سلام عليكم عندي ونبي كلمه محشوره في زوري...

[Islam KHatab]

مصر جميلة

 

[Мустафа Али]

المشكلة في التنظيم .. هو مش في وزارة للسياحة .. حد يقولي هيه بتعمل ايه؟ ... معلش يا شباب انا مثلا اخدت مراتي واهلي مرة وروحت الهرم لاول مرة في حياتي .. كرهت السياحة واللي عايز ام السياحة .. مش مصدق بجد كمية الالحاح انك تشتري من الناس اللي جوا وكمية النصب والاستغلال من بتوع الكارتة والناس اللي عمالة تقولك هات اصورك وكل سنة وانت طيب .. والاماكن التانية اللي تلاقيه لازقلك عشان يشرحلك الاماكن الاثرية بالعافية ويقولك بعديها كل سنة وانت طيب ... كفاية وانت داخل بالكارته وتلاقي العسكري بيقول لبتاع الكارتة .. خدت منهم كاااااااااام .. اخي بجد كمية القرف واالقذارة .. تحس انك داخل فاكرينك كيس فلوس .. وبعدين تقولي سياحة .. السياحة عايزة تنظيم .. انا مش عارف الحكومة مش مهتمة خالص بالسياحة وسايباها في ايد شوية غوغائية يطفشوا الناس ... الناس اللي بتروح سياحة عايزين راحة نفسية ورقي .. عايزين يحسوا انهم في امان .. مش كد جاي يدفع فلوس عشان يتضايق ويمشي

 

[Gehad Galal Ahmed]

يعني هو عشان بنحب البلد نبقي ناس عديمه الامانه .. حطوا نفسكوا مكان السايح اللي جي مصر وممكن يفقد حياته او لو ست تتعرض لتحرش ولازفت بلاش تافوروا ف التشاؤم بس بلاش تدوا الناس صوره وهميه دي كفايه حادثه الغردقة النهاردا ... ربنا يصلح الحال يا رب

 

[Walid Mekky]

مليون لايك

 

[Akram Shama]

والله كلامك صح 100/100
أنا بتخيل نقسي لو أنا سائح من بلد تانيه وزرت مصر ، والله بكل البلاوي اللي فيها دي هتبسط فشخ وهتبقي تجربه مش هتتنسي ومتأكد إن هيحصل معايا مواقف أغرب من الخيال ومش هتتكرر تاني في حياتي ، التعامل بس مع المصريين ده يعتبر سياحه والمشي في شوارع مصر سياحه والقعده علي قهوه بلدي سياحه ومش متخيل لو أنا أجنبي وزرت الأهرامات هحس بإيه ، وأتصور في أقدم مكان علي وجه الأرض ، السياحه مش بس ترفيهيه زي ما معظم الناس فاكرين ، وحتي لو ترفيهيه عندك في بلدك أجمل أماكن في العالم ، والله أنا أول مره رحت فيها شرم اتخضيت من جمال البلد وتخطيطها العمراني وتنطيمها ، وزرت بلاد في أوروبا مش بجمال شرم وباقي مصر ، متبصوش للزحمه والعشوائيات ، دي في حد ذاتها سياحه ولازم السايح يشوفها ، يمكن دي أكتر حاجه تجذبه للبلد ، ياريت تفهموا السياحه صح بعد إذنكم

 

[DrRanda Mahmoud]

مصر حلوة كسياحة فعلا هو اللي هيروح الغردقة و لا شرم هيشوف ايه وحش و الشحاتة و السرقة فكل حتي باريس فيها شحاتين كنت قريب في الغردقة قابلت المان و اكلمت معاهم بقولها المرة الجاية تعالي القاهرة قالتلي ابدا دا الدنيا هناك بايظة خالص حسستني ان بنقتل بعض في الشارع زعلت اوي

 

[Brains Damage]

بقينا عاملين زى الارهابيين الى يخالفنا نشتمه و نقول عليه مش وطنى .. فكر ارهاب المخالف موجود فى عقولنا.

 

[Marwa Roushdy]

شابوه ليكى ولكلامك الصادق فعلا احنا احسن ناس تطفش السياح والسياحه
مصر بلد جميله جدا واجمل من بلاد تانيه كتير بس للاسف طريقه البعض فى الكلام عنها بتصدر صوره سلبيه بتكره الناس فيها
فى بلاد اقل من مصر كتير فى مقوماتها السياحيه والسياحه فيها تفوق مصر كتير ودى حقيقه مش فتى
وعلى ذكر تايلاند انتى ليكى حق كمان الناس طالعه السما بشواطىء تايلاند فى حين ان مصر اقسم بالله شواطيءها اجمل بكتير وفيها تنوع

 

[Heba Khaled]

هما مش عارفين يفهموا ان مصر كسياحة عابرة غير مصر اللي هما عايشين فيها و بيشتغلوا فيها ، لو معاك فلوس و جاي سياحة هتتبسط جداً و هتروح اماكن تحفة ، انما العيشة و الفلوس و الاسعار دي قصة تانية احنا بندخل الاتنين في بعض ! يعني السياح مالهم و مال السياسة و القوانين و اللي حاصل !!
دي حاجة و دي حاجة تانية خالص .

