مساء الخير ... انا مسافر ڤيتنام ان شاء الله بس...

[Nady Ahmed]

مساء الخير ...
انا مسافر ڤيتنام ان شاء الله بس قررت اني احجز طيران لماليزيا ومن هناك اخد طياره لڤيتنام من airasia مثلا ولما اخلص مدتي في ڤيتنام ارجع تاني علي ماليزيا اقضي كام يوم وبعدين ارجع مصر ...
السؤال دلوقتي : هل هحتاج اطلع تصريح امني عشان هنزل ماليزيا (مع العلم اني هيبقي معايا ڤيزا ڤيتنام وهي الوجهه الاولي ليا) ولو هحتاج تصريح امني ومكتوبلي طالب في الباسبور اجيب ازاي دعوه عشان التصريح ؟
معلش سؤال تاني ..
لو ليا حد صاحبي من ماليزيا يقدر يبعتلي ال invitation litter عادي وولا لا ولو ينفع شكله يكون عامل ايه يعني ليه نموذج معين ولا بيتكتب ازاي ؟
وشكرا مقدما

 

[Ahmed Abdelaziz]

بص ماليزيا على ما اعتقد ملهاش تصريح لو انتا مش طالب ,, يعنى لو مكتوب مؤهل او وطيفة هتعدى ,,, وبما انك طالب فممكن تروح شركة سياحة تعملك دعوة ,, لونى شايف ان ماليزيا مش بيدققوا فيها اوى

 

[Sherif Sherif Sherif]

ماليزيا بدخل اى حد طالب موظف اى حد بيخش مطار القاهره فقط هو اللى بيعقدها

 

[Farida Hassan]

ليه فيتنام؟ مش برجحها خالص بصراحه وتجربتي فيها مكنتش ممتعه خالص.غير ان البلد حر موت وكميه تلوث مش طبيعيه

 

[Ahmed H. Ebrahim]

طالما وجهتك الأولي فيتنام محدش هيطلب منك تصريح أمني
غير كدا فيتنام بلد روعة جدا جدا جدا جدا مش فاهم اللي بيقولوا عليها وحشة دي راحوا فين بالظبط