لو سمحتم يا جماعة انا مسافر سويسرا على اول 9...

  • بادئ الموضوع بادئ الموضوع Memo Nasser
  • تاريخ البدء تاريخ البدء
عرض العطلة
M

Memo Nasser

:: مسافر ::
#1
لو سمحتم يا جماعة انا مسافر سويسرا على اول 9 تنصحوني اخد معايا هدوم كتير ولا أشتري من هناك أحسن (مع العلم اني سمعت ان كل حاجه هناك غالية جدا) ... واول ما اوصل احجز عربيه خاصه افضل ولا اخد مواصلات عامة .. ايه نصايحكم واعمل ايه بالظبط ... انا اول مرة اسافر
 
#2
انت اول مرة تروح فبلاش عربية.. السواقة الصح اوى و الالتزام بتاعهم و السكك هتلخبطك.. ده غير ان المشي و المواصلات بيخلوك تستمتع اكتر بالبلد..
 
#3
غالية غباااااوة والأفضل تروح لأقرب حدود مع المانيا او إيطاليا او النمسا او فرنسا وارخصهم المانيا وتشتري مشترياتك من هناك وسويسرا صغيرة وكل المدن جنبها حدود
 
#4
اول ماتوصل المطار فيه ماكينه تسحب منها تكت مواصلات مجاني لمده ساعه ونصف وانصحك استخدام المواصلات العامه طبعا
ولو نازل في فندق اغلب الفنادق هناك بتدي كارت مواصلات مجاني طول فتره الاقامه للباص والترام وكمان المراكب الصفراء في بحيره جنيف
بالنسبه للملابس فيه أوت ليت في جنيف أسعاره كويسه
 
عرض العطلة
عرض العطلة
#11
انا السنه الي فاتت روحت في نص شهر 9 كان الجو بيقلب .. بس الغالب بتاعه بيبقى برد .. فا ضروري يبقى معاك جاكيت .. خاصه لو في الخطه بتاعتك انك هتركب تلفريك و تطلع مرتفعات دي اساسي بتبقى تلج .. فا ضروري يكون معاك جاكيت .. و مش تاخد هدوم كتير
و اعمل حسابك تاخد معاك شمسيه لانها بتشتي مره واحده بدون اي انذار ..
و خلي معاك مسكن و خافض حراره .. ان شاءالله مش هتحتاجهم بس يبقو معاك هيكون افضل .. لان الصيدليات هناك استحاله حتى تصرفلك حبايه بنادول من غير روشيته ..
 
#12
سيبك من موضوع العربيه .. لان مجرد ما تنزل في سويسرا في اي فندق اسأل على كارت المواصلات المجاني .. ده بتركب بيه المواصلات مجانا و بتروح في اي حته انت عايزها .. بس القطارات طبعا بفلوس ..
 
عرض العطلة
عرض العطلة
أعلى أسفل
عودة
قائمة