لو سمحتو ممكن اخد رأي الناس اللي عندها خبره في...

  • بادئ الموضوع بادئ الموضوع Silver Vet
  • تاريخ البدء تاريخ البدء
عرض العطلة
S

Silver Vet

:: مسافر ::
#1
لو سمحتو ممكن اخد رأي الناس اللي عندها خبره في السفر في حاجه ؟
دلوقتي انا عايزه اخد فيزا شنجن واطلع رحله حلوه في أوروبا
لقيت عرض من شركه علي رحله لباريس و امستردام ب ١٣٩٠٠ شامل طيران واقامه بالقطار وشفت ناس كتير بتقول ان ده سعر كويس وحمسوني اني اتوكل علي الله واحجز معاهم
وفي نفس الوقت الجروب طول الوقت بينصحنا اننا نرتب الرحلات مع نفس والطيران والفندق وكل حاجه وكده هتبقي ارخص وأضمن عشان النصب اللي بنسمع عنه وكده
فأنا احتارت جدا دلوقتي احجز مع نفسي ولا مع مش الشركه بالسعر اللي الناس بتقول عليه حلو ده
مع العلم انها اول مره
 
#2
بكل بساطة
حضرتك شوف او شوفى (الاسم مش واضح)
تواريخ الرحلة و عدد الايام و الفنادق كام نجمة و اعمل سيرش على اسعار تذاكر الطيران فى نفس التوقيت و شوف اسعار الفنادق لو مكتوب اسم الفنادق اللى هينزلوا فيها كان بها ماكانش دور على فنادق بنفس المواصفات و شوف اسعارها
و شوف الانتقال من باريس لامستردام كام
و اجمع كل ده
لو لقيت سعرهم اقل كان بها
لو عرفت تظبط اسعار افضل توكل على الله و احجز مع نفسك
 
#3
رأيى المتواضع مادام اول مره يبقى خليك مع الشركه خصوصا لو باسبورك ابيض بس تكون شركه ليها اسم وسمعه
 
#4
الكلام ده مضبوط كل شيء في الدنيا خبره وممارسه لو اول مره رحتي بمعرفتك هتحسي انك تايهه لكن هتشوفي نظام اوروبا وهتعرفي ازاي تحجزي وازاي تركب المتروهات... الخ الرحله الثانيه نظميها مع نفسك خلي الاولي استمتاع بدون ماتحملي هم وتفكري
 
#5
انا كمان بايد ان اول مرة تكون مع حد منظمهالك و تعرفي كل شيء ماشي ازاي بعد كده انت نفسك هتعرفي تنظمي رحلاتك بس اول مرة فعلا محتاجة شركة كويسة بس قبل ما تتعاملي معاهم ادخلي شوفيهم واخدين تقييم اد ايه و لو عرفتي اتواصلي مع حد سافر معاهم قبل كده
 
عرض العطلة
#6
بلاش تتعاملي مع شركات سياحة عشان نصابين واستغلاللين ده كلام الادمنز هنا ورايهم في شركات السياحة
 
#7
Mizo Sayed خمستاشر الف جنية تقريبا يطلعونا باريس وامستردام ازاى ؟؟؟ سعر رخيص جدا جدا دول لما يتحولو دولار هيطلعو كلام فاضى ... دانا طلعت دبى صرفت خمستاشر الف بالطيران معرفتش اشرب كباية مبة :-) :-) :-)
 
#9
الشركات السياحيه بتحجز تذاكر رخيصه والطيران الداخلي رخيص والفنادق 3نجوم ويكون البروجرام مطار. فندق. مطار يعني كل الزيارات داخل البلد انت بتعملها بنفسك لو الشركه عملتها لك بتبقي غاليه السعر معقول مش رخيص ولا غالي وايضا يعتمد علي عدد الايام وبالاخص عدد الليالي
 
#10
فعلا الاسعار دى بدون اى برامج سياحية
الانتقالات الرئيسية وليست اليومية والفنادق

اول مرة روحوا مع شركة السياحة لكن لازم يكون فى قائد للمجموعة علشان المزارات تعملوها مع بعض
 
عرض العطلة
#12
اللي بيتحكم في السعر شركه الطيران ومستوي الفنادق معظم شركات السياحه بتحجز غرف استاندر دي اقل مستوي غرف في الفندق هي مش وحشه بس ارخص حاجه
 
#14
والله انا لفيت ٨ دول فى اوروبا ب ٤٠٠ يورو بس فا احسن لو معاكى الفيزا لفى بنفسك احجزى الهوستلز و لفى اوروبا بالاوتوبيس هتلاقى متعه المغامره اكبر و هاتحسى فى الاخر انك عملتى تجربه جديده
 
#15
انا بنظم رحلات و منظم رحلة لبرشلونة و باريس ب ١٢٧٥٠ في العيد ،
و اقدر اقولك ان السعر كويس بس لو عملتها لواحدك هتعرف تجيب سعر احسن و توفر اكتر ،
انا عن نفسي بفضل السفر لواحدك و انك تخوض التجربة كلها مع نفسك و تتعلم منها ، الجروب لو هيفيدك هيبقي بس في انه يضمنلك الفيزا شوية عشان طالعين جروب مع بعض ،
لكن لو ضامن فيزتك افضل تطلع لواحدك ، لو دورت علي سعر الطيران و الهوستل و الانتقالات الداخلية تعرف تنظمها لنفسك ب ١١٠٠٠ بالكتير اوي
و انت اولي بالباقي تتفسح بيهم هناك
 
عرض العطلة
#17
لو لوحدك هتبقي ارخص، بس مع الشركة هتبقي اضمن شوية و معاكي حد تعتمدي عليه و جروب و ونس
انا رٲيي اطلعي اول مرة مع الشركة
 
#18
طالما اول مرة سفر يبقى مع شركة السياحة طبعا بالذات ان السعر معقول ... اكسر رهبة السفر الاول وبعدين ابتدى نظم لوحدك
 
#19
السلام عليكم
اول حاجه مش مكتوب عدد الايام وفى اى شهر لو فرضنا انه فى الصيف السعر يعتبر ببلاش لفرنسا وهولندا ولو فرنسا هيكون باريس ولامكان تانى
الحاجه التانيه باريس من المدن اللى محتاجه ساعه بالكتير علشان الواحد يعرف يتحرك بحريه فى المواصلات المترو والترام مغطيين باريس بالكامل حتى من والى المطار سواء شارل ديجول او اورلى
اعرف اسم الفندق والطيران وزى ماقولت السعر فرصه وفرصه كبيره كمان لو مش نصب
 
#20
السعر غالي جدا ونصيحة فكك من شركات السياحة واعمل برنامجك بنفسك , السعر ده بيبقي طيران وفندق من غير فسح ولا حاجه فانت لسه حتدفع تاني هناك , لو عملت برنامجك بنفسك وحجزت بنفسك حتدفع 2/3 المبلغ ده
 
عرض العطلة
عرض العطلة
عرض العطلة
أعلى أسفل
عودة
قائمة