 

[Sara Ahmed]

شعب غريب والله العظيم عندنا مرض نفسي مش طبيعي انا روحت بلاد كتير منهم لبنان بلد رائعه ظروفها زي ظروفنا والعن الاقتصاد في الارض الكهرباء دايما قاطعه ومفيش فلوس وغاليه جدااااا الشعب اللبناني يضرب المثل في حب بلده بيحبوها بشكل غير طبيعي بيشتمو فيها وبيلعنو علي الاوضاع لكن جرب تغلط فيها بس حتتاكل وانت واقف

 

[Mohamed Hikal]

عمر ربنا ما هيكرمنا لان احنا اصلنا مش بنتكلم علي بلدنا كويس مش عارف ليه

 

[Nermo Bela Nermo Bela]

للاسف بقا فيه مصريين بيكرهوا البلد وبيتمنوا ليها الخراب لمجرد كرههم للنظام دول وصلوا لمرحله المرض النفسي بجد ربنا يشفيهم من كميه الغل والحقد اتجاه مصر

 

[Rehab Abdel Rahman Mohamed]

الله ينور عليك كلام عشرة على عشرة انا مشفتش حد بيشتم فى بلده ويسخر منها زى بعض المصريين مش هقول المصريين واعمم لأن فى كتير بيحبوا بلدهم زى حضرتك

 

[Mohamed El Shenawy]

ما ترحمونا بقى من درس الوطنية اللي كل يوم والتاني تنزلوا بيه على نفوخنا !!!!!

محدش قال حاجه تستاهل كل ده ، ده جروب تبادل خبرات سفر مش الصفحة الرسمية لوزارة السياحة وكل واحد حر يقول اللي شايفه وحاسه وكل واحد بالمقابل له يمدح وينزل صور جميلة عن البلد والسائح عموما مش حد اهبل بينضحك عليه ....

فيه سلبيات ، ايوه في سلبيات وخطيرة كمان ، مشكلة المرور ، العشوائية في الشارع ، النصابين ، عندك مثلا شارع مهيأ للمشي الادمي او لمشي ذوي الاحتياجات الخاصة ، عندك مواصلة عامة ممكن السائح او السائحة تركبها ولا حيتزف ويضطر يركب تاكسي يوصله في مشوار ثمنه عشرة جنيه بعشرة دولار تحت سمع وبصر شرطة السياحة ...

قرأتم تعليقات كبار الرحالة عن زياراتهم للهرم ...اكبر كارثة ممكن يواجهها سائح ....وليه سايبين بلطجية نزلة السمان بيبتزوا السياح لغاية الان ؟!!!!

قرأتم كتب الرحلات والارشادات السياحية عن مصر وكاتبين علينا ايه ...

السياحة في شرم والغردقة والاقصر واسوان ليه تدهورت ، يا ترى علشان عيل خيبان كتب كلمتين وحشين عن مصر ...

هو ايه اهم مناقشة بتتم على الجروب ده ، مش موضوع تصريح السفر والتعنت اللي بتشوفوه في السفر ،،،، منتظرين ايه من دول مثلا ، انهم يتغنوا بالامن والامان والحلاوة .

تعرف تكون مش مصري وتخطط للسفر لمصر مستخدما مثلا مصادر حكومية على الانترنت او معلومات موثوقة ....لو جاوبت بنعم يبقى احنا بخير وزي الفل ....غير كده بلاش تصدعونا بدروس الوطنية ...


السياحة علم وفن وبيزنس كبير ولو مش قده نقول مش قده وناويين نعمل حاجه بس محدش بيعترف اننا ناقصنا كثير وبرضه محدش بيعترف اننا فشلنا حتى الان في عوده ارقام السياحة فقط لأرقام 2010.

 

[Abdo Ismail]

بشروا ولا تنفروا ..
الواحد اللى بيحب بلده المفروض انه دائما وأبدا يستبشر ويبشر بالخير اللى فيها
ولا يحق له أن ينفر ويفزع الناس سائح او غير سائح ..
بس فى ناس كارهه لنفسها ولبلدها ودول ناس اعوذ بالله الواحد لو قابلهم يقلعهم ملط ويضربهم على عيونهم العمياء عن الخير وحب الوطن

 

[Gannat Gana]

حضرتك عندك رئيس في كل خطاب ليه يقول أنا عندي إرهاب
أنا بحارب الإرهاب يعني بيقول مش عاوز سياحه!!!!

 

[Hassan EL-Banna Mahmoud]

أول صورة في البوست مش من مصر خالص، من امريكا.
--------------------
غالبا السياح مش بيقرروا يزوروا البلد (أي بلد) وهموا واخدين قرارهم من جروبات و مناقشات علي الفيسبوك. بيسألوا أصحابهم أو جيرانهم أو معارفهم الأول عن تجاربهم مع البلدان اللي زاروها. ثانيا بيرجعوا للنصائح بتاعت وزارة الخارجية للبلد بتاعتهم. اعتقد هي دي الأساس في سفر السياح مش حوارات الفيسبوك.

 

[Madeed Lutfi]

ف مرة كنت ف استطلاع رئ عن اى البلاد العربية تتمنى تعيش فيها وتحب شعبها ، 35واحد مصرى صوتوا بلاد تانية الناس فضلت تتمسخر ع المصرين وع عدم انتمائهم لبلدهم تخيلوا الموقف الواحد كان قاعد مش مصدق ان دول مصرين

 

[Mahmoud Hashim]

الرد ناجم عن مشاكل سياسيه واقتصاديه في البلد والناس كلها نفسها تهاجر وتسيب البلد

 

[Mohamed Hatem]

عالم تعبانه و الله
يعني حتى لو البلد فيها مشاكل فالاسلوب نفسه في الرد زباله