الجماعه اللى بيسافروا كتير .. بتعملوا ايه عشان...

  • بادئ الموضوع بادئ الموضوع Hend Abdullah Badawy
  • تاريخ البدء تاريخ البدء
H

Hend Abdullah Badawy

:: مسافر ::
الجماعه اللى بيسافروا كتير .. بتعملوا ايه عشان ضغط الطياره ع الأذن
انا كل مره باخد احتياطاتى وبرضه ودنى بتوجعنى وبتفضل فتره طويله لحد ماتتحسن
المشكله المره دى معايا اطفالى وخايفه عليهم من المشكله دى
عاوزه حل متجرب ومضمون
 
مضغ اللبان وشرب السوائل.. كله كلام فاكس.. انا الموضوع دا كان معذبني.. والحل الوحيد اللي نفع معايا هو لبس السماعات اللي هي بتقفل الودن زي اللي في الصورة دي.
بفضل لابسها طول الرحلة
عن تجربة
vU52TVo75_BtcGM8bzpxneXmyiQitk1C.jpeg
 
الموضوع مش فظيع اوي كده...هو بس في اول الطيارة مابتطلع واول ماتبدأ تنزل وبعد كده خلاص بتاخد اقصي حاجة دقيقتين والاطفال كده ممكن يعيطوا من ودانهم ساعتها وفيه اطفال ولابيحسوا بحاجة وخلاص مفيش حل غير مضغ اللبان او انك تفتح بقك وتقفله كتير في الوقت اللي فيه ضغط ده بسيطة ان شاء الله بس انتي سافري ولو عندك مشاكل اصلا في ودانك لازم تستشيري دكتور ااااكيد
 
ضغط الطياره ونوعها على فكره بيفرق من شخص لآخر يعنى ال Narrow body aircraft
بيكون الضغط فيها سئ جدا عن ال
Wide body aircraft
بمعنى لما تيجى تحجزى رحلتك حاولى تكون على الطيارات الكبيره اللى مكونه من 7 كراسى او 9 لأن تأثير الضغط بيبقى اقل على الاذن تانى حاجه لو عندك مشكله فى الجيوب الانفيه بتأثر على الأذن خدى معاكى نقط للأنف والأذن استعمليها قبل الرحله و اثنائها وان شاءالله تبقى رحله سعيده وللأولاد لبان او عصير و لو حد عنده ذكام فيهم متنسيش نقط الانف والاذن ليه
 
انا تبهدلت ولغيت رحله بعد ما وصلت ورجعت تاني لانه قلب بالتهابات وفيه ناس تعبت جامد منستهونيش بالموضوع.... فيه نقط بتتحط ف الانف. جميله جداااا. ولو ع. الطياره حسيت انها هتالمك نقطي منها تاني
 
قمة التخلف في بعض الردود ان الناس يعلقوا بان الموضوع بسيط مش قادرين يفهموا ان فيه حد ممكن يكون مختلف أو طبلة ودنه ضعيفة أو قناة استاكيوس ضعيفة مش بتعادل الضغط بسهولة زيكم.
في أيه
عندها مشكلة ووجع جامد افهموا واللي عنده حلول يقول

بالنسبة للأولاد بنسبة كبيرة ان شاء الله مش هيحصلهم حاجة
 
انا في رحلة من الرحلات ماحستش بضغط الطيارة نهائي ورحلة تانية فضلت وداني مقفولة من اول الرحلة لحد مانزلنا من الطيارة بس المرة دي كان عندي التهاب شديد في الاذن وماهتمش اني اكشف قبل ما اركب
الفكرة بس انك عشان تكوني مطمنه ممكن كشف الاول وبفتره قبل السفر لو فيه حاجة الدكتور ممكن يكتبهالك تساعدك ماتتعبيش او لاقدر الله يكون في التهاب في ودانك يتعالج قبل ماتسافري بفترة
ربنا يوفقك وان شاء الله رحلة سعيدة
 
انا ببقي ماسكه اللبانه في ايدي زي حباية الانقاذ وكوباية العصير لابني اول ماهوب الطياره تطلع اروح اروح حدفه اللبانه امضغها بسرعه واحط الكوبايه في بوق ابني ونفضل كده لحد مانطلع بسلام كلي لبان ولو هما كبار خليهم ياكلوا لبان هما كمان لو لسه صغيرين او بيبي يبقي عصير او ببرونه
 


أكتب ردك...