E
Eslam Agiba
:: مسافر ::
انا رحت المغرب السنه اللى فاتت , اكتر شئ كان مكلف هو تذكره الطيران (المغربيه ب 4000 ج وقتها ) بس كان ممكن تجيب تذكره ارخص من كده بس انا وقتى كان ضيق ..الاكل رخيص ف المطاعم وبره ومعظمه حلو خصوصا (الطاجين ) والكسكسى والمعجنات ...انا كان ليا صديق هناك مستضفنى ف وفرت الاقامه ولكن لفينا كذا مدينه كنا بننزل ف هوستلز بتتراوح بين 150 ل 200 درهم للفردين ع حسب المدينه وممكن اغلى من كده, كازابلانكا مفهاش مناطق مميزه للسياحه , هيا مدينه بيزنس ومصانع , الرباط فيها بعض المناطق ف المدينه القديمه حلوه ولكنها مش مميزه جدا برضو , الشمال اجمل شئ فيه الطبيعه الخضراء والطراز المعمارى القريب من اسبانيا خصوصا المدينه القديمه ف طنجه وتطوان ودى مدينه صغيره جبليه رائعه , لو حابه المغامره يبقى لازم تروحى شفشاون وسط الجبال وتتسلقى قمه الجبل وهيا مدينه بيحب يزورها hikers كتيير من اوربا هتلاقيهم هناك ...ومن شفشاون روحى فاس المدينه العريقه وفيها اقدم جامعه دينيه (القرويين ) وهيا مدينه تشبه الاقصر من الناحيه التراثيه فى المغرب ...لو حابه طبيعه شبه اوربا كمان يبقى زورى (افران) وهيا قريبه من فاس بس المدينه هاديه مفهاش شئ مميز ممكن تزوريها ساعتين تتفرجى ع الطبيعه والطراز الاوربى ,,,,مراكش منصحكيش تزوريها هيا مدينه تقليديه بس غاليه جدا بوفيها استغلال سبب السياحه فيها ..هيا بالنسبالهم زى شرم عندنا كدا ...
D
Dr-Hesham Zaghloul
:: مسافر ::
انا سفرت السنه اللي فاتت كازابلانكا ودي العاصمة الاقتصادية للمغرب بس مش منطقه سياحية للأسف زي مراكش وقاس وطنجة بس فيها أماكن حلوه كثير زي جامع الحسن الثاني وحي الأحباس والمدنيه القديمة وتوين تاور اللي صور رامز جلال البرنامج بتاعه فيه وفيه مول مروكو حلو برضه وفيها شواطئ تحفه زي شاطئ ميامي وبوعزيز ودة بعيد شويه عن المدينة حوالي 25 كيلو وساعات بيكون في البلد مهرجانات مفتوحه أغاني ورقص والاكل الأشهر الكسكس ولحم الماعز بالبرقوق وعموما المغرب رخيصه تعتبر نفس الأسعار في مصر تقريبا مع الفرق دلوقتي طبقا عشان التعويم الرحلة اتكلفت حوالي عشرة آلاف أو أزيد شويه وكنت نازل في فندق أطلس الموحدين قريب من ساحة الامم المتحدة اللي هي زي وسط البلد عندنا