معلش يا جماعة ساعدوني لانى متلخبطة شوية .....

  • بادئ الموضوع بادئ الموضوع Diana Fekry
  • تاريخ البدء تاريخ البدء
عرض العطلة
D

Diana Fekry

:: مسافر ::
#1
معلش يا جماعة ساعدوني لانى متلخبطة شوية .. دلوقتي احنا ٣ بنات مسافرين تركيا من ١ الي ٨ سبتمبر ان شاء الله
٢ مننا مكتوب فى الباسبور بتاعهم الوظيفة و واحدة تانية مكتوب خريجة كذا لكن هى فاتحة مشروع خاص ليه بطاقة ضريبية .. فيه شركة سياحة هتطلعنا الفيزا لكن اللى ملخبطنى التصريح الامنى .. ممكن حد يقولي بالتفصيل المطلوب للتصريح الامنى و هل معنى انى اخدته محدش يقدر يوقفني فى المطار و لا بردة ممكن ارجع ؟؟ و اللى مكتوب فى باسبورها خريجة دى تتصرف ازاى ؟
ياريت اللى يقولي اجابة يكون واثق منها لانى هعتمد عليكم
 
#4
حضرتك كلوكو هتعملو تصريح امني و هيطلع عادي لكن صاحبتك الي مكتوب في باسبورها حاصله علي ممكن تجرب تاخد السجل في المجمع و ممكن الظابط يقبلة او لاء بس افضل انها تغير الباسبور و تكتب اي وظيفة لو عندها شركة
 
عرض العطلة
#6
الاتنين الى مكتوب وظيفه هيطلعو التصريح الامنى مفيش مشكله فيهم لكن الى مكتوب حاصل على دى المفروض تقدم على تصريح بس مش هيطلعلها عشان كدا لازم تروح تغير الباسبور للوظيقه الى هى فيها
 
#8
3بنات مسافرين تركيا لوحدهم واهلهم موافقين
دا انا ابويا موافقش اروح اشتغل في الساحل غير بعد ما خليت خالي يتحايل عليه
 
#10
ده بوست شوفته فيه معلومات مفيده.
================================================
ركز بقي معايا عشان كل اللي فات دة مش مهم المهم اللي جاي
ثانيا: الاوراق المطلوبه للتصريح اللامني :
في 4 حالات ليها :
1- في حاله فيزا الزيارة مطلوب منك الباسبور و صورته و صورة الفيزا
2- في حاله وجود مهنة في الباسبور يعني فيزا سياحه عاديه مطلوب منك برنت تأمينات مختوم و جواب HR مترجم بالعربي و صورة الباسبور و صورة الفيزا
اما لو انت مهنتك اللي في الباسبور ليها نقابه وهي مهنه نقابيه يعني زي دكتور مهندس محامي الخ الخ ممكن متقدمش برنت تأمينات اصلا ولا اتش ار ليتر ويكفي فقط كارنيه النقابه
3- لو انت معاك فيزا امريكا ساريه او شنجن ساريه وطلعت الفيزا الالكتروني ومكتوب في باسبورك مهنه او حاصل علي تقدر تطلع التصريح بالفيزا الاونلاين عادي
4- لو انت معاك فيزا امريكا ساريه او شنجن ساريه وطلعت الفيزا الالكتروني لكن مكتوب في باسبورك طالب مبتقدرش تطلع التصريح بالفيزا الاونلاين ولازم تكون فيزا زياره
( من الاخر بتاع المجمع قالها لو انت طالب حتي لو وقفت علي راسك برضو لازم فيزا زياره حتي لو كان معاك فيزا كوكب زحل وكوكب بلوتو برضو لازم تطلع فيزا زياره )
.
ولازم تكون حافظ اسم الوالد خماسي , ويكون معاك جنيه فكه وهتعرف ليه بعدين
المدة اللي بيطلع فيها التصريح الامني بتتراوح ما بين يومين لو انت امك دعيالك أو اسبوعين لو انت امك داعيه عليك يعني لازم تبوس ايد الحاجه قبل ما تروح المجمع
وبيكون صلاحيته شهرين يعني لازم تسافر خلال شهرين من استلامك للتصريح والا التصريح هيبقي لاغي وكانك معملتوش
.
طب افرض بعد كل دة معرفتش تطلع التصريح لاي سبب كان .. عندك حل من اتنين
1- تغمز حد من الامناء هناك الورقه ام 200 المتينه وهو يتصرف
2- تطلع من مصر بطيارتين منفصلتين علي اي بلد قريبه ( كوبري ) وبعدين من هناك ل تركيا زي دبي مثلا ولازم طبعا تكون عامل فيزا دبي الاول , أو ان يكون معاك شنجن ساريه فتسافر على اليونان مثلا وو تحتم دخول و بعدها تسافر على تركيا
================================================
 
عرض العطلة
#13
معلش سؤال خطر ببالي كدة من فترة

هو ايه لازمة التصريح الامني ده وايه الفكرة منه وايه خطر او غلط ممكن يحصل فالتصريح الامني ده بقى بيمنعه ؟؟

لحد دلوقتي مش شايفله اي لازمة ولا قيمة امنية بصراحة
 
عرض العطلة
#20
طب سؤال لو هى اخدت الفيزا على الباسبور اللى مكتوب فيه حاصله على وبعدان طلعت باسبور جديد مثبوت فيه المهنه عادى تاخد التصريح اﻻمنى
 
عرض العطلة
عرض العطلة
عرض العطلة
أعلى أسفل
عودة
قائمة