سلام عليكم .. انا شنطتي ضاعت في رحلة (طيران...

[Mohammad Salah Mady]

سلام عليكم .. انا شنطتي ضاعت في رحلة (طيران السعودية ) ... كانت .. دبي > ترانزيت الرياض > القاهرة .. مع العلم اني جي بشنطتين .. و احدة وصلت .. و واحدة مجتش .. على الرحلة اللي وصلت امبارح الساعة 12 بليل .. و قالولي تعالى الصبح في رحلة جية من الرياض هتيجي معاها غالبا .. بس رحت و مجتش برضو .. و قالولي في رحلتين جايين من الرياض الساعة 6 و الساعة 11 .. لو عايز تيجي تشوفهم تعالى .. حد عنده خبرة في الموضوع ده !؟
شكراااااا ((الصورة للشنط التايهة )).. حقيبة مفقودة .. شنطة ضايعة .. أمتعة baggage ..

 

[OmNìa Mamdoh]

الشنط ف مطار القاهرة بتاخد حوالي ٣ او ٤ ايام على ما تبدأ تسال وتروح هناك عشان تكون اكيد جت ما تقلقش ان شاء الله هتستلمها

 

[Æhməđ Fæýəđ]

انا كمان ضاعت شنطتي علي نفس الخطوط جدة >> روما .. روما >> برلين

ووصلت بعد 5 ايام لبرلين

 

[Rose M. Kamal]

حصلت معايا ان لما وصلت مطار القاهرة اتفاجئ ان شنطتي مش موجودة...
بلغت ف الاستعلامات وسبت رقمي وبعد ايام الشنطة وصلتني لمكان اقامتي

 

[Nivoo Saber]

متقلقش انا حصل معايا نفس الموضوع ورحت اخدتها . اتبعتت علي الرحله اللي بعدها
بس ابعت للشركه اللي جاي عليها اتاكد الاول انها اتبعتت .

 

[Ahmed Abdelhalim Ibrahim]

ابقى اسال عن التعويض عن كل يوم مبلغ ...متسيبهوش تبرع بيه

 

[Naaomy Hashim]

اعمل محضر وروح تابع وبترحع متقلقش بس ممكن تاخد يومين تلاته

 

[Mohammed Gamal]

قدم طلب بيعطوك شيك بدل فقدان الشنطة ب ٣٠٠ دولار تقريبا علي الخطوط السعودية

 

[Walaa Haiba]

لازم تعمل محضر وتحتفظ بيه وتقدم بيه شكوى على الموقع وهتاخد بدل على حسب الحاجة اللى كانت فيها

 

[Jibreel EL Sheriff]

 

[Nancy Magdy]

متقلقش، والدتي حصلت معاها مرة وهي راجعة من امريكا، كانوا شنطتين وقدمنا شكوى هناك، وبعد يومين واحدة جات وبعد ٣ ايام التانية كانت وصلت وكلمونا ورحنا استلمناهم، كانوا ساعتها ركبوا طيارات غلط

 

[Mohammed Abdulmoneim Ma'amon]

Amin Elhemely

 

[Shady Galal]

انت لية بتروح انا حصلت معي وبعتوهلي علي البيت لما جت انت بتعمل إقرار انها مفهاش حاجة غلط ولا حاجة عليها جمرك وبتمشي

 

[Mona Saad Elhawary]

ان شاء الله تلاقيها

 

[Mariam Hossam]

اهم حاجه تعمل محضر و تبلغ عن بيانتها او اي حاجه مميزه فيها و هما هيكلموك

 

[Mohammad Salah Mady]

شكرا للجميع .. هروح انهردة باذن الله .. و لو موصلتش .. هملى الفورم بتاعت التوصيل لما تيجي بقى !!

 

[Princess Noor]

انا شنطتى ضاعت بردو على الخطوط السعودية وبتاخد فعﻻ من 3 الى 4 ايام وفى رقم لﻻستعﻻمات كنت بتصل علية كل يوم عشان اشوفها وصلت وﻻ ﻻ والحمد لله فعﻻ بعد 4 ايام وصلت وفيها شقى عمرى من الشوبنج واستلمتها فمتقلقش بس تابع ومتسكتش ﻻن حصلت مع خالى بس على مصر للطيران وسال مرة وبعد كدا كبر دماغة بقى يأس منهم فمتسكتش وان شاء الله تﻻقيها

 

[Amr Awad]

حصل مع اخويا كده في اخر رمضان وراح تاني يوم لقي شنتطه كلها لان كانت موصلش منها ولا شنطه وقت ما نزل

 

[Ahmed Gamil]

Amal Sabry Hegazy

 

[Areej Obeid]

روح الصالة اللي نزلت فيها و الاغلب بتكون صالة ٣...و اعمل محضر بياخد 45 دقيقة حتى يعملولك تصريح دخول المستودع اللي في الشنط الضايعة...و ان شاء الله تلاقيها
ماتستناش خطوط الطيران توصلها البيت...روح المطار احسن