لو سمحتوا .. هو لو حد مسافر علي طيران عمان...

[Noran Abozeed]

لو سمحتوا .. هو لو حد مسافر علي طيران عمان وفيه ترانزيت أكتر من 8 ساعات .. فا كده هحتاج تأشيرة ترانزيت .. السؤال بقي .. هو مش مفروض خدمة الترانزيت اللي هي فندق وكده بتبقي علي الطيران ؟
يعني ليه المكتب عايزني أدفع مثلا 1000 زيادة عشان اخد الخدمة .. مع إن المفروض بيقدمها المطار free عند الوصول !؟

 

[Moutaz Mohamed]

هو مش فرض
هو بتختلف حسب الطيران و مده الترانزيت
و الطيران
بس العمانيه كنت واخد ترانزيت ٢٢ ساعه و مخدتش فندق مجانا
الامراتيه ١٢ ساعه و من غير فندق

 

[Hend Salem]

لا مش شرط ... مش كل الطيران بيقدم الخدمة دى ... انا نزلت ترانزيت على الاماراتية و الاتحاد فترات طويلة و ماكانش فيه فندق
و كمان حتى الخطوط اللى بتقدم الخدمة بيكون فى شرط ان مايكونش فيه رحلة تانية الترانزيت بتاعها اقل و انك حجزت على الترانزيت الاطول عشان السعر ارخص

 

[Bazzem Zaki]

لو فى نفس اليوم فيه رحلة نفس الدرجة هتاخد وقت ترانزيت أقل مش بتاخد فندق.

 

[Hazem Badr]

طيب فى الحالة دى ... الفيزا بتبقى متاحة من المطار ولا لأ
Hend Salem
Moutaz Mohamed

 

[Ahmad Kamal]

انا مقيم في مسقط .... احنا المصريين مالناش فيزا on arrival لعمان
لازم تقدمي عليها الاول
لو حابة تتطلعي بره المطار تعملي اي حاجة عرفيني .. انا ممكن اساعدك

 

[Ahmed Habib]

انا مره اتدبست مع طيران الكويت بسبب الموضوع ده، حجزت من Skyscanner ل بانكوك وبعد ماحجزت لاقيت حد بيكلمني بيقولي حتدفع 2000 جنية عشان الترانزيت اكتر من 8 ساعات ولازم تحجز في فندق المطار، ومكنش ينفع الغي الحجز للاسف.