعاب والاستوديوهات وتحضري الحفلة اليومية لشخصيات ديزني بيعملوا شو جامد واكيد لازم تطلعي برج ايفل والمتحف عشان تشوفوا الموناليزا